Tag 34 - Dragon's Crest Nature Trail

D Tanja vermisst d Berge und so hemmer eus entschiede hüt e Wanderig z mache.
Für das simmer zum Ngon Nak Nature Trail.

Es isch en Nationalpark wo mer en Wanderweg chan ufelaufe und dobe het mer e mega Ussicht.
Bim Ihgang hemmer müsse Ihtritt zahle und eus in e Lischte ihträge, damit sie wüssed wer alles unterwegs isch und wieder zrugg chunt (damit niemert vergesse gaht).

Mir sind extra früeh los, aber heiss isch es glich gsi 😅
De Weg isch öpe 4km lang bis an höchschte Punkt. Aso kei riese Wanderig, aber dur d Wärmi und d Stiegig simmer trotzdem pflotschnass obe ahcho.

D Ussicht isch mega gsi 😍🙌
Mer het würkli vo allne Siite Krabi chöne bestune. De Weg het sich aso meh als glohnt ☺️
Nach ere churze Pause und paar Fotis (leider het de Janis nöd döffe Drohne flüge..) simmer denn au scho wieder zrugg abe.

Am Nami hemmer denn nüme viel gmacht und d Ziit gnutzt zum chli lese und entspanne. ☀️Læs mere