Tyhjennä haku
Tanja & Janis on Tour
  • Janis Löpfe
  • Tanja Steiner
  • Janis Löpfe
  • Tanja Steiner

Tanja & Janis on Tour

👫☀️🌋🌏 Lue lisää
SeuraaYhteenvetoYhteenvetoKalenteriKalenteriValokuvatValokuvatJaaJaaToivelista
YhteenvetoKalenteriValokuvat
  • Matkan aloitus
    29. tammikuuta 2025
  • Tanja & Janis on Tour
    De Janis Tot müed am Schlafe im Taxi (Grab) 😴🤤
    Die "Gheimtipps" het ois de "fründlichi Local" vo hand ufgschribe 🤨🤷‍♂️😂Oises Zimmer in Bangkok. Chömmer vollkomme empfehle. 😊SIM-Karte Schild vorem Tattoostudio - Danke Timon für de Tipp 😎 paar Schrübli gsparrt 💪🏽😆De Tanja ihres erste Pad Thai in Thailand. Fazit: 7/10 (das bi ois ide Schwiiz seg besser). 🙃Am Janis sis erste Pad Thai in Thailand. Fazit: 7/10Zrugg id Local Gegend zu oisem Zimmer go pfuuse 😴 Coole Tag gsi!

    Tag 1 - Aakunft in Bangkok

    30. tammikuuta 2025, Thaimaa ⋅ ☀️ 31 °C

    Aakunft in Bangkok: Abzockt? Aber nume fascht!

    Am 6i am morge simmer in Bangkok glandet.
    Da mer beidi nöd würkli hend chöne schlafe während em Flug, simmer dementsprechend müed gsi.

    De Janis wird hüt 30 🥳🤗
    Richtig Energie zum fiire hemmer aber beidi nöd würkli gha nach dem Flug 😅

    Vom Flughafe hemmer zerscht mal es Taxi richtig Hotel gno. Im Hotel hemmer eusi Backpacks deponiert und hend es Kafi für de Zmorge gsuecht. Nachher hemmer wele z Fuess d Stadt erkunde.

    Nöd lang isch es gange, het eus en fründliche Thailänder ahgsproche und in es Gspröch verwicklet. Mir beidi nüt ahnend, hend eus gfreut über die Fründlichkeit und hend sini Tipps zum d Stadt erkunde gern ahgno.

    Er het eus es paar Tempel ahgeh zum ahluege und debi au gseit mir söled unbedingt zum T.i.T. (anschienend es Touri Info Center).
    Er het eus grad in es Tuk Tuk gsetzt und am Fahrer gseit wo er eus söll hi bringe. Für die ganz Tour hete mer nur 120 Baht sölle zahle (ca. 3 Franke).

    Da mer beidi immer na sehr müed gsi sind, hemmer eus druf ihlah.
    Bim erschte Tempel ahcho, isch eus das ganze scho chli komisch vorcho.. de Tempel isch ziemli chli gsi und scho het en neue fründliche Thai mit eus gredet und verzellt was mer unbedingt hüt alles müssed bueche suscht segs denn usbuechet..

    Zrugg im Tuk Tuk hemmer euse Fahrer namal gfrögt, was denn das T.i.T. wo er eus als nächschts het wele hibringe würkli isch.
    Er het gmeint es seg zur Info, mir müssed aber überhaupt nüt chaufe. Aber mer würed det für ihn en Guetschii für Benzin übercho.
    Während de Fahrt hemmer denn churz googlet und schnell gmerkt, dass das ziemli sicher en Scam (Abzockig) isch.
    De Janis het nöd lang gmacht und em Fahrer gseit er söll ahhalte und mir sind usgstiege.

    So simmer namal guet devo cho.
    Das wird eus so schnell nüme passiere!

    Vo det simmer denn zerscht mal is Hotel go ihchecke und nur na go hereliege.
    So müed bini (Tanja) scho lang nüme gsi! 😴

    Spöter simmer denn na e Sim Charte für de Janis go organisiere. Da hemmer en super Tipp vom Timon übercho!
    Imene Tattoo Studio hends günstigi lokali Sim Charte verchauft. Perfekt für de Janis!

    Nacher simmer na go znacht esse (s erschte Pad Thai da in Thailand) und hend so denn glich na am Janis sin Geburi chli chöne fiire 🥳

    Was für en erschte Tag!    Lue lisää

    Katso käännös
  • Tanja & Janis on Tour
    Vorem Grosse Palast 👫😎 Schön, aber hends schnell mal gseh gah 😅
    Der Grosse PalastDer Grosse Palast2Tanja het sich entschide und isst ab jetzt jede Tag en Mango 🥭🤤😌Pier Map ade Haltestell mit allne Haltestelle ⛴️Ufem Schifftaxi z hinterst mitem beste Spot 😎⛴️De Chef wo alli ii und usstiige laht (nei, er isch niemeds aagmacht oder gsicheret 😅😂)So hend die Böötlis usgseh ⛴️Chinatown 🇨🇳 Pumpevolle gsi mit Chinese ☺️Chinatown 🇨🇳 Pumpevolle gsi mit Chinese ☺️Chinatown 🇨🇳 Pumpevolle gsi mit Chinese ☺️Lust uf Krokodil? 🐊 No problem, 120 baht (CHF 3.20)😅Uf de Rooftop Bar im japanische Luxus Restaurant NOBU 🏙️🎎🎌Uf de Rooftop Bar im japanische Luxus Restaurant NOBU 👩‍❤️‍👨🏙️🎌

    Tag 2 - Palast, Chinatown & Sky Bar 🥃🍹

    31. tammikuuta 2025, Thaimaa ⋅ ☀️ 32 °C

    Nach ca 12 Stund Schlaf hemmer de 2. Tag in Bangkok gmüetlich mit eme feine zmorge gstartet. De Janis het sich 5 Rühreier bstellt, aber sicher öpe 10 übercho 😂

    Denn simmer zerscht mal de Lizenz vom Janis sinere Drohne nahgrennt, was d Tanja zerscht chli gnervt het. Am Mittag hemmer denn aber alles zeme gha und hend endlich chöne öpis go ahluege.

