Tag 29 - Advanced Tauchusbildig 1/2

De Janis het d Tanja überredet doch na de Advanced Adventurer SSI Kurs (Fortgschritteni Usbildig) im Tauche z mache…
Da s Wetter nöd so guet gsi isch, hemmer so d Ziit defür grad guet chöne nutze.

Mir hend eus das Mal für e anderi Tauchschuel entschiede (es git würkli Unzähligi da 🙈🙆‍♀️🤿).

Los gange isch es gmüetlich am 11i miteme Theorieblock. Da hemmer namal meh über Tariierig (wie mer under Wasser uf de gliche Höchi bliebt) und s navigiere/orientiere glernt.

Nachher isch es au scho ab uf s Boot gange. Mir hend zwei Tauchgäng mit ganz viel verschiedene Üebige unter Wasser gmacht.

Dive 1 - Perfect Buoyancy

Dive 2 - Navigation

Nachher simmer für e churzi Pause zrugggfahre und am 6i isch es denn namal uf s Boot gange für oise ersti Night Dive.
Da simmer aso scho chli nervös gsi, so ganz im Dunkle… aber es het sich glohnt! Mer gseht halt namal ganz anderi Lebewese i de Nacht. Mir hend den sogar e Schildchrot gseh! 😍🐢

Dive 3 - Night & Limited Visibility

Ziemli gschluchet vom Tag simmer spöter na churz öpis go Znacht esse und denn direkt ab is Bett. Morn gahts nämli am 6i am morge scho wieder ide Tauchschuel wiiter 🙆‍♀️

Nervös? Absolut.
Packe mer das? Isch das echt doch na en Nummere z gross für ois? Was wenn morn bim Deep Dive öppis vo 1000 Sache schief gaht? Mached das oisi Körper überhaupt na mit nach dem intensive Tag?

But what if...?
Was isch, wenn mers eifach dureziehnd? Was wenn mer dur d Angst gönd, vertraued, dra glaubed und s eifach mached?

Mir sind starch. Mir schaffed das. Und mir vertraued druf, dass mir das packed und dass es guet chunt!

Mir sind morn am 6i parat und ziehnds zeme dure! 💪🏽👫Læs mere