Reimposta ricerca
Brazerol's alleine in NewYork
  • Patricia Brazerol
  • Monika Brazerol
  • Raphael Brazerol
  • Patricia Brazerol
  • Monika Brazerol
  • Raphael Brazerol
  • Urs Brazerol
  • Leandro Brazerol

Brazerol's alleine in NewYork

Un’avventura di 7 giorni di Patricia, Monika, Raphael e 3 altre Leggi altro
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
Prima i più nuovi
  • Inizio del viaggio
    11 settembre 2025
    Brazerol's alleine in NewYork
    Am Morga, ds Bassersdorf am Bahnhof. Wartend für da Zug an Flughafa
    Ds Zügli zu da E-GatesReady for Boarding!AperoVorspiis: Marinierter Balik-Lachs mit Süsskartoffel-Ingwer-Relish Passionsfrucht-Süsskartoffel-PüreeZit für a Suppa, Lauch-Sellerie-TrüffelHauptspiis: Rindsfilet mit Kräuterjus, Kartoffeln mit Rosmarin und geschmorten ArtischokenKäse mit L'Etivaz, Andeerer Gourmet, Dessert mit Mousse mit caramelisierten Maroni und HimbeerenEssa vor dr Landig: Momo Dumplings mit Rind, Poulet und PilzenAs Bsüachli hina ir EcoLong IslandSchu fascht do😍D Skyline vu Manhattan griifbar noch

    Los gohts! Unsere Reise nach New York

    12 settembre 2025, Svizzera ⋅ ☁️ 14 °C

    Miar hend denn also am 12. September am Morga üsi Koffer fertig packt und üs uf da Wäg zum Flughafa gmacht. Döt akho, hend miar dank ma guata, ehemaliga Kolleg no törfa id Business Lounge go, bevor ds Boarding am 09:30 für üsa Flug, LX16 für New York JFK, agfanga hät. Dr Kai und i hend ds Glück gha, dass no Plätz ir Business Class frei gsi sind und hend dia au kriagt. Dr Kai reist uf 4A, Mama und Papa ud 29JK, Patricia und Leandro uf 29AB und i uf 5G. Notürlich sind miar üsi viar Liaba ir Economy au öppa go bsuacha und gluagt, wias so goht. Wenns ni gra am Schlofa gsi sind... 🙊🤭Leggi altro

    Guarda la traduzione
  • Brazerol's alleine in NewYork
    1Da isch wohl jemand müde...Zerst mol luaga wia wo wiiter

    Ersti Ihdrück

    12 settembre 2025, Stati Uniti ⋅ ☁️ 25 °C

    Mier hend nur müassa 35min warta für zum ind USA ihreisa - das isch super schnell ganga!
    Do dr Raphael aber zu viel gschätzt het, muass er üs denn zuma Drink ihlada.
    Nochdem mr d Köffer griagt hend, simmr mit da ÖVs Richtig Hotel gfahra.

    Üses Hotel isch mega noch am Empire State Building, was mr au direkt bim usstiga vor U-Bahn gseh hend!
    So toll!    Leggi altro

    Guarda la traduzione
  • Brazerol's alleine in NewYork
    TouristaDia Kugla het dr Ahschlag überlebt. Sie isch zwüscha da Türm gsi1Erst mal ne Pause

    Ground Zero

    12 settembre 2025, Stati Uniti ⋅ ☁️ 26 °C

    Noch dem mr Ihcheckt hend im Hotel und au besprocha hend wia wiiter, simmer zum Ground Zero.
    Am Tag vorher isch 9/11 gsi und mier hend dia Stimmig döt wella ihfanga.
    Sehr ihdrücklich gsi zum am Ort stoh, wo vor 24 Johr Chaos gherrscht het.
    D Obig stimmig het das gra no spezieller gmacht    Leggi altro

    Guarda la traduzione
  • Brazerol's alleine in NewYork

    Little Island & Pier 57

    13 settembre 2025, Stati Uniti ⋅ ☀️ 24 °C

    Noch dem mier wieder in Manhatten ahko sind, simmr uptown richtig Little Island & Pier 57.
    Little Island isch a künstlich ahgleita Park ufam Hudson River.
    Gra drvor isch no as alts Isator. Das Tor isch as Überbleibsel vor Titanic - döt sind dia Überlebenda ahko, wo noch New York brocht wirda sind.

