Tag 80 + 81 - Welcome to Cebu 🇵🇭

Bye Bye Indonesia 🇮🇩 - Hello Philippines 🇵🇭

Nach dene zwei Täg hemmer eigentlich nur na wele go schlafe. Aber hüt het am 1 ih de Nacht wieder de Wecker glütet. Mir flüged nämlich hüt uf Cebu (Philippine).
Nachdem mer mit em Wetter uf em Rinjani so Pech gha hend, zähle mer uf dich, Philippines ☺️🙌

Leider hets kei gueti Flüg gha und so hemmer fascht e 24h Reis vor eus gha..
Zerscht isch es 3 Stund mit em Taxi an Flughafe gange und pünktlich am 6i simmer abgfloge.
Vo Lombok uf Jakarta, vo Jakarta uf Manila und vo Manila uf Cebu.
Am halbi 12i am Abig simmer denn in Cebu ahcho und nach ere wiitere Halbstund im Taxi denn au endlich im Hotel 🙌
Mer hend zwar immer mal wieder biz gschlafe uf em Weg, aber trotzdem simmer meh als froh gsi, wo mer endlich hend chöne is Bett gheie.. und denn erscht na ih so es schöns! Das mal hemmer wieder es richtig schöns Hotel verwütscht und nach dene letschte Täg tut das grad so richtig guet!
Guet Nacht 😴

---

Hüt hemmer zerscht mal usgschlafe.
Mer hend sogar fascht s zmorge im Hotel verpasst 😅

Nach em Zmorge simmer eusi (wieder mal nassi und übel stinkendi) Wösch id Wöscherei go bringe.

Denn simmer in es Kaffi ghocket und hend eus en richtig guete Kaffi gönnt 😍☕️
Im Kaffi hemmer d Ziit namal mit bizli wiiterplane verbracht.

Am Namittag simmer denn in es Ihchaufszentrum und sind chli go shoppe 😅
Das Ihchaufszentrum isch nämli Nr.1 vo de Aktivitäte in Cebu uf Tripadvisor 😂
Aber es isch uf jede Fall schön gsi, wieder mal normali Läde z gseh und Sache ahzluege ohni dass mer grad vo allne ahgsproche wird und verhandle muss.

Und am Abig simmer na go indisch esse und hend eus es Taxi für morn organisiert.Læs mere