Kanada 2024

Am haubi 2i ir Nacht simer ufgwachet wöu es heftigs Gwitter isch ufzoge. Mir hei sogar dr Wind ghört wo schuebwis dür z Tal gfägt u am Outo grüttlet het. Am Morge womer si ufgstange heimer gsee dass mini Flipflops fasch dervogdloge si und dass dr Himmu immer no stark bewölkt isch gsi. Ou d Temperature si stark gsunke sit gester, es isch so um die 10° gsi.. brrr.
Wär üs kennt, weiss dass üs das Wätter nid abhautet für chli ga z'wandere. Mir si zersch zu den Siffleur Falls glüffe (e chlinere aber doch stark ziehende Wasserfall) wo när e idrückleche Cannyon fougt wo dr Gletscher vor 100 Jahr biudet het.
Denn simer es warms Kafi ga ha u z türschte Benzin tanke (2.20$/L) und hei z Wlan gad gnützt zum luege wasmer no chönnte mache hüt (mir hei leider so guet wie niene Empfang da ide Rockys). Mir si de no ufe i Jasper Nationalpark gfahre ga d Icefields luege. Dert heimer rächt nöch zum Athabasca Glacier chönne loufe. Dasch sehr idrücklech gsi vo so nöch z gsee und ou die verschidene Jahreszahle wo dr Gletscher wenn isch gsi. Dört obe isches scho rächt chaut gsi aber das söus ja o. Mir hei üs wider ufgwermt uf dr Fahrt abe zrüg in Banff Nationalpark u hei üse Schwarzbär Nr. 3 gsee wo zersch vor üs über d Strass het wöue sich aber ner anders entschide het. Churz vor üsem Camping heimer nomau e Stopp gmacht um dr Mistaya Canyon z luege. Dasch e Fluss mit Gletscherschmelzwasser wo a dere Stell sich der Wäg dür Felse suecht u somit ergitsech e Cannyon.
Am Abe simer wider ufene Rustikale Camping aso wo nur Stellplätz het ohni jegleche Aschluss. Czytaj więcej