Bella italia | FindPenguins

Newest first

Footprints
Photos

Trip start
July 19, 2025
Bella italia
- Show trip
- Add to bucket listRemove from bucket list
- Share
- Day 1
- Saturday, July 19, 2025 at 6:17 AM
- ☁️ 14 °C
- Altitude: 1,075 m
- Switzerland Göschenen 46.676992, 8.59275846°40’37” N 8°35’34” E
1 1 2 3 2
Bibione wir kommen
July 19 in Switzerland ⋅ ☁️ 14 °C
Ändlich isches sowit u mir starte am morge am 4i üsi Reis nach bella italia. Ha dänkt mir si gnue früeh dra so das mir nid i Stou chöme am Gotthard aber das gits gloub nid u scho stömer zerschmau🤪 aber irgendwenn heimers gschafft u mir dörfe döre Tunnel fahre.
Es geit aber nid auzulang u mir steht vorem Gränzübergang scho wieder.....chunnt mir irgendwie bekannt vor🤔
Dr Fahrer Danilotti lat sich nid lassen beirren und ratteret di Kilometer nur so aber. 13.00 heimers de ändlich gschafft u si direkt zu üsere Wohnig gfahre. Ä chlini gmüetlichi Wohnig isches.
Kids hei sich scho is Badzüg gstürzt um dr Pool unsicher z mache. Dr Fahrer het no ä pfüsu gmacht bevor mir mit de 🚲 zum Strand si. Läck het das Lüt dört🫣
Churzum für morn u am Mäntig äs Plätzli reserviert⛱️ u de ab ga Pizza ässe.
Itz no gmüetlich uf dr Terrasse dr Tag la usklinge u när de gli ist Bettli. Buona notteRead more
See translation
Traveler 😂😂😂😂😂
7/19/25Reply
Traveler ohh die gsehd aber seeehr lecker us😋😋😍😍
7/19/25ReplyTranslate
Traveler Do weiss öper was guet esch🤩
7/19/25ReplyTranslate
8 more comments
9 likes
Bella italia
- Show trip
- Add to bucket listRemove from bucket list
- Share
- Day 2
- Sunday, July 20, 2025 at 9:02 AM
- ☀️ 26 °C
- Altitude: 10 m
- Italy Bibione 45.643158, 13.04281245°38’35” N 13°2’34” E
2
1 1
Dolce far niente
July 20 in Italy ⋅ ☀️ 26 °C
Usschlafe isch hüt sgseit gsi, obwohl ich scho am 8ti usem bett chräsmet bi, Danilotti öppe 9.30 , luan am 10ni u üse siebeschläfer am 10.30 de ou langsam zum zwerge cho isch, heimer de ändlich dr Tag gstartet. Da i dr ligistuhel samt Schirm scho geschter reserviert ha, simmer de ändlich a Strand gfahre. Üses plätzli heimer zersch müesse sueche ir 8te reihe, leider nid direkt am wasser u das heimer scho gli z gspüre übercho. Läck isch dä Sand heiss, da bi sogar i gsecklet um möglichst schnäu im Wasser z si. So simmer immer wieder chli am liege gsi , u wieder chli bädele....meh hesch ja nid chönne mache.
Gäge Abe simmer de wieder zrügg zur wohnig wo Kids mit em Dänu no i Pool si ga bade.
Später no ä chlini Shoppingtour dür Bibione mit aschliessendem Nachtesse. Dasmau nid so lecker gsi. Wienerschnitzel hesch fasch nid chönne schnide u trocken wi weiss nid was......ja i weiss itz o das me dass nid i italie isst🤪Read more
See translation
Travelersun fun and nothing to do☀️🩳👙😍
7/20/25Reply
TravelerSo cool🤩jede nach sim Gusto-das nennt sech Ferie👙😎☀️🏖️
7/20/25ReplyTranslate
Traveler Autsch, ned a de Ohren zie 🐰😂☝🏼
7/21/25ReplyTranslate
3 more comments
7 likes
Bella italia
- Show trip
- Add to bucket listRemove from bucket list
- Share
- Day 3
- Monday, July 21, 2025 at 12:38 PM
- ☀️ 29 °C
- Altitude: 10 m
- Italy Bibione 45.643075, 13.04296945°38’35” N 13°2’35” E
1 1
Nomau Strand
July 21 in Italy ⋅ ☀️ 29 °C
Hüt simmer nomau a Strand da mir üsi Ligine u Schirm ja für zwe täg buechet hei. Obwohl sehr heiss isch, Lüfters hüt ziemlich fesch u badeufsicht het di roti Flagge ghisst. Doch mir gö glich is wasser u gniesses ide Welle z schwümme. Nachere feine Pizza to go ziehts Kids nomau is Wasser u dasmau isch dr Danilotti samt Handy ou am Start um das ou fototechnisch izfah.
