Tag 48 - Kurzer Stop in Bali, Kuta

Hüt simmer gmüetlich nach em Zmorge mit em Taxi richtig Hafe gfahre.
Will da irgendwie alles e chli unnötig komplizierter isch, cha mer d Tickets für d Fähre nöd am Hafe selber chaufe, sondern vorne dra am Strasserand. 😅

Nachdem mer euses Ticket gha hend, simmer ca 1.5h mit de Fähre nach Gilimanuk (Bali) gfahre.
Vo det hemmer denn namal ca. 4.5h Autofahrt richtig Denpasar vor eus gha.

Für das hemer en private Driver buechet. De het ois denn nach 1.5h zumne mega feine Resti uf em Weg gfahre und het denn 45min uf ois gwartet bis mer fertig gesse hend und isch den namal 3h gfahre (hend en welle iilade zum mit ois esse, het aber nüt wölle..).

Hend mega spannendi Gspröch gha und het ois vill drüber verzellt, wie korrupt Indonesie halt ebe isch. Isch nöd s erstemal wo mer das ghöred leider...

Er het denn au niemer chöne zruggfahre, sondern het eifach müsse "Gratis" wieder 5h zu sich hei fahre bis am 10ni am Abig... 😕Und das für grad emal ca CHF 40.-

Hend etz sini Kontakdate und chönd en wemer wieder zrugg uf Bali sind für CHF 40.- für en ganze Tag als Privat Driver bueche.

Mir bliebed jetzt nur ei Nacht in Bali und flüged morn scho wiiter uf Labuan Bajo, Komodo. Drum hemmer es Hotel grad nebed em Flughafe für ei Nacht buechet.

Am Abig isch denn de Janis na go Haar schniide (Seiten auf 0) und mer sind na imene mega noble indonesische Resti go Znachtesse.
Da isch s Esse definitiv viel besser gsi als die letschte Täg, aber mir vermissed trotzdem s Thaifood und das Indonesische isch leider gar nöd oises🙈😅.Leggi altro