Restablecer búsqueda
Schweden
  • Annj
  • Annj

Schweden

Una aventura de 16 días de Annj Leer más
SeguirResumenResumenCalendarioCalendarioFotosFotosCompartirCompartirLista de deseos
Más recientes primero
  • Inicio del viaje
    22 de julio de 2022
  • AnnjSchwedenViajero

    Nächst mo besser vorbereite!

    23 de julio de 2022, Alemania ⋅ 🌙 13 °C

    Am morge früeh semmer losgfahre ond händ so rechtig kilometer abgspuelet, halt so schnäll wies got met eusem göppeli.
    Am mettag hämmer s erste mol bemerkt, das euse camper kei strom het vo de zuesatzbatterie... met händ de secher 1 stond probiert usefende a was dases liit. Leider ohni Erfolg. Dank em Internet hämmer chönne of Villmärge alüte ond händ no tipps vom Walti becho.
    So hämmer s nächste Bauhaus gsuecht ond en Spannigsmässer kauft. Eusi Diagnose: Batterie tot...
    Herr Google het gwösst womer neui chan chaufe, de semmer also wiiter enen Campingshop, leider händs eusi dete ned gha ond mer händ au ned welle zwoi Nächt warte beser si bstellt hät... mer händ also gfonde "auf ins Abenteuer, ohni Strom chömmer das au"...
    Ofeme Wanderparkplatz hämmer de öppis kochet, för da bruchemer jo zom glöck gas ond ned strom 😉 ond händ dete au gschlofe.    Leer más

    Ver traducción
  • AnnjSchwedenViajero

    Badestopp

    24 de julio de 2022, Suecia ⋅ ☁️ 21 °C

    Am nächste Morge bem Zmorge hämmer de glich gfonde, dases eigentlech en 💩 esch ohni strom, wemmer scho alles debi händ ond nor wägere kabotte batterie chömmers ned bruche. Da mer so schnell wir möglech of schwede händ welle, hämmer doch nomol nocheme Bauhaus en Schwede googled ond tadaa die händ sogar am sonntig offe 😄
    Also semmer dor Dänemark doregfräset 🐌
    Nochem mettag semmer bem Bauhaus acho, emene Industriegebiet met huufe anderne Läde. Of jede Fall em Bauhaus semmer weder ned föndig worde, näbedra hets aber en rise Autoteili- ond Outdoorlade gha... au met de ongefähr rechtige Batterie 🥳
    De Luki het de zerst ofem Parkplatz nomol alles welle usenand schrube ond genau luege wäg de grössi etc.
    Metem Spannigsmässer hämmer de usegfonde das gar kei Strom vo de Solaralag ofd Batterie chonnt.... ond de het d anja d idee gha, das s kabel chönnt kabott si, de luki hets uspackt usem isolierband und tadaa ein stecker esch nömme rechtig zäme gsteckt gsi...
    Wo de igsteckt gsi esch esch alles weder gange... Fazit: mer hätted ohni de Sitz usboue das Problem chönne e 10 minute glöst ha 😂

    Mer send de schnell witer anen See zom eus abchüele ond ändlech mol weder dusche 😉    Leer más

  • AnnjSchwedenViajero

    Dagstorpssjön

    24 de julio de 2022, Suecia ⋅ ☁️ 20 °C

    Mer händ eus ofd suechi nocheme Schlofplatz gmacht ond händ möglechst anen See welle. Send denne noimed gsi, wos öberall scho camper gha het, of desere Seesite hets eus au no plätz azeigt, de semmer det öbere ond ganz elei gsi 😄

    Es esch en Parkplatz vomene Naturreservat womer de nochli send go spaziere ond s erste mol Kubb gspellt.    Leer más

  • AnnjSchwedenViajero

    Böötle, Fische, Bädele, Chille

    25 de julio de 2022, Suecia ⋅ 🌧 18 °C

    Nochem Wandere hämmer en Badeplatz agstüret damet mer mol chönd chille, bädele, böötle ond fische. D Wättervorhersag före nächst Tag gseht guet us, s Ziel esch au mol 2 Nächt noimed stoh, zom chli gnüsse.
    Am Obe semmer de nomol metem Böötli use ond plötzlech hets fest afoh rägne ond mer send plotschnass retour cho. 🌧
    Am nächste Morge esch de Luki am 5i ufgstande ond elei metem Böötli nomol paar Stond go fische. Er het au chli öppis gfange, aber leider nome chlini Feschli. 🐠
    Währedem Zmörgele hets de emmer weder rechtig fest grägnet ond mer händ eus de doch entschede wiiterzfahre.    Leer más

