Tag 64 - Welcome to Nusa Lembongan

Gmüetlich nach em Zmorge hemmer euse Roller abgeh und eus es Taxi an Hafe bstellt.
Mer hend wieder en mega liebe Taxifahrer gha, wo eus viel über Bali und Indonesie verzellt het. Isch uf jede Fall wieder mega spannend gsi.

Am Hafe hemmer eus denn imene Tauchshop na mit Tauchmaske und Schnorchel usgrüschtet.
So simmer usgrüschtet für die nächschte Täg ☺️

Nachher isch es denn mit em Speedboat uf Lembongan gange.
Nach ca. ere Halbstund simmer scho ahcho.
Aso scho bim ahcho hets mega schön usgseh — türkises Wasser und wisse Strand 😍

De Janis het eus denn scho en Roller an Hafe organisiert und de Bsitzer het en nigelnagel neue scooter eifach für eus det abgstellt mit em Schlüssel, wel er selber ane Zeremonie het müsse. Er het kei Geld, kein Pass, nüt vo eus gha und eifach vertraut... Wür bi eus nie so funktioniere leider 🙈

Im Hotel ahcho hemmer eus denn namal richtig gfreut. Mer hend nämlich das mal wieder biz meh Geld ih oisi Unterkunft investiert (aso ca. 30.- pro Nacht) und würkli es mega schöns Bungalow verwütscht ☺️😍
Da freue mer eus uf jede Fall uf die nächschte Täg 🤗☀️🤿🐠🏝️🌊

Am Abig simmer denn mit em Roller biz umegfahre und na zumene Outdoor Minigolf, wo mer da gfunde hend. Isch mal e cooli Abwechslig gsi, aber d Tanja isch nach paar Minute so verstoche gsi, dass mer e chli hend müsse pressiere 😅🦟☺️⛳️Read more