Tag 82 - Welcome to Malapascua

Hüt gahts wiiter uf Malapascua.
Nach em Zmorge simmer e churzi Rundi is Hotelgym zum na chli Bewegig ha, bevor mer hüt wieder lang im Auto sitzed.

Am 11i isch denn euse Fahrer cho und mer sind ca. 4h an Maya Port in Norde vo de Insle Cebu ufe gfahre.
Vo det hemmer denn es Bootticket kauft und sind mit eme chline Boot ca. 40min uf Malapascua überegfahre.

Uf Malapascua ahcho hemmer denn aber en ziemliche Kulturschock gha..
Eigentlich hemmer denkt, mer hend ez würkli scho vieles gseh uf eusere Reis, aber die Insle isch namal es anders Level gsi. Alles isch volle mit Abfall und de Umgang mit de Tier het eus grad weh tah..😣😢

Und trotzdem isch es immer wieder krass zum gseh, wie die Mensche da mit so wenig trotzdem glücklich sind.
Sie lebed zum Teil nur ime Zelt oder schlafed verrusse und hend so wenig.

Aber d Chind sind trotzdem glücklich dusse am spiele. Da chömer ois e Schiibe devo abschniide.

Malapascua isch mega bekannt zum tauche mit Treshersharks. Das isch au de Grund wieso mir da hi cho sind.

Eigentlich hete mer plant 3 Nächt da z verbringe. Aber euses Hotelzimmer isch würkli nüt schöns gsi und nach dem mer die arme Schweindlis lebendig ime Plastiksack ihbunde vor em Restaurant gseh hend, halbe am hyperventiliere (het eus grad d Träne id Auge druckt..😢😢😭), hets eus so abglöscht, dass mer eus entschiede hend nach eusem plante Tauchtrip morn grad direkt wieder abzreise und lieber namal zwei Nächt in Cebu z verbringe.Baca selengkapnya