Reinicializar a pesquisa
Nordamerika
  • Corinne Marty
  • Fux Patrick
  • Corinne Marty
  • Fux Patrick

Nordamerika

👫🏼🐑✈️🌎😍 Leia mais
SeguirResumoResumoCalendárioCalendárioFotosFotosCompartilharCompartilharLista de metas
ResumoCalendárioFotos
  • Inicio da viagem
    5 de julho de 2021
    Nordamerika

    Zürich Flughafen

    5 de julho de 2021, Suíça ⋅ ☁️ 18 °C

    …und tschüss👋🏼✈️🤩🥳 ZRH-MAD

    Nachdem wier iesch am Suntag va iesche Liebschtu hei verabschiedut starte wier am Mentagmorgu mit iescher güet 3-monatig Reis. Iberia fligt iesch zum 1. Stopp - Madrid.

    Ver tradução
  • Nordamerika

    Madrid

    6 de julho de 2021, Espanha ⋅ ☁️ 18 °C

    Madrid 🏙🛍🚆🍷

    Der Start und der erscht Stopp va iescher 3monatig Reis. En tolli Stadt mit schöner Architektur und vill Grie. Was natirli nid darf fehlu isch äs Apéro mit vill Jamón Ibericó ;-) und en üsgidehnti Shoppingtour bi der Puerta der Sol.Leia mais

    Ver tradução
  • Nordamerika

    Panama-City

    7 de julho de 2021, Panamá ⋅ ⛅ 31 °C

    MAD-PTY✈️🌅👋🏼

    Entlich, der erscht Langstrecku-Flug nach uber 2 Jahr bringt iesch uf Panama-City. Nach dume rüehigu und top 10-stunde Flug mit Iberia erreiche wier am Mittwuchemabu iesche Zielort. Wier fröije iesch uf zAirbnb Appartment und uf es kuschligs Bett…Leia mais

    Ver tradução
  • Nordamerika
    1

    Panama-City Tag I

    8 de julho de 2021, Panamá ⋅ ⛅ 27 °C

    🏙🗺⚓️🏖

    Z‘erscht Mal Üfwachu in ieschum Appartment im 53. Stock isch sehr cool gsi. Der Üsblick usum Feischter isch grandios und sehr idrücklich. Nachdem wier z‘Yoo-Building (wa zAppartment isch) entdeckt hei und epis sii ga ichöifu träffe wier di Jessica und der Kenneth, wa scho sit dum April am reisu sind, spontan uf es Bier fer iesch üsztüüschu. Us epaar Bier wird en tolle und interessante Abu mit Nachtässu und Schlummerdrink ufer Rooftop Bar bi irum Hostel. Wier fröije iesch uf es Revival im Herbst iner Schwiz ;-)Leia mais

    Ver tradução
  • Nordamerika

    Panama-City Tag 2

    9 de julho de 2021, Panamá ⋅ ⛅ 31 °C

    🐒 🌳🕷🌿⛴

    Am ieschum zweitu Tag in Panama sii wier zum Metropolitan Natural Park gfahru, en Park mitsch inner Stadt wa scho zimmli Dschungel isch gsi, und si uf dSüech nach e paar Sloths (Füültierlini) gangu. zKlima isch sehr fiecht gsi und dadurch di Planzuwält sehr grie und üppig. dÜssicht uf dStadt sind de aber dSchweisspärle wärt gsi ;-). Wier hei därfu en Affufamili bim ziglu beobachtu und ganz am Schluss heiwer de tatsächlich nu es versteckts Füültier chännu gseh.Leia mais

    Ver tradução
  • Nordamerika
    22

    Panama-City Tag 3&4

    11 de julho de 2021, Panamá ⋅ 🌧 26 °C

    🏃🏼‍♀️⚽️🍻🌆🏊🏻

    Am Suntagemorgu siiwer scho vor de 7e uf de Bei gsi. Grund isch nid der Jetlag, sondern der Speaker vam Panama City Run gsi, wa nisch gweckt het. Nachdem das wier de zahlrichu Löifer si ga züelüegu, hets es feins Früestuck gigäh und de hets nid zspat gheissu; Forza Italia! Inere Sportsbar, was fasch kei Bildschirma het ka ;-) heiwer de mit epaar Bier de Italiener chennu züejublu. Der Abu heiwer am Pool lah üsklingu.Leia mais

