Camping Oman | FindPenguins

Newest first

Trip start
May 9, 2025
Camping Oman
2 1
Sifah
May 10–11, 2025 in Oman ⋅ ☀️ 33 °C
Nach ere churze Nacht in Muscat geit’s los: Ga z‘Outo hole, kömerle und de subito dür d‘Pampa nach Sifah as Meer 🌊☀️! Zersch mau chli Beachtime und abefahre, oder 🤗!

Mir si unerwartet positiv überrascht gsi, dass es nur paar Locals am Strand het. Isch aber trotzdem e aasträngende Nami gsi: 3x hei mir müesse (häufe) Outos usem Sang buxiere - üses inklusive 😅! Gchochet hei mir hüt fang nur Tee. Z’Znacht si mir Take Away bir Mama Marta deheime ga hole - Yamee Chicken Biryani 😋!Read more
See translation
Traveler 😁
5/10/25Reply
Traveler 😵🤣
5/10/25Reply
Traveler ❤️
5/12/25Reply
3 likes
Camping Oman
1 2 1 1 1 5
Jebel Hatt (al-Dschabad al-Achdar)
May 11–12, 2025 in Oman ⋅ ⛅ 26 °C
Am Meer hei mir mau schnäu Tschüss gseit und si ab i d‘Bärge - vo grau zu bruun zu ab und zue grüen inkl. Räge (ja, das git‘s hie) si mir e relativ schmali Naturbergstrass deruf. D‘Belohnig Dobe isch zersch mau e Platte Reife gsi (jede Tag öpis mim Outo 😅). Die atemberoubendi Ussicht vo üsem Nachtlager uf d‘Bärgchetti ischs aber definitiv Wert gsi 😍⛰️!! Keni Touris und di omanische Locals vor Ort si vorwiegend Paarhufer 🐐😄!Read more
See translation
Traveler Lueg itz- sitm ostermändig weisch ja itz wie wächsle😀
5/12/25ReplyTranslate
Traveler😁
5/19/25Reply
Traveler 🥰
5/12/25Reply
9 more comments
3 likes
Camping Oman
1 2
Misfat al Abriyyin & Jebel Shams
May 12–13, 2025 in Oman ⋅ ⛅ 27 °C
Wider dunge si mir uf Misfat al Abriyyin - es historischs Stedli im Hajar Gebirge - e Juice ga trinke und när de mau dr Pneu ga flicke 😁! Nach 20 Minute spile mim „Mike“ isch die Sach gritzt gsi und mir si uf Jebel Shams uf 3’018m ufegfahre. Da das e Touri Hotspot isch, si d‘Strasse vorwiegend teeret - somit kei Herusforderig. Lüt hets aber ou dismau so zimlech keni gha 🤩! Wie me gseht, het üs die atemberoubendi Ussicht sehr gfaue 😍😂!
Weniger lustig ischs hingäge mit de Geisse gsi, wo relativ schamlos z‘Gfüu hei gha, si chönne bi üs mitässe. Und gar nid lustig ischs de ab Mitternacht mim Wind worde 😅💨! Im ne hiube Moment hei mir üses Dachzäut zämegleit und im Outo gschlafe 🥴!Read more
See translation
🥰🥰 [ste]
5/13/25Reply
Traveler Wow was fürne Ussicht😍😍😍
5/18/25ReplyTranslate
Traveler 🥰
5/18/25Reply
2 likes
Camping Oman
1
Nizwa, Wadi Bani Khalid & Wadi Hawer
May 13–14, 2025 in Oman ⋅ ☀️ 31 °C
Nachemne churze Abstecher und Breaky in Nizwa si mir zum Wadi Bani Khalid üs ga abchüehle - e troumhafti Oase mit früschem klarem Wasser, wo di ganzi Schlucht deruf geit 💦😍!
Üses Nachtlager hei mir (widerum muetterseele eleini) im ne Flussbeet bim Wadi Hawer ufgschlage 🌴💚! Bevor mir am nöchste Tag witer si, hei mir dert natürlech ou no es Morgebädli gno 🤗!Read more
See translation
TravelerHeiter dr IS scho gseh?
5/15/25Reply
TravelerDie Frag isch öppe so berächtigt, wie öp mir z‘Spanie d Alice Weidel scho hei gseh 😂
5/16/25ReplyTranslate
