Fraser Island

Biz verspötet aber da no en Post vo Fraser ;)

Mir sind zwei Täg mit DropbearTours in Fraser Island gsi. Das bedütet ca 20igste Höch uf 3 4x4 Autos verteilt, womer immer wieder hät dörfe selber fahre. Selber fahre uf em Sand oder holprige Inland isch mega cool mit somne 4x4!! zum glück hämmer chilligi Lüt debii gha und stets gueti Musig im Auto :)

Uf Fraser selber hämmer viel über d Butchulla Aborigines People glernt. Da sie früener die ganz Insle bewohnt händ und fasch all Plätz vo ihrere Kultur prägt isch.

Ide Mitti vode Insle häts es paar grossi See mit Süesswasser. No speziell gsi so Sand under de Füess z ha und kei Salzwasser. Ide einte See häts au sehr viel tea tree (Teebaumoel) drin gha und daher händs sichs rot verfärbt. Seg zuesätzlich guet für Huut und Haar. D.h. villicht händ de ände und ich doch no d Möglichkeit schöner zrugg z cho ;P

Als anders Highlight hämmer au no es wilds Dingopuppy gse!

S gstrandete Schiff heisst Maheno und isch es Schiff wo sit über 80 Jahr in Fraser isch und viel Gschicht mit sich treit.Read more