    Ver tradução
  • Nordamerika
    2

    Valle de Anton

    15 de julho de 2021, Panamá ⋅ ☀️ 28 °C

    🌿🌧🥾 🌋

    Nach güete 100km Autofahrt va Panama-Stadt siiwer im Valle de Anton acho. Der Ort liggt ime altu Vulkankrater und isch top fer ebiz ga zwandru und di unglöiblich Üssicht zgniessu. Nach der Rundwandrig zum India Dormida zrugg ins Dorf, heiwer de in iescher tolle Unerkunft der Pool und zfein zNacht uf iescher Terrass chennu gniessu. Ieschi zwei nöiju Fröinda sind immer bi iesch gsi, wenns epis zässu het gigäh ;-)Leia mais

    Ver tradução
  • Nordamerika
    13

    Las Lajas

    16 de julho de 2021, Panamá ⋅ ☀️ 20 °C

    🏖 🌊😍🍹☀️

    Nach iesche zwei Täg im panamaischu „Hochgebirge“ ;-) heiwer in Las Lajas en riesugrosse, wunderschöne Strand gfunnu. Äs het sehr wenig bis kei Touriste und darum heiwer der Strand fer iesch ellei chennu gniessu. Perfekt fer schich eso richtig z‘erholu und es Bierli ztrichu.Leia mais

    Ver tradução
  • Nordamerika
    2

    Boquete

    18 de julho de 2021, Panamá ⋅ ⛅ 21 °C

    🏡 🌺🌳🐾

    Vam Strand in Las Lajas geits nach rund 2h Autofahrt nach Boquete. En chleine, gepflegte Ort uf 1200 m.ü.M. voll va pensionierte Amerikaner, Wasserfäll und Trompeteblüeme. zWätter isch eher frisch und rägnerisch gsi, also vellig en Unerschiid zum trickunde Beach-Klima. zPädi het nu e paar nöij Freunda ;-) gfunnu, nei dasmal kei Hind, sondern Caotis, en Art Nasubär.Leia mais

    Ver tradução
  • Nordamerika
    3
    1

    Bocas del Toro I

    19 de julho de 2021, Panamá ⋅ 🌧 27 °C

    🚌 🪨 🌿🚣 🏖

    Und witer geit ieschi Reis vam Feschtland Panama uf dInsle Bocas del Toro. En lengeri, aber abenteuerlichi Reis mit dume topmodernu Busij ;-) und natirlich dopplut sichere Corona-Schutzmassnahme (obligatorisch!) mit vile Idrick. dStrasse sind sehr holprig und steinig gsi, darfer heiwer nacher di eistündig Nussschalu-Bootsfahrt umso meh gignossu :-)
    Meh vane Insle und dum wunderschönu Meer de bi ieschum negschtu Itrag…    Leia mais

    Ver tradução
  • Nordamerika
    2

    Playa Estrella / Bocas del Toro II

    21 de julho de 2021, Panamá ⋅ 🌧 29 °C

    🏖⭐️🤩 🌊 🐶

    Playa Estrella - Isch eso wunderschön, das ellei en Itrag wärt isch :-) Nach dera güetu halb Stund Busfahrt va Bocas und e paar Minüte Bootsfahrt chunnt mu am Playa Estrella a. Der Namu git im di zahlriche Seestärne wa mu im durchsichtigu blauu Wasser cha bestüünu. Wier hei bis zu 12 Seestärne gseh, wa an einumOrt sind zämu gsi (meh oder weniger friiwillig, will vill Liit schi tient usum Wasser näh fer Fotos :-@ ) Äs het sehr wenig Liit ka und darum hei wier herrlich chennu gniessu. zObligatorisch Tierli-Foto darf natirli öi nid fehlu ;-)Leia mais

