Reset search
New York, United States
  • Levin Imhof
  • Rahel Estermann
February 2025

New York, United States

🗽 Read more
FollowInsightsCalendarShareShareBucket list
Newest first
  • Trip start
    February 3, 2025
    New York, United States
    1

    Brooklyn New York, United States

    February 3 in the United States ⋅ ⛅ 8 °C

    Hello Hello Helloo!!!!
    Endlich melde mer eus au mal vo de stadt, wo nie schloft und Lärmig esch. Üsi Areis hed am Bahnhof afange. Leider esch üse ursprüngliche Zug usgfalle, doch zum glück heds grad na en Aschlusszug gäh. Voll ned grafft, dass Mäntig esch und lüt gend go schaffe. Am Floghafe acho hemmer eus dementsprend igcheckt ond hend üses gepäck abgeh. Mer hend müese chli zügig mache, da ich eus en Voucher besorgt han für de Business Lounge. Ich persönlich be noni i somenen Lounge gsi und es ish für eus eifach es privileg gsi vorem Esse de Buch vollsztopfe. Am Gate acho hed s‘rahel sogar müese en extrakontrolle mache, ob es azeighe uf sprengstoff und oder Ruuschmittel gha hät. Aber Ihr wössed ja, dass mer zwei mur unschuldige Touris send, wo eifach mal NewYork gse wend. Im Flugzüg acho semmer beidi mega ufgregt gsi und dene semmer au scho abghobe🥹. Mer send dene pünkltich am nommitag in New York acho und eigentlich hed de Levin nüt anderes im chopf gha als die Frage vo de Passkontrolle. Es ish zum glöck alles ribigslos glofe und mer send med eusem Gepäck zum AirTrain glatscht und send is Subway richtig Brooklyn🤭. Die Stimmig in New York, die Lüt und die Umgebig esch so andersh und sehr bewundernswert. Acho im
    Unterkunft hemmer eus chorz usgruiht und send aschlüssend is „Target“ das ish sone Art Lebensmittellade aber so e grosse. Levin hed um ehrlichzsi die ganzi reis „sehnsucht“ nach mine Oreo Birthday Cake Edition gha und zum glück hend mer se gfonde😂. Mer hend also Oreo Cookies und es paar Frücht, Trinke und Snacks usem regal grisse wo es au nume gaht….. Es ish scho immer gföhrlich gsi med hungrigem Mage go ikaufe und in Amerika endet sone Ikauf meistens ned guet. Us dem grund sen mer schnell zrug is Unterkunft und hend eus parat gmacht für euses Dinner in Murray Hill District. Mer hend soviel Steak chönne esse wie mer hend welle. Dennach hed euses herz eus am Endi vom Tag no zum Time Square gschlage, bevor es zrug gange esch go schläfele.    Read more

    See translation
  • New York, United States
    111

    Wall Street, United States

    February 4 in the United States ⋅ ⛅ 6 °C

    Woah!
    Die ersti Nacht in NYC esch sowas vo abgfahre! Mer beidi send ächt mega fasziniert vo New York. Höt hemmet beidi sehr viel unternoh. Als erstes hemmer die Zitverschiebig usgnützt um am Morge früeh am Morge zum Washinton Street Dumbo zgah um de Manhattan Bridge azluete und es paar cooli Fötelis gmacht. Aschlüssend hemmer eus dezue entscheide überem Brooklyn Bridge zlaufe. Das Wetter hed sehr gpasst und mer hend ächt freud gha. Uf de andere site hemmer no en abstächet zum Finacial District „Wall Street“ gmacht und hend vor Ort Liberty Bagels gässe😋. Dene semmer zum 9/11 Platz und hend die Gedenkstett bestaunt. Leider esch das Mueseum gschlosse gsi, weshalb mer de bsuech am Mittwoch mached :). Nun esch es sowit gsi! Mer send go helikopter flüge und es ish so kalt gsi obe! Als abschluss vom Tag semmer no is Raising Cane‘s go ässe und hend de Tag loh usklinge lah.Read more

    See translation
  • New York, United States
    11

    9/11 Memorial & Museum, United States

    February 5 in the United States ⋅ ☁️ 2 °C

    Good Morning New York City!
    Höt wär eigentlich schlechtes Wätter vorhergseit, doch es isch am schluss schöns Wetter g
    si. Mer hend euse Tag langsam agfange im "Gnocchi on 9th". Mer send gar die erste gsi, wo ebbis gässe hend am 11i. Die Gnocchis send kompakt und sehr sehr fein gsi. Mer send denne no is ChaCha Macha gange und hend vor Ort no en Footprimt (vo gestert) gmach. Hend eus entschiede zum 9/11 Museum zlaufe also simer de ganz Broadway hindere glofe. Im Museum semmer beidi ächt mega fasziniert gsi vo de gschicht und betroffeni Persone. Mer send dene aschlüssend is Central Park go Velo fahre und zum schluss no is Joes Pizza😋.Read more