    Eigentlich hemmer de berüehmti liegendi Buddha wele go ahluege, sind denn aber zerscht im grosse Palast glandet.
    Es isch zwar sehr schön gsi, aber da grad s chinesische Neujahr gsi isch, isch alles voll gsi mit chinesischi Touris. Drum sind eus die 500 Baht pro Person z viel gsi defür.

    Nachher hemmer eus entschiede richtig Chinatown wiiter z gah.
    Zerscht hemmer überleit es Tuk Tuk z neh, sind denn aber per Zuefall uf die Schifftaxis uf em Fluss dur Bangkok gstosse.
    So simmer für grad mal 16 Baht pro Person (das sind nöd emal 50 Rappe) ah euses Ziel cho.

    Chinatown isch würkli crazy gsi. Leider gseht mer uf dene Bilder nöd so ganz wie s würkli gsi isch. Für eus gfüllt Aliexpress in echt 😂
    Da hets würkli alles geh.

    Am Abig hemmer unbedingt na in e Rooftopbar wele. Da für die aber immer en Dresscode gulte het und mir nöd würkli öpis schicks debi gha hend, hemmer eus entschiede in es Ihchaufszentrum z gah, zum öpis poschte.
    Das Ihchaufszentrum isch riesig gsi und eigentlich meh wie en riese Luxusmarke-Fake-Märt.
    Völlig überforderet vo all dene Lüt und Läde, hemmer eus entschiede eifach mit dem z gah, was eusi Backpacks hergeh hend und somit hemmer nur es paar Sandale für d Tanja kauft (da ich nur Flipflops und dreckigi Turnschueh debi gha han 😅).

    Am Abig hemmer denn nach em Esse zerscht id Sky Beach Bar wele. Da hete mer aber 30 Franke Ihtritt pro Person müsse zahle.
    Nach bizli google simmer denn uf d Nobu Whiskey Bar gstosse. Det hemmer ohni Ihtritt quasi die ganz Rooftopbar für eus elei gha und hend die unglaublich tolli Ussicht chöne gnüsse 😍    Lue lisää

    Katso käännös
  • Tanja & Janis on Tour
    Oises Zimmer in Chiang Mai. Fazit: 9/10, hemmer super usgsuecht ☺️
    Am Janis sin "Gamechanger" jede Tag es Päckli Elektrolyte is Wasser, wemer so fest schwitzed 🥵☺️Ersti Spaziergang dur Chiang Mai am abig. Wiso en Chue i dem Tempeli isch, kei ahnig 😂😅Chiang Mai by Night1De janis het sini Zehe am Fuessbett aagschlage 😂🤦‍♂️ Chan en grad aktuel nümm bewege 🙃

    Tag 3 - Vo Bangkok nach Chiang Mai

    1. helmikuuta 2025, Thaimaa ⋅ ☀️ 31 °C

    Da de Nachtzug vo Bangkok uf Chiang Mai leider scho usbuecht gsi isch, hemmer eus entschiede mit em Flugi wiiter z gah.

    Nach ca. 1.5 Stund flüge simmer in Chiang Mai ahcho. Vo det simmer denn direkt wiiter i euses Hotel. Respektiv isches eich es Poshtel, aso öppis zwüsched emne Hotel und emne Hostel.

    Super Konzept. Luxus vomne Hotel aber Priise fast vomne Hostel.

    Euse Gastgeber, de „Pon“ isch super lieb und het eus mega fründlich empfange.
    S Hotel isch bizli usserhalb vo de Tourizone, was eus sehr gfallt.

    Da d Stadt z Fuess vo eusem Hotel doch bizli wiit weg gsi isch, hemmer eus entschiede für die nächschte Täg en Roller z miete. Willmer acho chli usserhalb sind und hüt alle z Fuess zrugggleit hend.

    Am Abig simmer denn na go Pizza esse und an Saturday Night Market.    Lue lisää

    Katso käännös
  • Tanja & Janis on Tour
    Local Market vode Iiheimische (alles chli günstiger), ussert gsehsch natürli us wie en Bünzli 🇨🇭🧀😂
    Oises Balkönli 😌🥰 De Garte isch au herzig und für alli Gäst zuegänglich 🌿☺️Oise Roller für die nechste 4 Täg 😎🛵💨Chiang Mai irgend en Tempel ☺️Local Market vode Iiheimische (alles chli günstiger), ussert gsehsch natürli us wie en Bünzli 🇨🇭🧀😂De Janis het am abig mal welle per Grab App Pad Thai bstelle. Fazit: 10/10 und het CHF 2.44 kostet ☺️En Tempel am abig 🛕D Kommunikation mitem Gastgeber isch mega simpel. Eifach rasch im Whatsapp schriibe wasd bruchsch ☺️De chli Elefant het eifach müsse mit 🥰🐘

    Tag 4 - Chiang Mai erchunde & Märt

    2. helmikuuta 2025, Thaimaa ⋅ ☀️ 32 °C

    Am nächschte Tag hemmer den en Roller gmietet und sind an Local Market. Da wo die Iheimische ihchaufed.
    Au de Märt isch wieder riiesig gsi.
    Mir hend eus es paar Turnschueh für d Tanja (da die andere fascht scho usenand gheied) und es paar Flipflops für de Janis kauft. So simmer was Schueh betrifft usgrüschtet für die nächschte Wuchene.

    Am spötere Namittag simmer is Fitness. Hemmer beidi s Bedürfnis gha eus chli z bewege.
    Für das hemmer 60 Baht pro Person zahlt. Was nöd mal 2 Franke sind. Wieder mal sehr günstig.

    Am Abig simmer denn namal an en Märt: Sunday Night Market. Au wieder en riiesige Märt mit sehr viel schöne Souvenirs.
    Für die nächschte Täg hemmers aber zerscht mal chli gseh mit Märt.

    Chiang Mai gfallt eus würkli sehr. Sehr viel gmüetlicher und nöd ganz so volle und stinkig wie Bangkok.
    Au gits sehr viel feins lokals Esse da 😋
    Drum hemmer eus spontan entschiede zwei Nächt länger in Chiang Mai z bliebe.    Lue lisää

    Katso käännös
  • Tanja & Janis on Tour
    Mir zwei vorem Wat Chedi Luang. De Janis het sich im Decathlon en Sunneschirm kauft 😎☂️
    Schnell mitem Roller öppis zmorge go esse. Fazit: 10/10 und sind ab etz da Stammchunde 🤤😂De Tanja ihri Früchtebowl 😋 De Janis isst immer 5 Eier und en Früchteteller ☺️2Mer hend en noie kolleg gfunde ☺️ hendem etz mal en chatzefuetter snack kauft 😌🐈‍⬛Wat Chedi LuangWat Chedi LuangDe Iigang zum Tempel ☺️ D drache dörf mer nöd aalange 🤷‍♂️En ligende Buddha. Wichtig: Hochziitfotis mache isch vor dem verbote 😅🤷‍♂️😂Wat Chedi LuangWat Chedi LuangSchirm statt Sunnecreme für de Janis tiptop 😎😌Wat Chedi Luang, hend zerst gmeint isch en echte Mönch 😅😂De Tag usklinge lah imne Hippie Schuppe. Fazit: 11/10 mit Live Musig 🎤🎶De Tag usklinge lah imne Hippie Schuppe. Fazit: 11/10 mit Live Musig 🎤🎶Swiss chocolate everywhere 🍫 Lindt Dark Chocolate 70% oise Liebling 😌🥰

    Tag 5 - Wat Chedi Luang

    3. helmikuuta 2025, Thaimaa ⋅ ☀️ 32 °C

    Am nächschte Tag simmer de Tempel Wat Chedi Luang go ahluege.
    Tempel hets da würkli sehr viel und au sehr günschtig.

    Spöter simmer namal is Fitness (Muskelkater am nächschte Tag lässt grüssen) und hend für morn en Chochkurs buechet. Das hemmer beidi unbedingt da wele mache.

    Am Abig simmer ime coole Hippie Resti glandet mit feinem Esse und sogar Live Musik. ☺️    Lue lisää

    Katso käännös
  • Tanja & Janis on Tour
    1Meang Kum (Welcome Snack)Meang Kum (Welcome Snack)Pad ThaiSpringrollTom Yum SoupAm Janis sis Paneng Curry und Tom Kah Kai SuppeMango with sticky rice

    Tag 6 - Thai Chochkurs uf ere Local Farm

    4. helmikuuta 2025, Thaimaa ⋅ ☀️ 30 °C

    Am 8.20 simmer vor eusem Hotel parat gstande für de Chochkurs.
    Mit bizli Verspötig hends eus denn abgholt und los isch es gange.

    Zerscht simmer ih de Stadt uf en Märt wo eus d „Nan“, eusi Chochlehrerin für de Tag, hüfigi Zuetate ih de Thai Chuchi zeigt und erchlärt het.

    Ahschlüssend simmer wiiter uf e Farm chli usserhalb gfahre, wo denn au de Chochkurs stattgfunde het.

    Uf de Farm hets na en chline Garte gha, wo eus d Nan namal es paar Pflanze, Chrüter und Frücht zeiget het.

    Nachher isch es denn ah s Choche gange.
    Mir hend alli chöne 5 Dishes uswähle (Appetizer, Stir Fried, Soup, Curry, Dessert).
    Mir hend eus beidi für Früehligsrolle, Pad Thai, Paneng Curry und Mango with Sticky Rice entschiede. Nur Suppe hemmer unterschiedlich gmacht: de Janis Tom Kah und d Tanja Tom Yum.

    Für euses Esse würed mir eus beid es 10/10 geh 😍😋. Aber öb mer das dihei au so würed here becho? Ich weiss ja nöd… 😂

    Uf jede Fall hets sehr viel Spass gmacht und mer hend zum Schluss au na es chlises Chochbuech becho.    Lue lisää

    Katso käännös
  • Tanja & Janis on Tour
    Sicherheit geht vor ☺️☀️🪖
    Super Kaffi gfunde 11/10 zum oisi Blogartikel wiiterschribe ☺️ Fühlt mer sich halbe wienen InfluenzerD tanja im Nagelsalon (3 Fraue hend ihre gliichziitig Manikure und Pedicure gmacht) 💅✨De Janis isch i dere Ziit öppis go esse, was au sust 😂🤤 #always hungryHet irgend en krassi uszeichnig becho. Het sich glohnt: 11/10, Bombe gsi! 🤤😋S Ergebnis vode Madame 💁‍♀️✨🥰Cheers 🍻 Hend ois entschide namal i dem geile Hippie Resti go esse 😌🤤☺️"One big Chang" fast so gross wie am Janis sin ganze unterarm 😂😅The one man show. De typ het ois de ganz abig musikalisch begleitet, mega ☺️2

    Tag 7 - Gmüetliche Tag in Chiang Mai

    5. helmikuuta 2025, Thaimaa ⋅ ☀️ 30 °C

    Hüt hemmers mal chli gmüetlich gno.
    Zerscht hemmer eusi Wösch zum wäsche bracht und nachher hemmer d Ziit gnutzt zum endlich mal de Blog schriebe. (Schliesslich isch scho e Wuche vo eusere Reis ume)

    Au hemmer d Ziit gnutzt zum die nächschte Täg wiiterplane.