    Ver traducción
  • AnnjSchwedenViajero

    Store mosse

    26 de julio de 2022, Suecia ⋅ ⛅ 16 °C

    Mer send öppe 45 Min gfahre ond denne bem Store Mosse Nationalpark en Wanderig go mache. Es het nor einisch chorz grägnet, söst esch de Hemmel zemli blau gsi ond mer händ guet warm gha. Mer händ dänkt gha mer möched nor en chorzi Wanderig ond gönd wiiter, am Schloss sends de doch 9 km worde.Leer más

    Ver traducción
  • AnnjSchwedenViajero

    Wasserfall Gränna

    26 de julio de 2022, Suecia ⋅ ☁️ 16 °C

    Gränna esch es Dörfli wo sehr tourestisch esch wells bekannt esch för die rot-wiise Zockdrstange wo ame am Wienachtsbaum hange. Womer online gluegt händ womer metem Camper guet cha parkiere hämmer no en Wasserfall benere alte Mühle entdeckt ond send de au no go aluege. Sogar en Flosschräbs het de Luki gfonde. De semmer e das Dörfli inegfahre, well dese Parkplatz chli osserhalb gsi esch, ond au grad weder äne use, wells derewäg vell Lüt gha het. Natur ond Rueh esch eus de doch wechtiger, als e die Mönschemasse inezgo. 🌳Leer más

    Ver traducción
  • AnnjSchwedenViajero

    Örebro

    27 de julio de 2022, Suecia ⋅ ⛅ 16 °C

    S erste Mol womer planed enen Stadt z go. Zerst hämmer benere Bäckerei zmörgelet ond s erste Mol en Kanelbullar gäse ond Cappuccino tronke.
    De semmer chli dord Stadt gloffe, am Schloss verbi ond de dors Wadköping. Das esch wie es Freiliechtmuseum met alte Hüser, wo aber e dem Fall teilwiis no bewohnt send oder als Shop oder Café gnotzt wärded. Au dete hets weder vell Lüt gha. Ganzi Car send häregfahre för das. Es esch trotzdem schön gsi. Ofem Retourwäg zom Camper semmer no go lädele. 😉Leer más

    Ver traducción
  • AnnjSchwedenViajero
    1

    Petri heil!

    28 de julio de 2022, Suecia ⋅ ⛅ 19 °C

    Gäge Obe semmer e de Region vom Siljansee acho. En Ferieort met rechtig vellne Lüt, dementsprächend hämmer äu echli länger gha bes mer es Plätzli gfonde händ wo eus passt het. S Ziel esch eis z fende womer au mol chönd zwoi Nächt bliibe. De Luki het denne zobe scho vom Strand us gfeschet ond es het so vell Heidelbeeri do, daser ganz vell het chönne sammle. Am Morge hämmer s erste Mol Pancakes met Blaubeeri chönne ässe. Noch dem feine Zmorge hämmer es Picknick iipackt ond send metem Böötli ofe See use. Nach öppe drü Stond paddle ond scho fast ufgeh, het ändlech en Hecht abesse. Das get es feins Znacht före Luki 😉 Mer send de retour a euses Strändli, händ chillt, de Fesch filletiert ond badet. Zom Znacht hets denne före Luki en Teil vom Hecht geh. 🐠
    Mer send de nomol abe an Strand ghöcklet ond händ no öppis tronke ond eusi Reis chli wiiter planet, bes en Schwed zuegfahre esch ond eus ned ga z nätt zuegrüeft het, mer selled go, en Schwede döff mer nor 24 Stond a eim Ort bliibe. Er chonnts de nochher nomol cho kontrolliere öb mer weg send... Super ond das am 9i zobe. 😑    Leer más

    Ver traducción
  • AnnjSchwedenViajero

    Unverhofft

    28 de julio de 2022, Suecia ⋅ ⛅ 13 °C

    De hämmer halt zämepackt ond send wiitergfahre. Noch öppe 30 Min semmer de bemene grosse Parkplatz vomene Vergnüegigspark acho ond händ dete för ei Nacht parkiert. Mer send schön froh gsi, dases so lang hell esch, das Foti esch öppe vom viertel vor 10i zobe.Leer más

    Ver traducción
  • AnnjSchwedenViajero

    Schwedentraum

    29 de julio de 2022, Suecia ⋅ ⛅ 15 °C

    Am nächste Morge semmer wiiter en Norde gfahre, met em Ziel, en wiitere Nationalpark go aluege. Wells aber en wiite Wäg esch, hämmer das ofe nächst Tag planet ond möched höt nach dere Fahrt en gmüetleche Tag. Womer acho send esch de Luki go fesche ond d Anja het chli gläse. Spöter hämmer no Speli gspellt ond zom Znacht hets no di letschte zwoi Feschfilet före Luki geh.
    Spöter semmer nochli go spaziere, es het es chlises Moor näbe dra gha ond eigentlech hämmer of Elche ghofft, aber di Iiheimische händ glachet ond gseit mer chönd do lang noch Elche sueche 😅 De Sonneontergang esch wonderschön gsi ond am nächste Morge esch s Wasser spiegelglatt gsi. Es rechtigs Schwedetröimli, de Camper diräkt am Wasser ond ganz elei.    Leer más