    See translation
  • New York, United States

    Squid Game Experience, United States

    February 6 in the United States ⋅ ☁️ 3 °C

    Hälfti vo eusere Reis esch scho düre!
    Chum zglaube, dass die Zit so schnell verbi gaht. Höt semmer chli spöter ufgstande und hend es bizeli usgschlöfelet. Moss ja au ab und zue i de Ferie si. Wettertechnisch heds ned so guet usgseh. Es hed gschneit und d‘strosse send nass und platschig gsi. Nachem usschlofe semmer zrug is Target und hend es paar witteri snacks gholt und paar Getränklis. Send zrug id Unterkunft go parat mache und send spöter zum Squid Game Experience. Jede vo eus sett die Serie Squid Game kenne und mer hend unbedingt welle das feeling ha (natürlich e harmloseri version als i de Serie) und send is Manhattan Hall zu de Spiel. Und me hed wirk das Squid Game Feeling gha und mer hend ab und zue scho gschwitzt. Nachem spiel semmer is Five Guys um die Ecke und hend eus no en Burger und Fries inetätscht, bevor es zrug id Unterkunft gange esch.Read more

    See translation
  • New York, United States
    11

    Staten Island, United States

    February 7 in the United States ⋅ ☁️ 3 °C

    GOOOD MORNING NEW YORK!
    Uf das Abentüür vo höt hemmer eus ziemlich mega gfreut aber zersh einem nachem andere :). Höt Morge semmer früeh go zmörgele im „Time-Out Market“ in Dumbo. Das ish e riesige FoodCourt med vellne ässensständli. S‘bücheli hed aber zersh wölle Z‘morge ässe also hemmer beidi ebbis zrächt zmorge gässe (de Levin hed necher au no Glace welle🤠). Necher semmer beidi dür de Brooklyn Park glofe und hend die Zit dört gnosse. Es ish zwar chalt gsi aber amene strahlende Früeligstag, nimsch selbst das in kauf. Nachem laufe semmer endlich zu eusem Highlight cho! ⛴️ Staten Island Ferry! Natürlich fehlt üs ja no d’freiheitsstatue!🗽. Mer hend eus aber ned welle uf die Betrüger vorem Hafe lo irritiere loh! Klar ish gsi, dass mer e super usblick uf d‘freiheitsstatue chend ha, au wenn mer dra verbifahred zum Staten Island. Die Usblick esch eifach herrlich gsi! Spöter simmer no zum Grand Terminal und hend eis dört umgluegt. Die Architektur esch mega gsi und die eint oder andere kenneds ja vo Gossip Girl. I de nöchi hemmer au no rn Abstächet gmacht zum „Tudor City Bridge“. Tolle Ort für zom Fotis mache. Natürlich hed de Levin unbedingt no welle is prächtige „Radio Music Hall“ dört drinne send scho dutzendi Künstler uftrete wie: Pink Floyd oder David Bowie. Spötef ish es no zom SummitOne gange und mer send eifach sprachlos… (lend bitte die Bilder uf euch wirke i mah nöm schribe und du sicher au nöm lese).🫶🏽Read more

