Königliche Republik Ladonien

Höt gömmer s letschte Mol för die Reis en Schwede öppis go aluege. Mer händ gläse, dases en Königlichi Republik vo Ladonien en Südschwede get. Das esch en Mikrostaat, das heisst vonere Groppe lüt sälber gröndet. Si händ us Holz wie es Tunnelsystem bouet met Bibliothek ond wiitere "Rüüm". Es send eifach chli grösseri Plätzli zwösched de änge Gäng. Mer dörf dete dor dore laufe, es wohnt niemmert dete, es esch chli wie es Konstwärch amene Strand.
De semmer de Küste noh, öberd Stei retour zom Auto. Dete hämmer Pancakes gmacht, s letschte Mol met schwedische Heidelbeeri. Die hämmer eus verdient nach dere Wanderig. Mol weder het sechs bewährt "früh" am Morge losgange z si. Womer retour cho send esch de Parkplatz komplett voll gsi, mer händ am Morge als ersti parkiert. 😊Читать далее