TravelerNei es gseht dr hammer us, würdi ou sofort häre 🤩🤩
5/17/25ReplyTranslate
Traveler🥰
5/18/25Reply
😍 [Angie]
5/18/25Reply
2 likes
Camping Oman
2 2
Masirah Island
May 14–18, 2025 in Oman ⋅ ☀️ 31 °C
Kite, eat, sleep - uf dr troumhafte und wiude Insle Masirah🪁💜😋!
Schlafe, kite und chille a de puderwiise Stränd und Fun mit de Pros vo Khareef Kite Boarding - what a life 😍!
Vier hammer Täg im Paradies mit perfektem Surfer Vibe ☀️🤙🏼! Mir wärdes vermisse 🤗!Read more
See translation
TravelerNice!!🤩
5/18/25Reply
Traveler Wahnsinnig schöööön❣️ Gniessets 😘
5/19/25ReplyTranslate
TravelerJaaa, absolut - heis mega gnosse dert 😍!
5/20/25ReplyTranslate
4 more comments
2 likes
Camping Oman
Wahiba Sands & Ibra
May 18–20, 2025 in Oman ⋅ ☀️ 45 °C
FindPinguins fragt eim hie ja immer „Was hast du so gemacht?“
Nach Masirah si mir i d‘Wüesti (Wahiba Sands), hei üs dert e Presidänte Suit gönnt und genau gaaaar nix gmacht 😅! Eifach mau anderthaub Täg ir „Trochesauna“ bädele, dinne d‘Aircon und Netflix gniesse, ässe is Zimmer la bringe und regumässig mit Aloe Vera zuespachtle - das wär üse Trip i d‘Wüesti gsi 😂!
Für zrügg a d‘Küste si mir no di historische Ruine um Ibra ga aaluege - sehr schön, vorauem d‘Türe 😁!Read more
See translation
Traveler😍🤩
5/20/25Reply
2 likes
Camping Oman
1 1
Sur & Wadi Mibam
May 20–21, 2025 in Oman ⋅ ☀️ 36 °C
Nachere eher heisse und unruhige Nacht am Qalhat Beach si mir am Morge relativ zügig uf Sur ga z‘Mörgele. Sur isch e Hafestadt und scho vor mehrere hundert Jahr bekannt gsi für d’Schifffahrt und d’Schiffbouerei. Letzteres wird ou hüt no nach traditionelle Art betribe ⛵️.
Drufabe si mir zum Wadi Mibam gfahre. Ufgrund vor änge und kurvige Strass düre Canyon und d’Bärgdörfli muesch dir das Wadi chli verdiene 😅. Es isch aber z‘Schönste vo aune, wo mir bis jez hei gseh, und (abgseh vom „erzwungne“ Guide 😅) hei mir’s ganz für üs elei gha 😍🩵💦!Read more
See translation
wooooah [Ste]
5/22/25Reply
🥰🥰🥰 [ste]
5/22/25Reply
TravelerHennä schön🥰
5/22/25ReplyTranslate
3 likes
Camping Oman
Fins Beach & Wadi Shab
May 21–22, 2025 in Oman ⋅ ☀️ 36 °C
Dr Strand bir Ortschaft Fins isch definitiv eine vo de Schönste, wo mir hei chillt und gschlafe - vou grauwiise Steine und türkisgrüens Meer 🩵🌊!
Am nöchste Morge ischs - mau wider - zum ne Wadi. Gueti drüviertu Stung hingere loufe und über Steine chlättere bi Satte 36 Grad am Morge 😅! Aber ou z‘Wadi Shab isch troumhaft und erfrüschend gsi. Fertig Nature - jez geit‘s zrügg nach Muscat 🥹!Read more
See translation
1 like
Camping Oman
Muscat
May 22–24, 2025 in Oman ⋅ ☀️ 37 °C
Die letschte Täg in Muscat si ganz im Zeiche vom Sightseeing und Shopping stange - wenn ou beträffend Sache aaluege säute blöd, das am ne Friti z‘mache, wenn aues zue het 😅! De hei mir haut umso meh iigchouft und fein gässe 😋!
Byebye, Oman 🇴🇲! Was für nes wunderschöns und diverses Land 🥰! Mir wärde dr Fride vo dire ändlose Witi und vor gwautige Natur im Härze heinä 🧡!Read more
See translation
3 likes

Trip end
May 24, 2025