    See translation
  • New York, United States
    21

    Glace New York, United States

    February 8 in the United States ⋅ ☁️ 1 °C

    Die Täg wärdet emmer wie chörzer und scho gli oder bald semmer au weder zrug i de schwiz! Drom mömer die Täg no voll und ganz gnüsse. Es isch no so einiges gplant für die nöchste Täg und da wömmer euch bis zum letzte Tag au derbi ha. Höt morge semmer chli spöter ufgstande und mer hend eus mega gfreut uf de hötige Tag, denn mer hend e guete Kollegin troffe, wo mer zwöi sletscht in Thailand (siehe ebenso Footprint in Thailand 2024) uf enere Insel im nirgendwo kenneglernt hend (Make friends on Travel!) Mer hend eus hör med Brianna a de Wallstreet in Ihrem Apartment verabredet. Brianna isch 26 und schafft tatsächlich als Awältin. Se hed grad viel um d‘ohre und hed nur es chlises zitfenstef für eus gha und mer hend eus eifach mega gfreut. Acho hemmer zersh müese usfindig mache wo sie überhaupt wohnt… es ish garned mal so eifach sich med Husnummere dürezschlah in New York hehe. Acho ish sie au ufgtaucht znd mer hend eus begrüesst und send dene is Lounge zemme go rede und plauderle. Die Zit vergaht so schnell und mer hend ehre no Toblerone vo de schwiz mitgbracht und se hed mega freud gha! Leider hemmer eus weder müese verabschiede und send dene Spöter is „Glace“ a de Madison Avenue und hend eus loh verfüehre loh vom Getränk umrahme med Meringue. Levin hed de no e Minzetee gönnt und mer send erneut dür de Central Park glofe. Uf de andere site semmer fein go esse im „La Pecora Bianca“ und aschlüssend zrug id unterkunft zum go energie tanke, denn mer hend gseh, dass es am abig wird schneie und hend dene unbedingt welle use dene. Hend bem unterkunft no es chlises nickerchen gmacht und send use gange und wow!!! es ish alles bedeckt gsi!Read more

    See translation
  • New York, United States
    1

    Chinatown New York, United States

    February 9 in the United States ⋅ ⛅ 1 °C

    Höt esch mol chli en Chillday gsi für eus. Mer send im „7th Street“ die geilste Smashburger be eus in de Hood go ässe. Nachem ässe send mer zrogg is AirBnB und hend eus en Nickerchen igleiht und send am abig aschlüssend is Chinatown🫶🏽 und ebbis go ässe. De Tag isch chorz gsi aber au das muss mal si!Read more

    See translation
  • New York, United States
    1

    Monterey New York, United States

    February 10 in the United States ⋅ ☁️ 3 °C

    Oh no! Sorry, dass mer euch loh warte hend. Mer hend es bizeli verhängt aber sicherlich ned vergesse! Höt hemmer euse Tag gmüetlich gstartet. However mer send höt öber de Manhattan Bridge glofe uf die anderi Site und hend währenddesse gwössi spalte zwüshe dem Gitter gfunde wo me vo de Brück us viel hed chönne gse und fotis mache. Au namal Gnocchi gässe wils eifach so fein gsi esch. Mer zwöi send i de Ferie so Matcha süchtig gworde und send dementsprechend namal is Cha Ha Matcha und aschlüssend Crumbl Cookies go chaufe. Nebe dem Coolie lade heds e mega unufällige Vinyl lade gha und i hät niemals denkt, dass i tatsächlich ebbis wird finde (danke a Rahel❤️🤭). Nachem shoppe send mer no zum Roosvelt Cable Car und send uf die anderi site gfahre. Üsi erwartige send gross gsi aber bizeli entüsht, da e überfüllt gsi isch und die Fenster zumteils sehr dreckig, weshal mer ned hend chönne useluege. Uf de andere site acho hend mer eus die Zit gno alles mal chli azluege, bevor es dene chorz zrug id Uterkunft gange esch zum die volli Täschr mal abzlege. Abschlüssend send mer uf New Jersey um de epische „letzteä Sonneuntergang in New York go bestaune und med eusere Kollegin Brianna go esse.Read more

    See translation
  • New York, United States

    Last Dance in New York!, United States

    February 11 in the United States ⋅ ☁️ 1 °C

    Oh man! Das esch ja wasi gmeint han! Letzte volle Tag, bevor es morn scho zrug gaht. Mer hend die zit gnosse und freued üs uf de letzte Volle Tag. Mer sind namal is Manhattan und hend Pizza „lucia“ gässe und mer mönd echt sege es ächt fein gsi. Mer send nomol a de Broadway gsi und hend es paag sacke ikauft. Natürlich au snacks! Rahel hed au nomol es Armchetteli gstaltet. Am Abig namal Times Square und Radio Citty Music Hall vo dusse, da mer leider kei Ticket für die Berüehmti Jimmy Fallon tonight show becho hend😂Read more

    See translation
  • New York, United States

    Welcome Home!, Zürich CH

    February 12 in Switzerland ⋅ ☁️ 10 °C

    Guete Morge Zämme! Ah da wäre mer also weder. I de Schwiz! Die Ferie hend eus mega freud vorbereitet und mer hend erstunlicherwis so vieles chönne mache und au swichtigste gnüsse. Somit endet eusi Reis endgültig und mer blicke bereits vorwärts zu eusne nöchste Ferie🫶🏽🥰Read more

    See translation
    Trip end
    February 12, 2025
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice