Tag 33 - Railay Beach Krabi

Hüt hemmer an berüehmte Railay Beach wele. Det hi gits kei Strass, sondern mer chunt nur mit em Boot det hi.
Isch zwar voll mit Touriste, aber eimal gseh ha hemmer s glich wele 🙈

Aso simmer an Ao Nang Beach gfahre und hend vo det es Ticket kauft für s Boot.
D Fahrt gaht nur paar Minute, aber was die da alles für schwarzi Abgas i d Luft uselönd mit ihrne voll pimpte Motore isch scho krass..

Am Strand ahcho simmer grad richtig Weg zum Viewpoint gloffe. Das isch euses eigentliche Ziel gsi.
De Weg det ufe isch zwar nöd lang, aber mega steil gsi und eigentlich au meh es Chlettere. Wär wahrschindlich ide Schwiiz T4.

De Viewpoint selber isch ez nöd mega spektakulär gsi, da hemmer scho schöneri gseh.

Eigentlich hemmer denn na wiiter wele zunere Lagune abelaufe. Aber da isch es denn würkli nur na e vertikali Wand zum chlettere gsi. Wo mer gseh hend was da alles für Lüt abegönd (mit Flip Flops und überhaupt kei Ahnig vo Wandere und Chlettere) hemmer fascht nöd chöne zueluege.. mir hend eus denn entschiede wieder umzchehre und nöd zuezluege wie da na eine abegheit 😅

Nachher simmer mit em Boot wieder zrugg und am Abig na go indisch esse ☺️Baca lagi