    Pier 57 isch a Essenshalla wo mr denn öppis Zmittag gässa hend und d Ussicht gnossa hend.    Leggi altro

    Guarda la traduzione
  • Brazerol's alleine in NewYork
    Guten Morgen guten Morgen guten Morgen Sonnenschein...
    Zerst no Verpflägig holaDs Rockefeller CenterMarble Collegiate ChurchFlatiron BuildingThe First Presbyterian Church in the City of New YorkCivic CenterMunicipal BuildingBlick ufs Brooklyn BridgeOne World Trade Center

    Hop on Hop off Bus Tour

    14 settembre 2025, Stati Uniti ⋅ ☁️ 23 °C

    Am Sunntigmorga hend miar a Hop on Hop off Bustour gmacht. Nochdem dr ersti Bus noch öppa 2 Stops dr Geist ufgä hät, hend miar denn di voll Rundi mit ma Ersatzbus öppa 15' spöter könna macha. Miar hend nomol komplett anderi Idrück vur Stadt kriagt und hend so au grad am Punkt könna usstiga, womer denn witer ufm Programm gha hend. 😊Leggi altro

    Guarda la traduzione
  • Brazerol's alleine in NewYork
    As Modell vum ganza Gebäude-Komplex
    Dr Papa haltet Usschau, wos echt spöter higoht?Kunnt guat, bitte stohbliba. Nai, stop, a biz meh links... Jawohl!D BubusSt. Patrick's Cathedral

    On Top of The Rock/Rockefeller Center

    14 settembre 2025, Stati Uniti ⋅ ☁️ 25 °C

    Noch dr intressanta Bustour sind miar ufs Rockefeller Center, sogenannt On Top of the Rock. Aso ds Wetter hät jo schu gigantisch guat mitgmacht. D Ussicht isch aifach top und ma kann d Stadt so richtig gnüssa.
    Nochdem miar doba gsi sind, sind mr hina zum berüahmta Park, sogenannt Rockefeller Plaza usa und no dr Ablick über d Passage gnossa. Denn hend mr no an klina Abstecker id St. Patricks Cathedral gmacht.    Leggi altro

    Guarda la traduzione
  • Brazerol's alleine in NewYork

    Velotour Central Park 🚲

    14 settembre 2025, Stati Uniti ⋅ ☁️ 27 °C

    Nochm Rockefeller sind miar in Richtig Central Park. Ganz ir Nöchi hend miar üs Velos gschnappt und sind denn mit dena in Central Park düüüst. Döta hend miar üs denn zerst a kli müassa orientiara, wil as herrscht Einbahn... 🤣 upsii.
    Denn hend miar a somna HotDog-Stand verpflägt und sind denn a zimlichi Strecki gfahra.
    Zum Abschluss vur Velotour sind miar denn no bim Plaza Hotel, au bekannt vu "Kevin allein in New York", verbii gfahra.    Leggi altro

    Guarda la traduzione
  • Brazerol's alleine in NewYork
    1

    Verstärkig

    14 settembre 2025, Stati Uniti ⋅ ☁️ 26 °C

    Noch dr Velotour sind miar denn no in an Lada, wo volla gsi isch mit Wiahnachtsdeko. Ds Bsundera dra? As git dia Turteltauben us Ton vum Film "Kevin allein in New York". Döt hend miar notürlich auno müassa an Halt macha. Grad vis a vis häts denn an Dunkin Donuts gha, wo miar üs an süassa Stop gönnt hend. 😊
    Nochher hend mr alli Durst verspürt und hend amna Strossaeck as nobels Restaurant gfunda und hend üs denn an Apero bstellt. Nochher ischs denn au scho wiiter ganga, wil für hüt Obig hend mr a spezielli Reservation gha.    Leggi altro

    Guarda la traduzione
  • Brazerol's alleine in NewYork
    Dr Igang ins MuseumDs letschta Bild vur Manhattan Skyline. Am 11. September 2001, isch ds Bild am 08:30 Uhr ufgno wordaDs Garagetor vunra Fürwehr-Isatzstell vo Brooklyn, wo ihri Männer au verloora hendDr Bau vu da Twin Towers in da 70er Johr.Dä Schriftzug isch erstellt mit verschmolzana Stahlresta vu da Towers.An Resta vumna Fürwehrauto nochm Zemmasturzt vu da TürmDia Stahlträger sind ursprünglich vum 93 zum 99 Stock ganga...An Stuck Antenna vum Nord-TurmA Resta vumna Lift-GeneratorD Wand vur ehemoliga Tüfgarage und Fundament geg da Hudson River, 7 Stockwerk tüf.Das isch ds Fundament mit da Stahlsüüla vu da TürmNo 2 Überresta vu dr Ussasita, wo d Türm prägt hend mit dem Usseha wos gha hend.