    Ver tradução
  • Nordamerika
    1
    1

    Isla San Christóbal

    26 de julho de 2021, Panamá ⋅ 🌧 27 °C

    ☔️🌧🍽🐬🛶

    Scho di Bootsfahrt va Bocas uf dIsla Christóbal het sehr nass agfangu (trotz dem stylischu Räguschutz ;-)) und het de schich während de 4 Täg ufer Inslu durchgizogu. Wier hei aber gli en super Zit uf der abgschidu Isla Christóbal ka. Wier si verwennt wordu mit super Ässu va der Julie, en Belgieri wa mit irum französischu Partner zHotel fiehrt und hei jede Tag chennu Delphina gseh. Fer en Kajaktour und en chleine Schnorchelüsflug hets öi glängt, wenn dr Rägu mal het üfkhert :-)

    Wie isch zmomentan dschlächt Wätter in Costa Rica witerbegleitet, gseht ier bim negstu Itrag :-)    Leia mais

    Ver tradução
  • Nordamerika
    1

    Puerto Viejo

    29 de julho de 2021, Costa Rica ⋅ 🌧 27 °C

    🌧 🌴🚗 ⚠️

    Nach dume Gränzubertritt emal annersch (zFüess und mit Schläpper!) siiwer güet in Puerto Viejo/Costa Rica acho. Der Rägu und dschlimmu Uberschwemmige het Puerto Viejo und dUmgebig zimmli gibreicht, Benzin hets keis meh gigäh und öi Gäld hets keis meh kah ine Bankautomate. Der Ort isch abgschnittne gsi, will en Züefahrtsbriggu uberschwemmt wordu isch. Trotz allum heiwer aber wider wunderschöni Ortijni därfu gseh und herrlich chennu entspannu :-)Leia mais

    Ver tradução
  • Nordamerika
    2
    1

    La Fortuna

    1 de agosto de 2021, Costa Rica ⋅ 🌧 24 °C

    🌋🥾🛁💧✨🐒

    Nach 5 Stunde Autofahrt quer dur Costa Rica siiwer in La Fortuna acho. Ieschi Unerkunft isch es moderns Schiffscontainer-Hüüsi gsi mitsch iner Pampa :-) La Fortuna isch bekannt fer de Arenal-Vulkan und dHot Springs (heissi Quelle). Wier hei en tolli Wandrig durch zVulkanlandschaft gmacht und hei iesch nacher ebiz Luxus gigönnt ;-) Ime tollu Resort mit verschidne Hot Springs heiwers iesch lah güet gah. Emabu hets de ebiz Heimweh-Choscht gigäh, es Plattij Chees mime feinu Tropfij Wii!

    Und scho bald heissts fer iesch Adiós Costa Rica….    Leia mais

    Ver tradução
  • Nordamerika
    23

    Washington

    5 de agosto de 2021, Estados Unidos ⋅ ☀️ 24 °C

    🇺🇸🌎✈️🏙 ⚾️

    … and hello USA :-) nach dume churzwiligu (6h) Flug va San José uf Baltimore mit Zwischestopp in Miami siiwer tiptop aber futschkaputt ine Staate acho. Nach dere churzu Nacht ime Flughafuhotel siiwer de iesche nöij Flitzer ga abholu, wa nisch en güete Monat wird begleitu, und sii uf Washington gfahru.
    En tolli, riesugrossi Stadt mit unglöibliche Sehenswürdigkeite und Monument, gmietlichum Verchehr und herrlich wenige Touris. Öi dLit sind uberall sehr frindlich und hilfsbereit gsi, wier hei tolli Gsprächi mit verschidunschte Lit chennu fiehru.
    Aber scho nach drii intensivu Täg iner City geit iesche Roadtrip wider witer…    Leia mais

    Ver tradução
  • Nordamerika
    2

    Richmond - Virginia

    8 de agosto de 2021, Estados Unidos ⋅ ⛅ 22 °C

    🍺🍽 ☔️👾🏰

    Nach dum Grossstadtdschungel in Washington heiwer äs gmietlichs Wuchuend in Richmond, verbrungu. Wier hei ime charmantu, gmietlichu Hotel ubernachtut und hei der verrägnut Samstag gnützt, fer ieschi Reis witerzplanu… :-) Fer en Üsflug ine Spielhallu inkl. Bierdegu hets de öi nu glängt.
    Cheers, Richmond!    Leia mais