    Am Namittag het sich d Tanja e Pedikür gönnt und de Janis isch währenddesse es Massaman curry go esse (het vo CNN irgend en uszeichnig No. 1 of 50 world dishes). Ja, es isch würkli krass guet gsi. Het S / M / L gha und sich für M entschide. D Portion isch es XXXL gsi.

    Nachere churze Joggingrundi (gar nöd so eifach bi dem Verchehr 😅) simmer am Abig denn namal is Hippie Resti und hend d Musik gnosse.

    Morn hemmer vor in en Nationalpark da ih de Nöchi z fahre und übermorn gaht eusi Reis wieder wiiter.    Lue lisää

    Katso käännös
  • Tanja & Janis on Tour
    1Thai Herbs Rolls
    22Euse herzigi Bsuecher 😺Am Janis sin neue StammplatzDa wird alles uf de Strass gwäsche

    Tag 8 - au Planig muess sii

    6. helmikuuta 2025, Thaimaa ⋅ ☀️ 31 °C

    Zum hütige Tag gits nöd allzu viel z verzele.

    Da mer geschter gmerkt hend, dass vieles scho usbuechet isch die nächschte Täg, hemmer eus entschiede euse Usflug uf morn z verschiebe, namal e Nacht länger in Chiang Mai z bliebe und de Tag hüt namal zum wiiterplane z nutze.

    So chömer au s Flower Festival in Chiang Mai, wo das Wuchenend stattfindet na miterlebe ☺️🌸    Lue lisää

    Katso käännös
  • Tanja & Janis on Tour
    Wachirathan WaterfallPagode vo Doi Inthanon1De Janis am posiere wie alli andere Touris 😂Riieesigi Orchidee 🌸Wieder uh viel Lüt hets gha 🙈

    Tag 9 - Doi Inthanon Nationalpark

    7. helmikuuta 2025, Thaimaa ⋅ ☀️ 27 °C

    Hüt simmer mit eusem Roller in Nationalpark Doi Inthanon gfahre.

    Für das simmer ca. 2h hi und 2h wieder zrugggfahre. Im Nachhinein scho ganz schön langi Strecki z zweite mit em Roller…
    Aber es isch alles guet gange und es het sich au glohnt.
    Ih dem Nationalpark isch übrigens au de höchschti Punkt vo Thailand. Leider isch es chli bewölkt gsi und drum het mer nöd ganz so klari Sicht gha. Aber trotzdem schön ☺️

    Am Abig simmer denn na ah s Flower Festival im Zentrum vo de Stadt. Es het e mega schöni Usstellig alles us Blueme und mit Liechtli schön belüchtet 😍

    Nachher hets gheisse Rucksack packe für morn, wil morn gahts zrugg uf Bangkok.    Lue lisää

    Katso käännös
  • Tanja & Janis on Tour
    Da simmer na frisch gsi ☺️
    Parade vom Flower Festival 🌸Parade vom Flower Festival 🌸"Sammeltaxi" in Chiang Mai - leider immer na mit Werbig für Tiger und co...🙁Euses Zimmer in Bangkok - uf em Bild gseht mer de Gstank zum Glück nöd 😅Euses Znacht in Bangkok ☺️

    Tag 10 - Back in Bangkok

    8. helmikuuta 2025, Thaimaa ⋅ ☀️ 34 °C

    Eigentlich het euse Tag ganz guet ahgfange.
    Nacheme churze zMorge hemmer eusi Rucksäck packt und eus vo eusem Gastgeber Pon verabschiedet. Mir chönd das Hotel aso nume empfehle. Mega fründlichi, hilfsbereiti und fröhlichi Familie ☺️

    Da d Nachtzüg leider au das mal alli usbuechet sind (mir hends ufgeh), hemmer eus namal zum flüge entschiede.

    In Bangkok glandet simmer mit em Bus zu eusem Hotel für ei Nacht gfahre und hend eus eigentlich namal en schöne Abig i de Stadt wele mache.
    Ih eusem Zimmer ahcho, wäre mer am liebschte wieder hinderschi usegloffe.
    Keis Fenschter, kei Klima und das het gstunke… 😵🤮😵

    De Entscheid, dass mer da nöd wennd bliebe het nöd lang brucht. Aso hemmer eus uf d Suechi gmacht für e anderi Übernachtigsmöglichkeit. Am Ahfang simmer na optimistisch gsi und vom einte zum nächschte Hotel/Hostel gloffe zum d Gastgeber direkt go fröge, obs für hüt na en Platz frei hend, leider aber ohni Erfolg..

    Schliesslich hemmer eus denn entschiede grad online es Zimmer z bueche wo na frei gsi isch und sind denn erscht nachher det here gloffe. Wo mer det ahcho sind, hemmer gmerkt, dass es würkli genau über de Partystrass isch und im Zimmer het mer s Gfühl gha mer staht im Club selber 😂
    S einzige Zimmer wo nämlich na frei gsi isch, isch genau s vorderste direkt obe ah de Strass gsi.
    Ja nu, alles isch besser gsi als das Zimmer wo mer vorher gha hend.

    Mer sind denn mittlerwile am 10ni am Abig glich na öpis feins go esse und hend e Nacht mit wenig Schlaf i eusem „Partyzimmer“ verbracht.
    Übrigens, d Partymusig isch bis am 6i am Morge gange, 5 Minute nachdem oise Wecker gschälet het.

    Morn gahts witer mit Bus und Fähre uf Koh Chang 🏝️    Lue lisää

    Katso käännös
  • Tanja & Janis on Tour
    D Ahreis het sich glohnt 😍
    Busfahrt 🚌2Uf de Fähre mit em Iced Coffee laht sich s ushalte 😎2Fenster 🙌😅🥥

    Tag 11 - Ahkunft in Kho Chang

    9. helmikuuta 2025, Thaimaa ⋅ ☀️ 29 °C

    Hüt isch en Reisetag ahgstande.
    Nach ca. 4h Bus fahre und e Halbstund Fähre simmer in Koh Chang ahcho.

