Tag 46+47 - Ketapang Recovery Days 🪫😮‍💨

Ketapang.
De eigentlichi Grund wieso mer dahi sind, isch wel mer hend wele uf de aktivi Vulkan Ijen ufelaufe zum die berüehmte blaue Flamme ide Nacht z gseh.
Da s Wetter aber leider mega schlecht usgseh het (Rege, bewölkt und neblig) hemmer beschlosse das uszlah und zwei Täg eifach bizli entspanne.

Hüt simmer am morge chli an Pool und am Nami hemmer denn nüme viel gmacht, da s de ganz Tag suscht gregnet het.

Am nächschte Tag het s Wetter au nöd gross anderscht usgseh und so simmer is Fitness da i de Nöchi zum chli Bewegig ha und hend es paar Sache wiiterplant.

Ih dere Gegend wo mer sind, cha mer würkli nöd viel mache, wenn mer nöd uf de Ijen gaht. Es hat au so guet wie kei Touris und drum simmer würkli überall ufgfalle, ahgluegt und ahsproche worde.

De Janis het sich so gfühlt wie wemer die erste wiise Mensche sind wo in Afrika sind.

Am Ahfang isch es ganz herzig gsi mit de Lüt z rede, aber irgendwenn au chli unahgnehm immer so ufzfalle 🙈😅 Die sind denn au eifach neb de Janis ghocket und hend aafoh Bilder mache, so i dem Stil 😅

Aso Englisch het fascht niemert chöne. Esse hemer Vegi leider so guet wie fascht nüt gfunde und hend amel eifach öppis zum Hotel bstellt nach langem sueche.
Au d Optione sehr schwierig, isch eich immer alles frittiert.

Da isch es sehr starch Muslimisch prägt und mer ghört eich die ganz Ziit irgendwo en Moschee.

Uf jede Fall simmer froh morn wiiter z gah für en churze Stopp uf Bali und hoffed wider uf es bitzli meh Tourismus ☺️😅.

Würde mer namal dahii cho? Nope.Leggi altro