    Ver tradução
  • Nordamerika
    21

    Wilmington - North Carolina

    10 de agosto de 2021, Estados Unidos ⋅ ☀️ 28 °C

    🚙🏡 🌊⚓️🌅

    Und scho geit iesche Roadtrip witer Richtig North Carolina. Unglöiblich grossi, esiä autoleeri Strasse heiwer uf ieschum Wäg ins härzig Kolonial-Stadtij Wilmington ka. Ubernachtut heiwer dizmal ime staatetypischu Hüüs im Unerdach (zum Glick mit Klimaalag:-)) Wier hei en tolle Üsflug an en kilometerlänge Strand chennu machu und sii zbeidruckend US- Battleship vam 2. Wältchrieg ga bestüünu.Leia mais

    Ver tradução
  • Nordamerika
    12

    Charleston - South Carolina

    12 de agosto de 2021, Estados Unidos ⋅ 🌧 30 °C

    🍷🐈🏡⛵️🏃

    Charleston - es tolls Stadtij am Wasser a, wa wier vill cooli Sache hei erläbt. Wier hei z‘erscht mal uber Airbnb nur es Zimmer und keis Appartment gibüecht und sii total uberrascht wordu. Scho wenn wier in dem Wohnquartier à la Desperate Housewifes si acho, hei wier iesch gfühlt wie iner Serie ;-) Ieschi Host (en güet uber 70jehrigi, gliftuti Dame) und iri Chatz, wa nur usum Cocktailglas tricht hent natirli voll derzüe gipasst :-D. Iri Magnet am Frigor sägunt öi alles uber ire Läbunsstil üs… denu heiwer de öi bi iescher Akunft bis teif in dNacht chennu zelebrieru ;-)
    Wägum ganzu Ässu (und Triichu) heiwer de glüegt, dass der Sport nid zchurz chunnt und sii im schönu Stadtpark va Charleston ga joggu. Da hent iesch zmal zwei Jungs va der Nationalgarde ufume Golfcard verfolgt und hent nisch üfgfordrut, iesch bi der Nationalgarde zbewärbu :-)    Leia mais

    Ver tradução
  • Nordamerika
    112

    Savannah - Georgia

    14 de agosto de 2021, Estados Unidos ⋅ ☁️ 27 °C

    🦙🐓⚓️⛵️👫🏼

    Und scho heiwer en witere Staat chennu gseh - Georgia. Ufere härzigu Farm mit vill Hänne, Chatze, Alpakas und Schaf :-) ebiz absits va Savannah heiwer ubernachtut. Savannah het sehr vill Mississipi-Flair, riisu Schiffi, der Fluss und iri Countrystyle-Müsig hent iesch de biz verzöibrut :-)Leia mais

    Ver tradução
  • Nordamerika
    2
    1

    Chattanooga - Tennessee

    18 de agosto de 2021, Estados Unidos ⋅ ⛅ 23 °C

    🚂 🛠 🚲🛳⚓️

    Chattanooga isch en ehemaligi Bähnler- und Industriestadt (va. fer Stahl) wa iru glorriichu Zite hinner schich het. dStadt isch schich jetz wider am neu erfindu mit renoviertu Gebäude fer Restaurants, Hotels,… im modernu Fabrik-/Industriestyle. Da derzüe kehrt öi en tolle Velowäg
    am Tennessee-River (nei, isch nu nid der Mississippi ;-)).    Leia mais

    Ver tradução
  • Nordamerika
    1
    2

    Nashville - Tennessee

    20 de agosto de 2021, Estados Unidos ⋅ ⛅ 26 °C

    🏠🎸🤠🍻🏙

    Nashville - en Stadt wa iesch sehr uberrascht het.
    Uberall Countrymüsigkonzert for free, cooli Barlini und emabu äs riisu Fäscht mit unglöiblich vile Liit. Öi dSkyline isch sehr beeidruckend mit nöiju moderne Hochhüüser, de altu Gebäude und dumTennessee-River. Wier hei ime Wahnsinns-Airbnb därfu ubernachtu bi der Helen und dum Ric Olsen (tiet denu mal google :-)) Dr Ric het nämmli iner Band „Berlin“ Bassgitarr gspillt, wa
    der Titelsong vam Film „Topgun“ gliifrut het. Wier heis sehr gignossu bi ihne, di tollu Gsprächi und zfein Früehstuck wa iesch dHelen jede Morgu gizöibrut het :-)    Leia mais