Vom Land här chöme immer meh wolke u z sünnele isch so ou nümm luschtig drum beschliesse mir de mitte Nami dr heiwäg a zträtte um no schnäu i Pool z hüpfe.
Da mir ke luscht hei när wieder itz Städli z ga gömmer no hurti ga ichoufe u chöcherle pasta mit tomatesosse.
Unglaublich aber wahr, mir hei no kes einzigs Gelati gässe🤔🫣 das wird morn definitiv nachegholt. Wasi o muess feststellen, Zirppe si mega luut. Vori hei si für ca 2h z schörre ghaute aber itz geit dä Lärm wider los🙉 🤪
Für morn hani äs Shoppingcenter is Visier gno😇 mau luege wases da so git.Read more
See translation
TravelerOhhh das tönt be jedem Wort noch bella italia😍
7/21/25ReplyTranslate
TravelerOh wauuu😍😍 die Wällene so schön🤩🤩
7/21/25ReplyTranslate
TravelerIsch wohl besser, wenn ihr morn nit an Strand göhnd🤔. Im 10 vor 10 hän sie grad brichtet, dass der Wiessi Hai sies 50-Johr Filmjubiläum fiert🥳. Nit dass die Bestie zue ihrem Geburtstag no uftaucht🦈😱
7/21/25ReplyTranslate
Traveler🤣🤣🤣 Das gäb äs gschreii
7/21/25ReplyTranslate
2 more comments
8 likes
Bella italia
- Show trip
- Add to bucket listRemove from bucket list
- Share
- Day 4
- Tuesday, July 22, 2025 at 11:08 AM
- ⛅ 26 °C
- Altitude: 10 m
- Italy Bevazzana 45.680133, 13.04707945°40’48” N 13°2’49” E
3 3 2
Shoppe
July 22 in Italy ⋅ ⛅ 26 °C
Hüt simer wi jede Tag ir gliche reihefolg ufgstande, ig, Danilotti, luan u zum Schluss penndüse Alisha. Nachdem ig gwöschet ha simmer richtig Shoppingcenter gfahre womer scho im erschte Lade, Legami, zuegschlage hei🙉. När hets vorauem füre Danilotti no chli chleider gä bevor mir wegen shoppingmuffel luan hei müesse ga ässe. Äs Gelati hets itz ändlich o gä. Scho gli simmer mit üsnä erungeschafte zrug u da no i Pool bzw mis buch fertig gläse.
Für morn isch wieder Strand agseit. dasmau hani ä Platz ir 3. Reihe ergattert🤩Read more
See translation
Traveler Toooop Legami Grossichauf🤩👍
7/22/25ReplyTranslate
Traveler E Guete😋
7/22/25Reply
Traveler Me nennt das Synchron-Schwimme oder wohl eher -Jumpe🤣
7/22/25ReplyTranslate
5 more comments
8 likes
Bella italia
- Show trip
- Add to bucket listRemove from bucket list
- Share
- Day 6
- Thursday, July 24, 2025 at 9:59 PM
- ⛅ 24 °C
- Altitude: 10 m
- Italy Bibione 45.643481, 13.04495445°38’37” N 13°2’42” E
1 2 1 1 1 1 1 2 1 2 1 1 1
Geschter und hüt
July 24 in Italy ⋅ ⛅ 24 °C
Geschter so wie ou hüt heimer de ganz Tag am Strand verbracht. Obwohls geschter füre Luan zwenig Welle gha het, simmer bis am Abe umeglläge mit zwüsche düre ämene gump is Meer. Dr Danilotti het natürli sini Hülle für is Wasser ou im Meer wöue usprobiere, u wie chas ou nid andersch si, het si düre gla. Drum isch itz bim Danilotti funkstille bis das Handy vollständig troche isch.