    Ver traducción
  • AnnjSchwedenViajero

    Fulufjället Nationalpark

    30 de julio de 2022, Suecia ⋅ ⛅ 15 °C

    Am Morge früeh semmer de di letschte 40 Minute en Nationalpark Fulufjället gfahre. Zom Glöck semmer so früeh gsi, halbi 9i 😅 de hämmer no ofe vordersti Parkplatz chönne. Fakt esch, alles vorem 10i esch en Schwede früeh, au d Läde mached ame erst denne uf 😄
    Of jede Fall semmer de au fast di erste am Wasserfall gsi. De gets en Wanderig obe am Wasserfall ufe. Mer händ denne no en wonderschöne Omwäg zom anschinend ältiste Baum vo de Wält (Old Tjikko), en 9550 Johr alti Gemeine Fichte.
    De semmer wiiter öber Holzwägli ond Gröll, bes mer obe am Wasserfall gsi send. De Luki het no es Steimandli bouet womer spöter usegfonde händ, dases verbote wär em Nationalpark 🙈 Ups!
    Nochher semmer no es Glace go ässe ond weder rechtig Süüde. So langsam müemmer leider weder an Heiwäg dänke ond chönd ned wiiter nördlech 😔    Leer más

    Ver traducción
  • AnnjSchwedenViajero

    Irgendwo im Niergendwo

    30 de julio de 2022, Suecia ⋅ ⛅ 18 °C

    Mer händ en Wändeplatz em Wald gfonde för di höttigi Nacht. Höt hämmer s erste Mol e dene Ferie en warmi Duschi gönnt ond de Boiler vom Wohnmobil agloh. 💪
    Well mer zmetzt em Wald, chli wiiter ewäg vo de Hüser stönd hämmer grossi Hoffnig of Elche gha. Was eusi Hoffnig no verstärcht het send rechtig vell Elch-, Hirsch- ond Rehspure of dem Platz. Au en Büschel Hoor, wahrschinlech vomene Elch hämmer gfonde.
    Aber wie chönnts au andersch si, mer händ natürlech kei Glöck gha, trotz Spaziergang dore Wald met verschedene Beobachtigsort.    Leer más

    Ver traducción
  • AnnjSchwedenViajero

    Karlstad

    31 de julio de 2022, Suecia ⋅ ⛅ 20 °C

    Karlstad, di erst Stadt womer of dere Reis wänd go aluege. Vom Parkplatz semmer zerst a de längste Steibrogg vo Schwede verbi. Em Luki esch de schnäll klar gsi, das mer vor 6 Johr scho mol do gsi send 😅
    Am Sontig händ en Schwede fast alli Läde offe, leider semmer aber erst am 5i e de Stadt gsi. De einzig Lade wo no offe gha het esch blöderwiis de Süessigkeitelade gsi. 🍭
    Mer send de chli dor d Strosse gloffe, mer cha zom biispel Cornhole zmetzt e de Stadt spele. Nocheme feine Znacht e de Pizzeria semmer de nochli wiiter gfahre.    Leer más

    Ver traducción
  • AnnjSchwedenViajero

    Fjällbäckan

    1 de agosto de 2022, Suecia ⋅ ⛅ 18 °C

    Höt wämmer d Schären a de Westküste vo Schwede go aluege. Mer händ eus en Ort usegsuecht wo ned so touristisch sett si. Dank em App park4night hämmer en super Parkplatz gfonde. Mer send de einisch dors Dörfli gloffe ond öppis go Zmettag ässe.
    De hämmer gseh, das mer öberen Stäge no ofe Hügel ufe chan met ere guete Ussecht öber de Schärengarten. Spontan hämmer de dete no chönne en Rondwäg laufe, öbere Felse ine ond dore Wald retour es Dorf. Dete hets als Belohnig de no en Glace geh. 🍦    Leer más

