Tag 58 + 59 - Ogoh Ogoh und Nyepi, Ubud

Hüt wird s balinesische Neujahr gfiiret.
Und zwar hend d Balinese riesigi Dämone baue i de letschte Wuchene, mit dene sie hüt grossi Paradene (sogenannti Ogoh Ogoh Parade) uf de ganze Insle mached. Am Schluss werded die Statue denn verbrennt. Sie glaubed so die böse Dämone und Geischter chöne abschrecke.
Am Tag nachher isch denn de gröschti Fiirtig vo ganz Bali: Nyepi. Da het würkli alles zue und alli münd dihei bliebe. Au wird Strom und alles abgschalte und gfaschtet.
So wennd sie de Dämone und böse Geischter signalisiere, dass Bali leer isch und sie somit wiiterziehnd.

Scho am morge vo de Ogoh Ogoh Parade isch uh viel Verchehr gsi, vieli Strasse gsperrt und alli am vorbereite für die grossi Parade. Mir sind am morge is Fitness und hend eus denn mit Esse ihdeckt für die nächschte zwei Täg 😅
Am Abig simmer denn die Parade go luege.
Isch würkli mega ihdrücklich, was die alles für riesigi Dämone baschtlet hend 👹
Eus het das ganze chli ah Fasnacht bi eus erinneret. Au d Musik isch chli verglichbar gsi mit Guggemusik 😅

Am nächschte Tag, am Nyepi, isch denn würkli alles zue und au d Tourischte münd im Hotel bliebe. So hemmer eus en gmüetliche Tag im Hotel gmacht mit bade, sünnele, lese und eifach chli sii.

Isch uf jede Fall spannend gsi, das mit z erlebe ☺️Read more