Tag 75 + 76 + 77 - Kuta, Lombok

Hüt hemmer beid nöd so recht gwüsst was mache. Ehrlichgseit hemmer grad e chli e Kriise.. verstöhnd eus nöd falsch, mer sind würkli unglaublich dankbar, was mer während de letschte Wuchene alles hend dörfe erlebe! Aber so langsam simmer doch chli müed vom plane, Hotels und Restis sueche und vor allem vom viele Entscheidige treffe 😅

Mer vermissed beidi euses schöne Dihei und oise gsundi Lebensstil 🙈
Eimal meh wo mer eifach wieder merked, was mir dihei alles hend und so dankbar chönd sii, dass mer d Schwiiz als euses dihei hend. ❤️

Mer sind denn am morge is Fitness gange und am Nami hemmer eus überleit was mer wennd wiitermache.
Euse ursprünglichi Plan wär eigentlich gsi, nach Lombok hei z gah, umpacke und denn na für vier Wuche uf Peru. Vor es paar Wuche hemmer eus aber entschiede eusi Reis uf Südamerika uf nechscht Jahr z verschiebe und lieber na es paar Wuche länger in Asie z bliebe. So hemmer weniger Stress und s macht logistisch au eifach meh Sinn.

Momentan simmer eus aber grad nüme so sicher, wie lang mer na wennd bliebe..
Aber eis isch sicher, mer nehmed uf jede Fall na zwei Länder meh mit, bevor mer hei gönd 🧳

---

Euse letschti Tag in Kuta, bevor euses letschte Abentür vo Indonesie ahstaht!

Am Morge hemmer eus es Taxi für die nächschte Täg organisiert.
Und denn hemmer de Tag mit relaxe am Strand verbracht. So hemmer namal s Meer und d Sunne gnosse.

Am Abig hemmer denn wieder eusi Sache packt und sind früe go schlafe zum fit sii für die nächschte Täg.

---

Hüt morge hemmer uscheckt und sind denn zerscht na öpis go esse.
Am Nami simmer denn mit em Taxi ca. 3h uf Senaru gfahre.

Die nächschte zwei Täg werde mer mit ere Wanderig uf de Mount Rinjani verbringe. 🌋
Eigentlich es Highlight wo mer eus beidi mega druf gfreut hend.
Mer hend das extra ganz an Schluss plant, wel mer ih de Regeziit (bis Ahfangs April) gar nöd uf de Vulkan ufe chan. Somit hemmer eigentlich uf guets Wetter ghofft!
Leider gsehnd d Prognose für die nächschte zwei Täg aber so richtig beschisse us.. (anderscht cha mer s nöd sege 🤷‍♂️🤷‍♀️)
Heftige Rege und Gwitter sind ahgseit 😣

Mer hend d Hoffnig nanig ganz ufgeh, dass es doch na chli besser wird als ahgseit.. 🤞Læs mere