Tag 70 - Erholig / Nitrox Diving

Hüt isch de Janis doch na go tauche (Dive Concepts Lembongan).
Ihm isch es wieder guet gange, aber d Tanja isch leider mit de Vercheltig en Tag hinedri und het immer na Pfnüsel und Ohredruck gha… Drum het sie sich entschiede lieber nöd mitzgah.

Aso isch es für de Janis am 8i losgange. Es sind zwei Dives uf em Programm gstande. Eich namal ah de gliche Ort, wo mer au go Schnorchle gsi sind.

Aber halt id Tüüfi, für die grosse Buebe 😜 Sind sini erste 2 Nitrox Dives gsi und isch daher bitz nervös gsi wie immer ☺️

Er het sehr vill Mantas gseh, Bamboo Sharks, Frog Fish (die wisse im Video), Blue Spot Stingray und... zu guter letzt Delfine 😎🙏🏽

Sehr cool gsi aber relativ aaspruchsvolli Dives will s sehr intensivi Strömige gha het währendem Dive.

D Tanja het währenddesse bizli Sport im Hotel gmacht und isch an Strand ghockt und het chli glese. 📖

Am spötere Nami isch denn de Janis wieder zrugg cho und so hemmer euse letschti Abig da in Lembongan mit Pizzaesse am Strand usklinge lah. ☺️🍕Weiterlesen