Tag 71 - Welcome to Kuta, Lombok

Hüt hemmer eus vo dere schöne Insle und eusem schöne Hotel müsse verabschiede.
Am morge hemmer also eusi Sache zemepackt und sind nach em Zmorge mit em Roller an Hafe gfahre.

Vo det hemmer zerscht müsse miteme chline Boot zum grosse Boot fahre.
Nachher isch es denn losgange zu eusem vorerscht letschte Stop in Indonesie: Lombok 🏝️

Nach ca. 5h Bootsfahrt simmer ahcho. Am Hafe vo Lombok hets eus denn zerscht mal chli erschlage vo dene viele Lüt. Alli hend eus wele es Taxi adrehe und hend leider meistens euses: „No thank you, we already have a driver.“ nöd akzeptiert..
Wil mer vo dem scho glese hend, hemmer zum Glück scho vorher vom Hotel es Taxi organisiert gha.
Sind denn sehr froh gsi, wo mer endlich bi ihm hend chöne is Auto stiege 🙆‍♀️
Dreckigi Halunkebandi.. 😆

Mit em Auto isch es denn namal ca. 2h richtig Kuta gange.
Leider simmer nach dere schöne Wuche voller Sunneschii wieder zrugg im Rege ahcho..🌧️
Mer hoffed es wird die nächschte Täg wieder besser 🤞

Im Hotel ahcho hemmer euses Standardprogramm gmacht: Gepäck ablade, Roller miete und öpis go esse 😅Read more