Tag 51 - Komodo National Park

Hüt hemmer mal so e richtigi „Touritour“ gmacht 😅 aber es het sich glohnt ☺️

Am morge am halbi 6i het de Wecker glütet und am 6i simmer au scho abgholt worde.
Mir hend hüt en Boattrip zu sechs verschiedene Spots inklusiv Komodo Island gmacht.
Als erschts simmer uf Padar Island gfahre, wo mer uf de berüehmti Ussichtspunkt ufegloffe sind. (De Guide het gmeint mer brucht ca 25min, wemmer schnell isch 20min.. de Janis meint wemmer Schwiizer isch 15min 😂)

D Ussicht isch würkli mega schön gsi, au wenns viel Lüt gha het. Mir wennd gar nöd wüsse wieviel Lüt da i de High Season sind! 🙉

Als zweits simmer zum Pink Beach.
De Strand gseht würkli pink us, au wenn nöd ganz so krass wie mer vo de Bilder zerscht denkt het.

Nachher isch es wiitergange uf Komodo Island. Da simmer in Nationalpark die berüehmte Komodo Dragons go ahluege.
Sie seged zwar immer es seged wildi Tier, aber ehrlich gseit isch es eus meh wie imene Zoo vorcho.. die ganzi Gruppe isch rundume gstande und het Föteli gmacht. Au wenn d Fotis würkli guet usgsehnd so hinder em Komodo Dragon, so isch eus die Situation nach paar Minute au immer absurder vorcho… aber trotzdem isch es schön gsi die spezielle Tier mal wild z gseh.

Nacheme Lunch uf em Boot simmer denn na zu zwei verschiedene Schnorchelort gfahre.
S Wasser isch mega klar gsi und mir hend sogar Babyhaie, Schildchrot, vieli Fisch und schöni Koralle chöne gseh 😍 nur d Mantas hend gfehlt. Aber ez freue mer eus umso meh uf s Tauche morn und hoffed denn die au na döffe z gseh! ☺️

En würkli coole Tag gsi und sogar s Wetter het mitgmacht! Erscht genau uf em Heiweg hets ahgfange regne ☺️🥰Læs mere