Tag 62 + 63 - Canggu

Hüt hemmer euse Tag wieder mit em Gym gstartet. Mir hend eus es Gym usegsuecht wo dusse isch. Leck hend mir gschwitzt 😅

Nach em Zmittag simmer denn in e Wöscherei, wo mer wieder mal eusi Wösch hend chöne selber wäsche.

Denn hemmer eus au na um d Verlängerig vo eusem Visa kümmeret.
Aso eigentlich sött mer das chöne online mache.. aber da das bi eus nöd funktioniert und s Amt grad e ganzi Wuche ufgrund vo Ferie zue het, hemmer das ganze über e Agentur müsse mache.. naja ez hoffe mer mal, dass das klappet 🙈🤷‍♀️
D Straf wemmer länger bliebt ohni Visa isch 1‘000‘000 IDR pro Person pro Tag 😅
(Isch nöd ganz so viel wie s tönt, aber trotzdem umgrechnet öpe 54.- pro Tag)

Am Abig hemmer eus na biz d Läde ahglueget und sind öpis feins go esse.

__________________________

Am nächschte Tag hemmer eus um eusi Wiiterreis vom nächschte Tag kümmeret (Fähretickets, Roller miete und Taxi vom Hafe is Hotel).

S Wetter isch sit mer in Canggu sind mega schön und drum hemmer eus entschiede uf Kuta an Strand abe z fahre.
Aso de Verchehr isch würkli krass da.. 🙆‍♀️
Eis Chaos uf de Strass.. de Janis meint chli wie Mario Kart fahre 😂
De Strand isch scho oke gsi, aber mir hend definitiv einigi schöneri gseh uf eusere bisherige Reis. Au hets leider viel Abfall wo überall umelieht..😕

Am Abig hemmer denn na eusi ganzi Wösch zemepackt und parat gmacht zum morn wiiterreise. ☺️Læs mere