    Nach 1.5 Wuche Stadt fühlts sich s grad seehr schön ah am Strand z sii 😍☺️🏝️☀️

    Katso käännös
  • Tanja & Janis on Tour
    Am warte bis d Wösch fertig isch 🤓
    4Eine vode ville View Points uf de Insle ☀️☺️Schöne UssichtspunktWhite Sand Beach22Lonely Beach 🌅2Lonely Beach3De Janis endlich am Drohne flügeWunderschöne Sunneuntergang 🌅Euses Z NachtRicola hets sogar bis dahi gschafft 😂4Mir hend en Zimmermitbewohner - en chline Gecko🦎

    Tag 12 - Koh Chang erkunde

    10. helmikuuta 2025, Thaimaa ⋅ ☀️ 29 °C

    Hüt hemmer als erschts wieder en Roller gmietet. Denn simmer eusi Wösch dasmal selber go wäsche und nachher hemmer es bizli d Insle erkundet.

    Ah eusem Ort hets würkli sehr viel Touriste. Aber d Insle isch trotzdem sehr schön! Mega grüen und schöni Stränd 😍

    De Janis het endlich sini Drohne chöne flüge lah und d Tanja het de Sunneuntergang am Strand gnosse.

    Am Abig bim Dusche het denn plötzlich na s Wasser abgstellt. Da isch d Tanja voll mit Seife ohni Wasser i de Duschi gstande 😅
    Anschinend hends irgend en Rohrbruch gha, hemmer denn nachher usegfunde. De Janis isch so lieb gsi und isch im Supermärt go Wasser chaufe, damit d Tanja d Seife het chöne abwäsche.
    Es paar Stund spöter het denn s Wasser au wieder funktioniert.

    De Gecko hemer nöd usebracht, hend aber usegfunde, dass die ganz harmlos sind und im dunkle sogar für ois im Zimmer all Moskitos wegessed ☺️ Win-Win.    Lue lisää

    Katso käännös
  • Tanja & Janis on Tour
    Mir gnüsseds in volle Züge und dörfed lerne, dasmer nöd alles so uf die schwer schultere neh söled ☺️
    Klong Prao Beach 🏝️D Tanja am gnüsse am Klong Prao Beach 🏝️De Zappelphilip cha nöd ruhig sitze und muen umebambele 😆😂Klong Prao Beach 🥰🏝️Insider Gheimtipp becho und de bisher besti Spot gfunde zum de Sunneuntergang gnüsse im The Mount 😍🌅Sunneuntergang gnüsse im "The Mount" ide höchi obe 🌅2Sensationells esse i oisem local Stammlokal de abig usklinge lah, aaber Fortsetzung folgt...

    Tag 13 - Klong Prao Beach & The Mount

    11. helmikuuta 2025, Thaimaa ⋅ ☀️ 29 °C

    Hüt simmer mitem Roller chli in Süde abegfahre und zum Klong Prao Beach. Wunderschön und nöd ganz so überloffe wie de Lonely Beach.

    Villmals sind halt au die schöne Strändabschnitt vode grosse Resorts abgsperrt und Privat beasprucht.

    D Tanja het sichs am Strand gmüetlich gmacht und de Janis isch zumne Local Barber go Haarschniide und denn natürli (wie gfühlt immer) öppis go esse.

    Sind denn na zum "The Mount" gfahre und hend döt de wunderbari Sunneuntergang gnosse. D Bar chamer definitiv empfehle aber brutal steil zum ufefahre.

    Sind denn na go fein znacht esse. ☺️    Lue lisää

    Katso käännös
  • Tanja & Janis on Tour
    Beachvolleyball am Strand vorem Sunneuntergang 🌅🏐 Die Thais sind chlii aber springed gfühlt 3m hoch
    1S Lieblingsznacht vom Janis ☺️ Chicken, Rice, Chili Paste und 2 Eier 🤤☺️ 90baht (2.40.-)

    Tag 14 - 1:0 für d Lebensmittelvergiftig

    12. helmikuuta 2025, Thaimaa ⋅ ☀️ 29 °C

    Hüt gits leider nöd vill Fotis.

    D Tanja het die ganz Nacht müsse erbreche und isch de ganzi Tag im Bett gsi. Isch ere leider gar nöd guet gange. Mer nehmed ah isch en Lebensmittelvergiftig vode Shrimps vo gester abig.

    De Janis isch am abig nachli an Strand go Beachvolleyball spile mit de Locals. 🏐💨

    Einigi Challenges womer münd bewältige und dörfed dra wachse aber mer bliibed optimistisch 💪🏽    Lue lisää

    Katso käännös
  • Tanja & Janis on Tour
    So chaufed d Locals ih. De Typ haltet jede Morge mitem Roller am Strasserand und mer chan go ichaufe
    Auf dem Weg zur Besserung ☺️Uusblick bi ois am White Sand Beach 🏝️☀️1🦀Zwieback-Ersatz gfunde 💪🏽☺️

    Tag 15 - Tanja is back (fascht)

    13. helmikuuta 2025, Thaimaa ⋅ ☀️ 29 °C

    Zum Glück isch es de Tanja hüt biz besser gange. Zumindescht het sie sich nüme müsse übergeh.

    Drum hemmer eus an Strand gschleppt, wo d Tanja eich de ganz Tag gschlafe het.
    De Janis isch immer mal wieder öpis go esse oder öpis ähnlichs wie Zwieback für d Tanja go sueche (was es da nöd würkli git).

