Mexico City en la casa de Benny 🇲🇽

Wie paari vo euch wüsse hei mir d’Glägeheit gha für 2i Wuche bire Mexikanische Familie z‘läbe. Und das isch nid irgend ä Familie gsi, sondern d Familie vom Bruno Kunz, Arbeitskolleg vor Sam 😄🙌🏼 Gwohnt hei mir dert zäme mitem Schwiegervater am Ignasio, mitem Schwager der Carlos und am Familiehung der härzig Benny.

Die zwöi Wuche si sehr schön gsi und vorauem sehr schnäu verbi gsi. Mir si sehr härzlech empfange worde und hei üs wie daheim gfüehlt. Öpe die hei mir ä Usflug iz Stadtzentrum uf eigeti Fuscht gmacht und zwüschdüre isch d‘Familie mit üs mitcho und het üs dr eint odr anger Egga vor Stadt zeigt. (Natürli aus nume uf Spanisch - abr für das ischmä ja id Schuel gange)😉

Mir si vom Ignasio kulinarisch sehr verwöhnt worde. Er isch nämli Koch und het üs sehr feini mexikanischi Spezialitäte zuebereitet, wo mir hei gseit, mou das wärde mir de daheim o mau mache🙌🏼🔜 Liebi Lüt, chöitnech scho mau druf freue 😌😉

D‘Familie füehrt dert zwöi Gschäft, z einte isch ä Papeterie und z‘angere Gschäft isch ä Gschänkartikulade. Es louft dert wie verruckt. Sehr viu Chunde jede Tag, vorauem wöu d‘Schuel die Wuche in Mexico City wieder het ahgfange und sech die Schüeler no mit etliche Fotokopie, Hefter und Schribmaterial hei müesse ihdeckä. 🖍️✏️📝Das isch sehr interessant gsi zum beobachte und luege wi sones Gschäft louft in Mexico.

Für üs isch das ä wunderbari Erfahrig gsi, dörfe iz richtige Läbe vo Mexico ine gseh und erläbe wie das louft dert. Üs hets gfaue und würde uf jede fau wieder ga😄🥰Read more