    9/11 Memorial Museum

    15 settembre 2025, Stati Uniti ⋅ ☁️ 23 °C

    Am Morga vum 15. September sind miar noch Lower Manhattan gfahra. Üsers Ziel: 9/11 Memorial Museum. Das Museum befindet sich direkt unter da zwei Brünna, wo di ehemoliga Twin Towers gstanda sind. Miar hend üs an Audio-Guide kauft und jeda isch in sim Tempo durs Museum ganga. Ach, as isch aifach immer wieder atemberaubend und unglaublich, was a dem Tag vum 11. September 2001 alles zerstört worda isch.Leggi altro

    Guarda la traduzione
  • Brazerol's alleine in NewYork
    Zmittag uf über 500 Meter Höhi
    Usblick uf Ground Zero und Lower ManhattanNo an originali TüraDs Igang vu damalsDr zerkratzti Bank ir St. Pauls Chapel

    One World Trade Center

    15 settembre 2025, Stati Uniti ⋅ ☁️ 27 °C

    Noch am Museum sind miar denn ufs One Worl Trade Center ufa und hend döt denn au grad Zmittag gässa.
    Nochm Ufsuuga vur Ussicht hend mr no an Halt in dr St. Pauls Chapel gmacht. Döt hära sind miar dur a Türa/Igangsbereich, wo no original erhalta isch sit am Aschlag. As handlet sich um d Zwüschatüra zur U-Bahn und am damaliga World Trade Center. Dia Kapella isch wia as Wunder während dem ganza Gscheh komplett unversehrt bliba und hät da Helfer während da Arbeita Schutz unf Unterschlupf bütet. A zerkratzti Bank erinneret hüt no ans Brucha vu da Fürwehrmänner mit da Uniforma und da Gürt.Leggi altro

    Guarda la traduzione
  • Brazerol's alleine in NewYork
    Ds Meitli ar Börsa..
    Im Café grumpy...1Dr Papa und sis grüan.. 🤣1Auf den Spuren vum Film: der Teufel trägt Prada

    Dies und Das

    15 settembre 2025, Stati Uniti ⋅ ☁️ 26 °C

    Nochm World Trade Center hend mr no an klina Abstecher ad Wall Street ad Börsa gmacht.
    Nochher hend miar eigentlich in Maddison Square Garden wella, aber leider sind Vorbereitiga für a Show gloffa und ma hät nid ina könna... denn hät üs dr Kai inas Café gfüahrt: Café grumpy.. das hät grad so passt.. 🤣
    Denn hend mr dr restlich früah Obig mit a kli Shoppa ar 5th Avenue verbrocht und hend denn am Obig no Znacht gha inra ehemoliga Kircha, hinterm Times Square.    Leggi altro

    Guarda la traduzione
  • Brazerol's alleine in NewYork

    Maddison Square Garden

    16 settembre 2025, Stati Uniti ⋅ ☁️ 22 °C

    Am Zistigmorga isch denn dr Bsuach im Maddison Square Garden nogholt worda. Sicherlich sehr idrücklich ischs gsii, amol in dia Irichtiga könna ds gseh und das au live ds erleba und ds fühla. Ds Stadion fasst bis zu 20'000 Zuaschauer. As wird au vur "berüahmtischti Arena vur Welt" gredet, wil do dinna so viel unzähligi Shows, Sportaläss und sustigi Events stattgfunda hend. Au wird si als Konzerthalla gnutzt, so isch denn biispilswis DuaLipa aktuell drin gsii.Leggi altro

    Guarda la traduzione
  • Brazerol's alleine in NewYork

    Helikopter Rundflug

    16 settembre 2025, Stati Uniti ⋅ ☁️ 23 °C

    Am Zistignomittag ischs denn endlich sowit gsi:
    Noch 2 Mol Umbuacha hend miar am 13 Uhr Treffpunkt gha zum mim Helihobipf go flüga! Bis alles parat gsi isch und miar hend könna abheba ischs denn 13:30 Uhr gsii. U lässig isch das Erlebnis gsi und voll toll, New York mol us dera Perspektiva ds gseh. 20 Minuta ischs ganga und ds Besta: dr Pilot hät au Raphael gheissa und isch sogar dr Chefpilot gsi! 😇🙃
    Hetti aso fasch no agfanga mit Getränkeservice...🤣    Leggi altro

    Guarda la traduzione