Tag 60 + 61 - Bye Ubud, Hello Canggu

Hüt simmer froh gsi wieder us em Hotel use z chöne, au wenn vieli Restis und Läde na zue gha hend.

Mir hend hüt Ubud namal gnosse mit feinem Esse und sind biz go „lädele“.

Am Abig hemmer denn wieder de Roller abgeh und eusi Sache zemepackt.
_________________________

Am nächschte Tag simmer denn mit em Taxi ca. 1.5h uf Canggu gfahre. Eigentlich hemmer da zerscht gar nöd wele ane, wel s da so touristisch isch, aber wenn mer scho uf Bali sind, hemmer denkt wemmer das au mal na gseh und eus e eigeni Meinig bilde ☺️

Im Hotel ahcho hemmer zerscht grad wieder en Roller gmietet und sind biz dur Canggu gfahre. Das isch eifacher gseit als gmacht bi dem viele Verchehr wo s da het!
🙆‍♀️😅
Und lut Ussag vom Janis: leider luuter egoistischi Psychos da on the road 😅 sehr gfährlich da zum fahre..

Es het würkli sehr viel Lüt da. Aso ih de High Season würe mer au nöd wele da sii 🙈
Aber es het sehr viel schöni Läde, viel Hippster Kafis und Restis und drum au viel feins Vegi Esse für d Tanja ☺️Read more