Tag 30 - Advanced Tauchusbildig 2/2

Am halbi 6i het de Wecker glütet… mer wäred ehrlich gseit beidi lieber liege bliebe, da de geschtrig Tag scho recht recht ahghenkt gha het.

Aber hüt sind namal zwei Tauchgäng uf em Programm gstande.

Hend beidi schlecht gschlafe will mer mega Respekt vorem ahspruchsvollste Tauch vom Kurs, vor em 30m Deep Dive gha hend. Isch würkli nöd ohni i dere Tüüfi..

Bi so Sache fröge mer ois amel, "Warum mache mer das überhaupt? Warum gömmer das Risiko überhaupt ih?" 🤔😅

Aber hey, mer hend gseit mer ziehnds dure, also ziehmers au dure. Mir packed das zeme! 💪🏽

Am halbi 7bni simmer scho wieder uf em Boot gsi (d Tanja na halbe schlafend).

❌ Zmorge
❌ Kafi
✅ Am 7i i die klatschnasse Tauchsache vo gester ine 🙌🏼🙃

Churzes Briefing und denn lets go.

Bim erschte Tauchgang simmer zumene Schiffswrack bis uf knapp 30m abetaucht. D Sicht isch leider schlecht gsi und so hemmer nöd mega viel gseh.

Dive 4 - Deep Dive 30m & Wrack

Bim zweite Tauchgang hemmer denn würkli eifach en Fun Dive gmacht und hend namal einigi tolli Fisch gseh.

Dive 5 - Fun Dive

Am 11i simmer scho wieder zrugg gsi und au am Endi vo eusem Kurs. Hend denn d Zertifizierig becho. 🎉🥳👏

Ez simmer also scho Advanced Adventure Divers und dörfed bis uf 30m abetauche, Nacht Dives mache und zu Schiffwracks.. 🙈

Wow, what a wild journey mit Ups and Downs. What a time to be alive. Was für es Gschenk, dass mir das alles dörfed erlebe.. 🙏🏽

Da hüt endlich wieder so richtig d Sunne gschune het, simmer am Namittag chli in Pool go bade, am Tanote Bay Strand gsi und uf en schöne Ussichtspunkt ufegloffe (isch eher es liechts chlettere gsi geg de Schluss 😂).

Am Abig hemmer denn na eusi Sache für eusi Abreis morn packt und sind todmüed is Bett gheit. 😴

Phuu... 5 Advanced Tauchgäng wo mer muen Üebige mache und de Chopf voll bide Sach ha hend definitiv ahghenkt und Spure hinterlah..
Mer bruched etz zerstmal chli Ziit zum de Körper regeneriere z lah und wieder Energie tanke. Drum mache mer etz aso zerscht mal e chliini Pause vom Tauche. 😅☺️

Wo gahts echt als Nächsts für ois hii? Was denksch? ☺️Læs mere