    Ver traducción
  • AnnjSchwedenViajero

    Järtum Sportplatz

    1 de agosto de 2022, Suecia ⋅ ⛅ 17 °C

    Ofem Wäg an Schlofplatz hämmer ganz vell Wildgäns gseh, wo vermuetlech langsam weder en Süde flüge zom öberwintere . Onterwägs hämmer no amene Stausee aghaltet zom go bade. Of de Suechi nocheme Öbernachtigsplatz semmer dore Wald gfahre ond händ de abebrönnti Bus gseh. Schlossändlech hämmer ofeme Parkplatz vomene Sportplatz gschlofe.Leer más

    Ver traducción
  • AnnjSchwedenViajero

    Göteborg

    2 de agosto de 2022, Suecia ⋅ ☁️ 18 °C

    Ab en ehn Grossstadt. Emmer chli kompliziert met somene grosse Fahrzüg, aber mer stuuned beidi, wie wenig Auto dases het för sone Stadt. Problemlos chömemer bemene Parkplatz a ond fendet sogar es Plätzli.
    Mer händ diräkt näbem Stadtteil Haga parkiert, womer en Tipp föres Café vom Luki sine Schwöstere becho händ.
    Es het rechtig vell Lüt gha, händ denne emene ruigere Pub fein Zmettag gässe, d Anja s erste mol öppis typisch schwedisches gha (Härdöpfelstock met Rindsvorässe). Före Luki hets nomol Fish & Chips geh. En Schwede gets gönstigi Mittagsmenüs ond s Wasser esch au gratis, so hämmer pro Person för Salotbuffet, Menü ond es Kafi nor 12 Fr. zahlt 💪😊
    De semmer wiiter zo dem Café Hebbe Lelle, wos eus empfohle händ. Es het aber vell Lüt gha ond mer händ noch dem Zmettag nömme möge, de hämmer en Cappuccino to go ond en XXL Kanelbullar metgnoh. 😍    Leer más

    Ver traducción
  • AnnjSchwedenViajero
    1

    Morgeschwomm

    3 de agosto de 2022, Suecia ⋅ ☁️ 18 °C

    Höt esch di letscht Nacht en Schwede ond mer händ onbedengt nomol an See welle, zom am Morge grad nochem ufstoh chönne go bade. Am Morge wos de so wiit gsi esch, hets d Anja zerst mol chli agschesse, aber nochher esches super gsi. Erfröscht semmer nocheme chline Zmorge losgfahre.Leer más

    Ver traducción
  • AnnjSchwedenViajero

    Königliche Republik Ladonien

    3 de agosto de 2022, Suecia ⋅ ⛅ 23 °C

    Höt gömmer s letschte Mol för die Reis en Schwede öppis go aluege. Mer händ gläse, dases en Königlichi Republik vo Ladonien en Südschwede get. Das esch en Mikrostaat, das heisst vonere Groppe lüt sälber gröndet. Si händ us Holz wie es Tunnelsystem bouet met Bibliothek ond wiitere "Rüüm". Es send eifach chli grösseri Plätzli zwösched de änge Gäng. Mer dörf dete dor dore laufe, es wohnt niemmert dete, es esch chli wie es Konstwärch amene Strand.
    De semmer de Küste noh, öberd Stei retour zom Auto. Dete hämmer Pancakes gmacht, s letschte Mol met schwedische Heidelbeeri. Die hämmer eus verdient nach dere Wanderig. Mol weder het sechs bewährt "früh" am Morge losgange z si. Womer retour cho send esch de Parkplatz komplett voll gsi, mer händ am Morge als ersti parkiert. 😊    Leer más

    Ver traducción
  • AnnjSchwedenViajero

    Dänemark

    3 de agosto de 2022, Dinamarca ⋅ ⛅ 23 °C

    Adee Schwede, Hallo Dänemark. Es Land womer beid no nie gsi send, bem ufefahre, semmer a eim Tag doregfahre, jetzt machemer en Halt zom Schlofe. Mer fendet en Parkplatz em Wald, öppe en 10 Min Spaziergang vo de Ostsee weg.
    Dete am Strand het no es Töffträffe gha, söst esches ruhig ond het wenig Lüt. Dänemark wär secher au mol schön zom bereise.    Leer más

    Ver traducción
  • AnnjSchwedenViajero

    Husum

    4 de agosto de 2022, Alemania ⋅ ☁️ 27 °C

    Ganz spontan hämmer d Idee gha, no en chorze Abstächer ad Nordsee z mache. Wemmer jo scho mol do send. 😉
    Send denn zerst dors Städtli Husum gloffe, die händ dete grad en grosse Märt gha. Enere härzige Rösterei hämmer es feins Kafi tronke. D Ständ vo de Fischbrötchen händ am 11i leider nonig offe gha, söst hätts före Luki secher no so eis geh.
    Deför semmer de no as Meer före gfahre, bevor mer en huufe Kilometer rechtig Süde gfahre send.    Leer más

    Ver traducción