    Mer hoffed morn wieder meh chöne z unterneh.    Lue lisää

    Katso käännös
  • Tanja & Janis on Tour
    Rasta View Bar Ussichtpunkt. Da gits alles, vo Special Weed Cookies über Mushroom Drinks 🧙🏼🥴🧚🏽🍄
    Kai Bae Viewpoint ufem Hiiweg ☺️ Drohneflug leider nöd erlaubt gsi 🥲🛵💨Gseht nöd steil us aber het echt brutal happigi strasse da 😅2🐈Am Pier entlang bis ganz füre zum Turm bim Bang Bao Pier 🗼⛴️Bang Bao Pier 🗼⛴️Rasta View Bar Ussichtpunkt. Da gits alles, vo Special Weed Cookies über Mushroom Drinks 🥴🧚🏽🍄Rasta View Bar Ussichtpunkt. Da gits alles, vo Special Weed Cookies über Mushroom Drinks 🥴🧚🏽🍄Rasta View Bar Ussichtpunkt. Da gits alles, vo Special Weed Cookies über Mushroom Drinks 🥴🧚🏽🍄1So wird da tankt, eifach bimne Resti aahalte, sege wivill Fläsche Most das bruchsch und iifülle ☺️Wildi Monkeys ☺️ Hend en fründliche Iidruck gmacht uf ois ☺️Wildi Monkeys ☺️ Hend en fründliche Iidruck gmacht uf ois ☺️Wildi Monkeys ☺️ Hend en fründliche Iidruck gmacht uf ois ☺️Wildi Monkeys ☺️ Hend en fründliche Iidruck gmacht uf ois ☺️Wildi Monkeys ☺️ Hend en fründliche Iidruck gmacht uf ois ☺️Wildi Monkeys ☺️ Hend en fründliche Iidruck gmacht uf ois ☺️Wildi Monkeys ☺️ Hend en fründliche Iidruck gmacht uf ois ☺️Wildi Monkeys ☺️ Hend en fründliche Iidruck gmacht uf ois ☺️Wildi Monkeys ☺️ Hend en fründliche Iidruck gmacht uf ois ☺️

    Tag 16 - Ausflug zum Bang Bao Pier

    14. helmikuuta 2025, Thaimaa ⋅ ⛅ 29 °C

    Hüt isch es de Tanja wieder einiges besser gange. Esse isch zwar immer na chli schwierig, aber mer sind wieder mit em Roller unterwegs gsi.

    Das mal simmer ganz in Süde abegfahre zum Bang Bao Pier.
    Die Strasse da sind würkli es Abentür so fescht wie s da ufe und abe gaht.
    Zmizt uf de Strass hets denn plötzlich au na ganz viel Affe gha.

    Morn hemmer denn vor mal na ih die ander Richtig z fahre, bevor eusi Reis wieder wiiter gaht.    Lue lisää

    Katso käännös
  • Tanja & Janis on Tour
    Wildi Affe direkt vorem Zimmer 🐒☺️
    Wildi Affe direkt vorem Zimmer 🐒☺️ De neu Gastgeber heisst PingPong 😄Wildi Affe direkt vorem Zimmer 🐒☺️1D Tanja wür am liebste all Strassehünd heineh 🥰🥹😔Sunnecreme? Oder eifach en Schirm ☂️😌 wirsch zwar blöd aglueget aber isch em Janis egal 😜😌Mangrove Wald ganz im Süde unde 🌳☀️Mangrove Wald ganz im Süde unde 🌳☀️2Mangrove Wald ganz im Süde unde 🌳☀️1De het ois bsunders leid tah 🙇🏽‍♀️ het überall offni wunde und vor luuter hitz müsse is meer go abchüele🛵💨🛵💨Thinking and reflecting 💭🙇🏽☀️

    Tag 17 - Usflug zum Mangrove Forest

    15. helmikuuta 2025, Thaimaa ⋅ ☀️ 29 °C

    Gweckt worde simmer hüt vo de Affe.
    Mir hend nämlich geschter namal d Unterkunft gwechslet biz meh is Land ine und es fühlt sich wie halbe im Dschungel ah.
    Es sind aber all Affe mega herzig und eher schüch de Mensche gegenüber.

    Nachher simmer uf die ander Siite zumene Mangrovewald gfahre.
    Da s aber mega heiss gsi isch hüt, hemmer s nöd all zu lang usghalte und hend denn de Nami wieder am Strand verbracht.

    Am Abig hets gheisse Sache packe zum morn wieder zrugg uf Bangkok fahre.    Lue lisää

    Katso käännös
  • Tanja & Janis on Tour
    Check In in Bangkok, mega tolls Zimmer gha ☺️
    Eifach so Hängeliegene über am Pool gha ☺️Eifach so Hängeliegene über am Pool gha ☺️Sunset vo dete gnüsse 🌅

    Tag 18 - One more night in bangkok

    16. helmikuuta 2025, Thaimaa ⋅ ☀️ 35 °C

    Hüt am morge hemmer eigentlich en Plan gha.. s ganze Gepäck mit em Roller ad Strass abefahre wo mer abgholt werded für euse Transfer nach Bangkok, de Roller abgeh und denn na ines Kafi go zmörgele bis am halbi 10ni euse Shuttle chunt.

    Aber.. am morge wo de Janis het wele losfahre isch er nöd wiit cho, da sie die einzig Strass wo zu eusem Hotel gfüehrt het gsperrt hend zum neu teere (und das ame Sunntigmorge).
    Guet, dass euse verpeilt Gastgeber die Info nöd ah eus wiitergeh het.. 🙈🙉🙊😅
    Churz hemmer überleit was mer sölled mache, aber da s nur de Weg geh het, hemmer halt namal probiert ihne euses Problem z erchläre. Zum Glück hends Mitleid mit eus gha und eus schliesslich ghulfe de Roller irgendwie nebeddure z schiebe/fahre, sodass mer zu de nächschte Strass abecho sind.