Hüt simmer de wieder a Strand und zur fröid vo üs aune, hets richtig viu Welle gha.
I ha de denkt - Welletouglichi Frisur wär nid schlächt u hami uf d luur gleit um so Zöpflifrou abzfa. Gesagt getan u scho sitze in am bode u di frou zieht u macht am mir Chopf, autsch, uiuiui..schnufe es geit gli verbi. Nach ca 30 min hanis de geschafft u mini nöi summerfrise sitzt. D Alisha hani de no schnäu für äs Fadehaar überredet.
Am Abend simmer no i Luna Park wo fasch näbedra isch, me ghört emu z Gschrei. De Kiddys hets aber nid würklich gfaue drum simmer de no ufene absacker is städtli gfahre 🚲Read more
See translation
TravelerCooli Frisuuure😍👍
7/24/25ReplyTranslate
Traveler das esch strand lebe😍😎🌊🏖️🐚☀️
7/24/25ReplyTranslate
Traveler Achso, hed Danilotti heimlech es Hotel poschtet?😅 🏨
7/24/25ReplyTranslate
14 more comments
7 likes
Bella italia
- Show trip
- Add to bucket listRemove from bucket list
- Share
- Day 7
- Friday, July 25, 2025 at 10:05 AM
- ☁️ 24 °C
- Altitude: 10 m
- Italy Bibione 45.643097, 13.04301145°38’35” N 13°2’35” E
4
3 3 1
Rägetag
July 25 in Italy ⋅ ☁️ 24 °C
Hüt isch scho dr letscht Tag in Bibione. Leider het das gruusige Wätter vom Norde ou dr Süde erreicht. Da mir für hüt ja no Schirm und Liegen buechet hei, düse mir trotz Wolke mit de Göpple richtig Strand. Churz d Füess im Meer bade für meh gluschtets üs de doch nid. Äs wärde defür grossi Löcher i Bode grabe, d Paola hät da sicher mitghoufe😁
Das üs de doch z blöd isch worde so ohni sunne am Strand liege, heimer üses Züge packt, hei verfrachtet u de simmer wieder lose mit de Göpple itz z Stedli ga shoppe, ässe u no äs Gelati innezieh.
Zrügg ir Wohnig si di beide Wasserratte no i Pool, das chame ou bi räge🤪
Scho gli heissts packe u ciao ciao bella italiaRead more
See translation
TravelerHed aber no ander öbermotivierti am Strand be Rääge🤣 und gueti Besserig em Luan sim Aug 👀🤩 mer freued üs uf witeri Footprints us de CH🤩🇨🇭🧀
7/25/25ReplyTranslate
Traveler🤣🤣🤣
7/25/25Reply
Traveler Oh je😥. Gueti Besserig🍀
7/25/25ReplyTranslate
11 more comments
7 likes
Bella italia
- Show trip
- Add to bucket listRemove from bucket list
- Share
- Day 8
- Saturday, July 26, 2025
- 🌧 20 °C
- Altitude: 516 m
- Switzerland Sursee 47.165752, 8.10394447°9’57” N 8°6’14” E
Heimreise😪
July 26 in Switzerland ⋅ 🌧 20 °C
Sniff, itz si üsi Italien Ferie scho verbi😒
Am morge bi zite ufstah u mit Bettwösch wäsche starte, putzen etc. Zum Glück isch de z🌞 no cho, so het di Bettwäsche schön chönne tröchne für di nächste Urlouber. Bevor mir üs definitiv ufe heiwäg mache, hets no mau ä Abstecher i Legami Shop gä. Ha gar nid gwüsst dases ä Italienischi Marke isch🤓
So aber itz uf ufe heiwäg, natüterli wieder mit Stou. Erschti achunftszit wär 19.30 gsi, worde isch aber de glich 21.45😁
Das wärs auso gsi usem bella italiaRead more
See translation
Travelerohh neii scho wieder verbii🥲🥲🥲
7/27/25ReplyTranslate
TravelerS goht eifach emmer zuuu schnell verbii😫 schribed doch mol Penguins us bella Surseeela🤪
7/27/25ReplyTranslate
TravelerVilicht gits de no ä Wallis Penguin3😁
7/27/25ReplyTranslate
TravelerOhjo, au vom Wallis gets au schöni Pinguin 🐧😍
7/27/25ReplyTranslate
8 likes
Trip end
July 26, 2025