  • Nordamerika

    Memphis - Tennessee

    24 de agosto de 2021, Estados Unidos ⋅ 🌙 29 °C

    ☀️⛴🎷🍖🌆

    Nach uber 300 Meile Autofahrt (knapp 500km) siiwer in Memphis acho. dStadt vam Blues/Jazz, Elvis und dum Mississippifluss. Wier hei epaar typischi Touri-Attraktione gmacht wie dSchifffahrt ufum Mississippi, e paar feini Ribs gässu und zMotel ga alüegu, wa der Martin Luther King erschossu wordu isch. Trotz der gross Hitz (37-39 Grad) heiwer dStadtläbu sehr gignossu und fröije iesch uf es paar gmietlichi (Pool) -Täg an ieschem
    negste Ort.    Leia mais

    Ver tradução
  • Nordamerika

    Natchez / New Orleans

    28 de agosto de 2021, Estados Unidos ⋅ ⛅ 28 °C

    🚗 💨🌳🌪☔️

    Im chleinu Ort Natchez, rund 2.5h vor ieschum
    letschtu Stopp ine Südstaate, hei wier herrlichi dri gmietlichi Täg kah. Wier hei üsgschlafu, si ins Gym und hei am Pool relaxt. Zum Glick heiwer di flott Entspanning kah, will uf zmal het alles schnäll miessu gah!
    Wier weri am Samstagemorgu uf New Orleans, iescher Enddestination vane Südstaate, gangu. Leider het schich dSituation mim Hurricane Ida zmal eso züegspitzt, das wier hei miessu lüege wa wier zWuchuend „sicher“ chenne verbringu. Wier hei iesch de entschidu, am Samstag uf New Orleans ane Flughafu zfahru und va da uf Cancun zfliigu, 4 Täg ehner als eigentli geplant. Also hei wier dFlig umgibüecht, Airbnb storniert bzw. nöij gebüecht… usw. Wenn wier de am Samstagemorgu di Bilder gseh hei, wa dLit am flüchte sind, das kei Benzin meh git, lengi Staus fer us der Stadt zfahru und das zMiliter chunnt, siiwer sehr froh gsi, das wier eso entschidu hei! Quasi ufem letschtu Dricker heiwer dä nu eine vane letschte Fliiger vor der Akunft vam Hurrikan vercho…    Leia mais

    Ver tradução
  • Nordamerika

    Isla Mujeres

    30 de agosto de 2021, México ⋅ ⛅ 30 °C

    🇲🇽🐠🐬🤿🏝

    Nach iescher gschwindu Abreis/„Flucht“ ine Staate heiwer zParadies ufer Isla Mujeres gfunnu :-) Ieschi Täg heiwer am Beach verbrungu mim üsprobieru va ieschum nöiju Schnorchelequipment, läsu und relaxu. zMeer isch en absolute Tröijm und der Strand isch wie Puderzucker gsi. Wier hei ieschi letschtu Täg in trauter Zweisamkeit ;-) gignossu bis wier de dOlga und zLuci in Tulum träffe :-) Wier fröije iesch sehr, wider emal bekannti Gsichter zgseh!Leia mais

    Ver tradução
  • Nordamerika

    Tulum

    2 de setembro de 2021, México ⋅ 🌙 27 °C

    🎊🍹🌊🤩🍻

    Scho zum zweitu Mal hei wier Tulum därfu bsüechu (zletschmal vor ca. 3 Jahr) - en hippe Ort am Meer mit stylische Beachclubs, tolle Restaurant und ville Instagram Hotspots ;-) Nach ca. 2 Monät unner iesch, hei wier füüf tolli Täg mit der Olga und dum Luca chennu verbringu :-) Äs isch super gsi emal wider bekannti Gsichter zgseh und zviert am Tisch der eint oder anner Rum ztrichu..Leia mais

    Ver tradução