    Irgendwie hemmer denn also alles na rechziitig herebecho, de Roller und am Janis sini Schueh volle Teer 🙈 zum Glück hend die das vo de Rollervermietig nöd so gnau gno und gar nüt gseit.

    Aso mir sind uf jede Fall froh gsi, wo mer pünktlich am halbi 10ni vo eusem Shuttle richtig Bangkok abgholt worde sind.

    So stressig wie de Morge au gsi isch, so guet het defür denn nachher alles klappet.
    Mir sind sogar 2h früehner als ahgeh in Bangkok ahcho und hend ime Hotel am Flughafe übernachtet sogar mit Swimming Pool! ☺️ so simmer na chli go schwümme, öpis go esse und denn früeh go pfuuse wel morn lütet de Wecker scho am halbi 3 🙈    Lue lisää

    Katso käännös
  • Tanja & Janis on Tour
    🥰 Sunset am abig in Koh Samui 🌅
    4h gschlafe, am 03:00 Shuttle an Flughafe für de Flug nach Koh Samui 🥱☺️Sehr chliises Propeller Flugzüg nach Koh Samui gsi ☺️Über den Wolken 😶‍🌫️☁️🌤️Sensationells Früestück gha in Koh Samui 🤤 De Janis wie immer eifach 4-5 Eier 😅💪🏽Ban Tai Beach 🏝️Ban Tai Beach 🏝️Ban Tai Beach 🏝️3Sunset am Abig ☺️ Koh Samui gfallt ois erstuhnlicherwiis mega guet bis etz ☺️☀️💭

    Tag 19 - Ankunft auf Koh Samui

    17. helmikuuta 2025, Thaimaa ⋅ ⛅ 28 °C

    Am halbi 3 am morge het de Wecker glütet. Ja selber schuld wenn mer so en früehe Flug buechet 🤷‍♀️

    Allerdings hete mer locker na e Stund länger chöne schlafe, so guet wie am Flughafe alles klappet het.
    Defür simmer denn am halbi 8i scho ah eusem nächschte Stopp ahcho: Koh Samui 🏝️

    Als erschts simmer zerscht mal is Hotel euses Gepäck go deponiere. Denn simmer wieder en Roller go miete und mal bizli umegfahre.

    Am Namittag simmer ah en schöne Strand gfahre, wo würkli nur wenig Lüt gsi sind.

    Bis jetzt gfallts eus da eigentlich besser als uf Koh Chang. Mal luege was die nächschte Täg bringed ☺️    Lue lisää

    Katso käännös
  • Tanja & Janis on Tour
    Fast 30.- kostet (1 Kokosnuss, 1 x Espresso, 1 x Hummus
    Food Content isch zrugg 😋🏋️🤸‍♀️Am Janis sis tägliche Zmittag, das mal sogar mit Blick uf s Meer ☺️E Schuel, wo mer dra verbi gfahre sind1Tempel mit ere riise Buddha FigurTüür, aber sehr schöne Usblick 🥰1😍1Handgmachti Täsche vom Märt ☺️

    Tag 20 - Koh Samui Nord-Oste erkunde

    18. helmikuuta 2025, Thaimaa ⋅ ⛅ 29 °C

    Hüt hemmer de Tag wieder mit feinem Zmorge gstartet. Denn simmer is Fitness und am Namittag simmer führe is Zentrum gfahre. Det sind so chli die meischte Resorts, Läde, Restis und drum au meh Lüt.
    Krass was das grad für Priisunterschied sind zum Teil!

    Mer sind ah en mega schöne Ussichtspunkt mit me Resti gfahre. Det hemmer öpe s vierfache vo de Priise suscht zahlt 😅 aber de Usblick het sich trotzdem glohnt.

    Am Abig simmer wieder mal ah en Night Market. Da hets würkli mega schöni und au viel handgmachti Sache geh. D Tanja het sich e mega schöni handgmachti Täsche kauft ☺️
    Schad hemmer nöd meh Platz ih eusne Rucksäck! 😅🙈

    Eusi Unterkunft isch grad bim Nathon Pier. Da hets au Restis und schöni Stränd ih de Nöchi, aber nöd ganz so viel Touris wie uf de andere Siite.
    Aso definitiv e Empfehlig vo eus ☺️👍🏼    Lue lisää

    Katso käännös
  • Tanja & Janis on Tour
    De hütigi Sunset direkt am Pier bi oisem Hotel ☀️🌅😎
    Tanja: Fried Rice, Janis: Jede Tag Panäng Curry 🤣🤤S Panäng Curry vom Janis isch so fein gsi, dass er grad namal eis bstellt het 🤤☺️🙌🏼2Oise hütigi Strand im Norde obe ☀️🏝️☺️So wird im Supermarkt Fleisch verchauft.. Qualitätsstandard nöd ganz wie ide Schwiiz 😅🙁🙁7 Eleven - da gits eich alles 😄De hütigi Sunset direkt am Pier bi oisem Hotel ☀️🌅😎De hütigi Sunset direkt am Pier bi oisem Hotel ☀️🌅😎De hütigi Sunset direkt am Pier bi oisem Hotel ☀️🌅😎

    Tag 21 - Koh Samui Strandtag und Sunset

    19. helmikuuta 2025, Thaimaa ⋅ ☁️ 28 °C

    Hüt hemmer de Tag mitere Joggingrundi gstartet. Ui isch das scho heiss gsi am morge am 8i..😅

    Nachher het denn s Wetter zuegmacht und es isch go regne cho. Das isch eus aber eigentlich grad e chli entgege cho, so hemmer d Ziit im Hotel chöne nutze zum chli wiiterplane.

    Am Nami hets denn glich na chli besseret und mir sind na an Strand gfahre, wo de Janis wieder Drohne gfloge isch und d Tanja isch go bade.

    Am Abig hemmer denn na trotz Wulche und verregnetem Tag en mega schöne Sunneuntergang bi eus vorne am Pier chöne gnüsse ☺️😍🌅    Lue lisää

    Katso käännös
  • Tanja & Janis on Tour
    2Informationstafle bim W Beach 😄 D Tanja grad kei Lust meh gha zum go Bade 😅
    Oise Fründ im Kaffi 😌Au uf Reise wiiterhin Vollgas 💪🏽☺️ Form: ☑️1Wisse Tiger Balsam kauft ☺️5Wider s gliiche wie gester gesse ☺️ wie de Janis so schön seit: #never change a winning system 🙈Ussicht am W Beach ☀️🏝️Ussicht am W Beach ☀️🏝️1Ussicht am W Beach ☀️🏝️5🥰😎Endlich es Glace für d Tanja gfunde 🤤☺️ 10/10 gsi 😌Vollepulle abegschüttet 🌧️

    Tag 22 - Letzter Tag und W Beach

    20. helmikuuta 2025, Thaimaa ⋅ ☁️ 28 °C

    Hüt isch s Wetter leider au chli durzoge gsi.
    Drum hemmer namal en gmüetliche Tag wie geschter verbracht.

    Am morge simmer zerscht mal is Fitness und nach em Zmittag denn namal zumene andere Strand. Det hemmer namal biz wiiterplanet und eifach d Ziit gnosse.

    Am Abig hets denn wieder gheisse Sache packe, wel morn staht de nächschti Reisetag ah.    Lue lisää

    Katso käännös
  • Tanja & Janis on Tour
    Welligi Fährefahrt nach Koh Tao 🌊🚢
    Erschöpfte Tropf 🙈Welligi Fährefahrt nach Koh Tao 🌊🚢Welligi Fährefahrt nach Koh Tao 🌊🚢Welcome to Koh Tao 🏝️🤿Asiatische Chips Gheimtipp ☺️1Erschöpft aber heil aacho in Koh Tao 🥰🏝️🤿Oisi Terasse für die negste paar Täg ☺️5Surprise! De Timon und d Belia troffe ☺️ (am Janis sin Brüeder)Öpis zeme gesse und nachher na go Billiard spiele ☺️🎱

    Tag 23 - Nach Koh Tao ins Tauchparadies

    21. helmikuuta 2025, Thaimaa ⋅ ☁️ 28 °C

    Hüt morge simmer zerscht namal fein go zmorge esse und denn uf d Fähre richtig Koh Tao.

    Nach guet vier Stund simmer denn uf de Insle ahcho. D Fahrt isch zum Glück ruhig gsi und nöd all zu wellig.

    Am Abig hemmer eus mit em Timon und de Belia troffe. Sie sind nämlich au grad in Thailand am reise und mir hend abgmacht gha eus da z treffe.
    So hemmer en schöne Abig zeme verbracht mit Znacht esse, gmüetlich öpis trinke und Billiard spiele.    Lue lisää

    Katso käännös
  • Tanja & Janis on Tour
    Da machemer oisi Tauchusbildig 🤿☺️
    Zerst na müsse en Scooter im Rege miete, verhandle und kontrolliere 🤝Da machemer oisi Tauchusbildig 🤿☺️Da machemer oisi Tauchusbildig 🤿☺️Da machemer oisi Tauchusbildig 🤿☺️Da machemer oisi Tauchusbildig 🤿☺️Da machemer oisi Tauchusbildig 🤿☺️Da machemer oisi Tauchusbildig 🤿☺️2Da machemer oisi Tauchusbildig 🤿☺️Das sind die verschiden Tauchgebiet wos git uf Koh Tao ☺️🤿2Nachem erste 47min Tauchgang wieder go Theorie lerne. Und de Abig im Zimmer mit lerne verbracht 🤓En fremde Kolleg uf oisem Tüechli gfunde ☺️So isch s Wetter de ganz Tag gsi 🌧️Und s Wetter für die kommende Täg gseht nöd besser us 😅 aber mached s beste drus 👍🏼Znacht und denn ab hei go lerne 🤓😅

    Tag 24 - Tauchkurs Open Water Tag 1/3

    22. helmikuuta 2025, Thaimaa ⋅ 🌧 28 °C

    S Wetter für nächscht Wuche gseht leider würkli schlecht us.. (vilicht hemmer z viel Sunne i d Schwiiz gschickt?? 😂)
    Nach langem hin und her, hemmer eus aber trotzdem entschiede da wie plant euse Tauchkurs z mache.

    So hemmer hüt morge nach eme churze Zmorge en Roller gmietet und hend denn aber zerscht mal na müsse im scherme warte, da s mega fescht abegleert het.. mit biz Verspötig simmer denn aber doch no bi de Tauchschuel ahcho.

    Am morge hemmer zerscht mal chli Theorie gha und nachher simmer scho s erscht mal go tauche. Nach es paar Üebige im nöd allzu tüfe Wasser isch es denn aber direkt tüfer abe gange.
    Mir hend scho mega viel chöne gseh und sind sogar imene Fischschwarm gschwumme 😍🐠

    Logbuech Iihtrag Tauchgang 1:
    ✔️ Duur = 47min
    ✔️ Tüüfi = 8.3m
    ✔️ Hend beidi überlebt

    Mir hend de Luxus de Kurs nur z zweite chöne z mache mit zwei Divemasters a eusere Siite und hend so eigentlich Privatunterricht ☺️

    Am Nami hemmer denn namal viel Theorie gha. Da mir de Open Water Diver wennd mache, mümmer au na e Theorie und e Praxis Prüefig mache und für die heissts ez zerscht mal na chli lerne 🙈🤓📚    Lue lisää

    Katso käännös
  • 2026© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä