Stephie Bender

Joined February 2020
  • Day52

    Aideu Kiwiland❤️

    March 25 in Switzerland ⋅ ☀️ 5 °C

    Wär hät das dänkt, dass unseri Rais uf sone spektakuläri Art und Wys ände würdi! Nacheme riese Stress sin mir ändlich kurz nach de 9ne uff unserne bequäme Stiehl im Flugzüg gsässe! ✈️ Während em Flug hän mir uns in de Business Class dörfe erhole. 🥂 Nach 17 Stund sin mir ändlich am Flughafe z‘Dubai glandet. 🕌🌌D Wartehalle sind beängstigend ruhig und leer gseh. Dr internationali Flughafe isch wie usgstorbe gseh. 😨Unsere Flug isch eine vo de Einzige gseh wo an däm Daag no gstartet isch. 🍀 Total erlichteret sin mir denn nach über 24h fliege in Züri härzlich empfage worde. Uns isch bewusst worde, dass mir ganz knapp em absolute Lockdown vo Neuseeland entkoh sin! 😬Mitem letschte mögliche Flug hän mirs tatsächlich no in d Schwiiz gschafft. 🙌🏻

    Für uns isch die Reis e sehr wärtvolli und unglaublich schöni Erfahrig gseh, wo uns s ganze Läbe begleite wird! 🥰Mir sin unserne treue Follower für Euri grossi Unterstützig sehr dankbar! Blibet gsund und passet guet uf Euch uff! 😘😘

    E noho rā
    Stephie und Luzi🧡
    Read more

  • Explore, what other travelers do in:
  • Day47

    Kämpfe bis am Schluss☺️

    March 20 in New Zealand ⋅ ⛅ 20 °C

    Es sin ufregendi, närveberaubendi, unsicheri und eifach sehr ahsträngendi Täg gseh, wo mir erläbt hän! Ussem nüt sin mir vom Paradies zrugg in d Realität grisse worde... 😶So sin mir bereits vollkomme im Corona Stress ahko. 🦠 Dr Kampf um die letschte Flugtickets zrugg uf Europa het uns viel Närve und Ufwand kostet. 🎫 Immer wieder het uns e frustrierendi Nochricht, dass unsere Flug gstriche worde isch, erreicht. 😷
    Trotzallem hän mir stehts s Beste us unserne letschte Täg im Kiwiland ussegohlt und häns Ganze als grosses Abentür ahgluegt! 🌀
    Hütt am Morge het uns Globetrotter die freudigi Nochricht gschickt, dass mir zwei Flugtickets via Dubai uf Züri hän könne ergattere!🎉
    Jetzt schlofe mir uf unserem hoffentlich letschte Campingplatz und stosse uffe unvergässlichi, wunderschöni und einzigartigi Zyt ah, wo uns definitiv no nöcher brocht het!🥰☺️💜

    E noho rā!🌿
    Read more

  • Day46

    Hans‘s Sightseeing Tour

    March 19 in New Zealand ⋅ ⛅ 18 °C

    Trotz keine Neuigkeite vom Reisebüro sin mir guet gluunt uf Sightseeing-Tour durch Auckland mit em Hans gange. Er het uns ganz viel verschiedeni Ecke vo däre schöne Grossstadt zeigt. Vom Mount Eden hän mir e gewaltige Usblick über die Metropole vo Weste nach Oste 🧭 kah! Doderby isch uns ufgfalle, dass die Stadt us unzählige Eifamilie-Hüser bestoht. 🏠 Ussurdäm kame die vulkanprägti Stadt kuum überseh. Damit uns dr Hans mit wytere Ihdrück kah fiettere, hän mir ime Café e Lunch-Break gmacht. 🍽 Dernoch isch unsere sightseeing Honda via botanische Garte an d Water Frond düüst. 🌬
    Mir sin em Hans und dr Mandy fü dä spannendi und erläbsnisrichi Dag sehr dankbar und mir hän ihre Gastfründschaft extrem gschätzt. 💜
    Trotzdem hän mir uns am Obe entschiede, dass mir dr Norde doch no möchte erkunde und sin einigi Kilometer wyterdüüst. 🗺
    Und ändlich hän mir e positivi Nochricht vo unserem Reisebüro erhalte und wäge däm könne mir jetzt beruhigt vo unserne Erläbniss träume. 💤

    E noho rā🌿
    Read more

  • Day43

    Coromandel

    March 16 in New Zealand ⋅ ☁️ 21 °C

    Die letschte zwei Dääg hän mir uf dr Halbinsel Coromandel Peninsula dörfe verbringe. Zerst ischs zu de beriehmte Cathedral Cove übere Strandspaziergang gange. 🏞( E Naturphänomen wo sehr speziell und schön zum ahluege isch!) Dernoch isch dr Jucy übere Pass, mit tollem Looktout über ganz Coromandel, bis abe nach Coromandel Town gfahre. 🏫Es isch e spote Obe worde, do mir Abklärige mit em Reisebüro hän miesse mache für d Ruggreis in noher Zuekunft.🙈 (Mir sin hi und här grisse zwüsche do blibe und usharre oder diräkt zrugg in d Schwyz😬)
    Demenstprechend sin mur am nägste Tag zimlich spot in Tag gstartet und sin denne wytergfahre zunere unglaublich schöne Bucht. 🌞 Durch e kleine Jungel und über Stock und Stei het dr Wäg uns zume wunderbare Beach gführt! Mir hän nonie so grossi Wälle gseh.😱 Dr Luzi het sich sogar in d Wälle gworfe und sich vo ihre mitrisse loh! 🌊
    Zobe hän mir e Campingplatz inklusive Hot-Spring-Pool entdeckt und dr obe im heisse Wasser usklinge loh. 😍
    So guet wie in däre kleine Oase hän mir scho lang nüme gschlofe! 💫 Nachme gmietliche Zmorgeässe hüte, hän mir uns entschiede nach Auckland zfahre. Obwohl die Stadt so busy isch, het sie uns vo Ahfang ah gfalle. S Highlight vo hüt isch gseh, dass mir ihglade worde sin zum Znacht, vo Fründe vom Luzi sinere Familie. Dr Hans und Mandy sin sehr fründlichi Gastgäber und mir häns sehr gnosse. 🍕😇
    Jetzt gohts ab in die Haia und mir wünsche allne viel Kraft und bliebet gsund!❤️

    E noho rā🌿
    Read more

  • Day42

    Surf‘n‘turf

    March 15 in New Zealand ⋅ 🌙 17 °C

    Ganz gmietlich hän mir mit unserem Campingnochber Peter zämme zmörgelet. Bevor mir dä wunderschöne Campingplatz verloh hän, sin mir bi de zimlich grosse Aal verbygange! Dernoch isch es uf Raglan gange, wo mir uns mit sehr guete Tacos 🌮 fürs nögste Surfabentür grüstet hän! Diesmol hän mir wie d Profis Neoprenahzüg montiert und meh het so langsam die erste Vortschritt erkenne könne. Nach 2 Stunde in de Wälle hän mir uns im Hipster Caffi Solescape mitme feine Bananacake belohnt. 🍰 Vorem Sunneuntergang het unsere Jucy d Surfhauptstadt Raglan verloh und isch zrugg uf Tauranga gfahre. 🚘
    Hütte sin mir voller Zueversicht und grosser Vorfreud uf Delfine 🐬 an Board gstiege. Nach 5 Stund erfolgloser Delfinsuechi hän mirs Safariboot mit vier briellende Auge miesse verloh... D Crew isch jedoch sehr toll gseh und dr Usfluug het sich einigermasde trotzdem glohnt. 🙈
    Zobe hän mir unsere Frust in dene spannende Hot Water Pools verdaut. Mitere waschächte schwyzer Gruppe hän mir unsere Pool teilt. ⛲️

    E noho rā🌿
    Read more

  • Day40

    Glüehwürmli

    March 13 in New Zealand ⋅ ☀️ 21 °C

    „Hesch au schomol dä Traum kah...“ hütte isch es tief ins Innere vo Neuseeland gange! 🇳🇿 Mir hän uns über 50 Meter in d Tiefi abgseilt und dört uns öbbis ganz Speziells erwartet. Mir sin wirklich ganz anderi Wält ihtaucht. In däm dunkle Cave vo Waitomo hän d Glüehwürmli für e atemberaubendi Atmosphäre gsorgt. Über Felse und durch Wasser aber au über die ängste Passage hän mir uns vo Höhli zur Höhli kämpft. Immer wieder sin mir grusige Wäse begegnet. Au dr Aal fühlt sich in däne dunkle Gwässer sehr wohl! Durch unsere Guide Collin hän mir sehr viel übers Läbe in dr Höhlene und vorallem über die vermeintliche Glüehwürmli erfahre. E Glüehwurm (eigentlich e Käfer) sih Läbe bestoht us 9 Mönet Laverstadium, in däne er sich vollfrisst, und ganze 3-4 Dääg als gschlüpfti Fliege. In dä Stadium vermehrer sie sich und wärde schlussendlich durch anderi Larve gfrässe! (Pure Kanibalismus!)🧚
    Nach däm Usflug sin mir grad wytergfahre uf Raglan ( d Surferhochburg 🏄‍♀️ ). Nachdem mir s Städtli mit sim ganze ‚Charme‘ ahgluegt hän, sin mir für d Nacht ussegfahre und hän e superschöns Fläckli gfunde!🙊
    Dr hütigig Daag hän mir denne miteme herligge Sunneuntergang abgschlosse. 💫😍

    E noho rā!🌿
    Read more

  • Day38

    Kei Flipper defür zwei Brätter☺️

    March 11, South Pacific Ocean ⋅ ☀️ 19 °C

    Das glitzernde und wälleriche Meer vo Ohope het uns zum Surfe verleitet. 🌊 Mir hän uns zwei Brätter gmietet und uns denne zimlich schnäll in d Wälle gworfe. Scho bim ussepaddle isch uns bewusst worde, dass das kei eifachs Unterfange sih wird.🙊Nach zahlriche Versiech hän mirs denn doch no ei Sekunde uf däm Brätt stehend usghalte!😅 Es het paar herrligi Flugihlage geh! 🛬
    Dernoch ischs ab uff Tauranga gange! 🚘
    Hüte sin mir voller Vorfreud uffs schwümme mit de Delfine ufgstande! 🐬 Doch nach knapp einere Stund uffem Boot het d Crew, Tour uff Grund vo starke Wind + hohe Wällegang leider miesse abbreche... 😕
    Das isch e bitteri Pille gseh.😩Nachdäm mir dä Frust verdaut hän, isch es erneut uffs Surfboard gange. Am Obe isch unsere Jucy mitme briellende Aug😓scho wyterdüüst nach Waitomo!📍
    Jetzt hoffe mir, dass mir unsers bevorstehends Programm wie plant durchführe könne!📋

    E noho rā 🌿
    Read more

  • Day37

    Kia ora

    March 10 in New Zealand ⋅ ⛅ 19 °C

    Im Mittelpunkt vom gestrige Daag isch die maorischi Kultur gstande. 🎭Mir hän e Ihblick ins Läbe vome Maori dörfe kriege. Es isch e ihdrücklichs Konzärt in de Wänd vom Marae (Versammligsruum). ✨Ihri Gsäng und ihri Tänz hän uns zimlich beidruckt und die Kläng hän uns seh gfalle. 🎶 Nachdäm musikalische Schmaauuus, sin mir e wunderbrächtige Geysir go bestuune. Dernoch isch dr Jucy via Whakatane an Beach vo Ohope gfahre. 🏝 Dört sin mir ame Traumhafte Sandstrand gstrandet und hän uns in de Welle wie zwei kleini Delfin usstobt. 🌊 Mit em Mondliecht hän mir uns ins Bett verabschiedet. 🌕
    Jetzt sitze mir mit em Rusche vo de Wälle im Hintergrund und mit Usblick uffe White Island 🌋 am Zmorgetisch. 🍽
    Read more

  • Day35

    Geothermal-Marathon

    March 8 in New Zealand ⋅ ⛅ 21 °C

    Die vergässeni Highway het uns vom Mount Taranaki bis an Lake Taupo brocht. 🚘 Es isch e verträumti und hügeligi Usfahrt gseh. Die letschte zwei Täg hän mir e geothermalische Marathon durchlofe. Unzähligi Krater, Geysire und ussergwöhlich-farbebrächtigi See hän mir dörfe bestuune. 🎨Usserdäm hän mir ame schöne Steistrand am Lake Taupo in dr Sunne dörfe brüüne! 🌞 E wytere schöne Momänt isch die Wassermasse vo de Hukafalls gseh! ⛲️
    Die beide Öbe in Taupo hän mir jewils mit zwei lustige dänische Vögel verbrocht. 🇩🇰 (Ihne sin mir scho bi de Kayaktour im Abel Tasman begegnet). Doderby hän mir s dänische Yatzy 🎲 dörfe kenne lerne!😅 Hütte isch unseri Reis durch Neuseeland bis Rotorua wytergange. Jetzt sitze mir bi starkem Rägefall in unserem Jucy und freue uns uffe Schlamm-und Spaerläbnis im Hell‘s Gate!🙊😅
    Read more

  • Day33

    Dieser Weg wird steinig und schwer‍♂

    March 6 in New Zealand ⋅ ☀️ 14 °C

    Saufrieh het uns dr Wecker us de Fädere grisse (6.00😨). Well mir hütte die härtisti Bärgetappe vo dr Tour Newzealand in Ahgriff gno hän! Alli Reiseführer etc. hän vonere wircklich sehr ahspruchsvolle, wie gföhrliche Wanderig gschribe. Genau wäge däm hän mir uns däre Chellange möchte stelle. Kurz nach de halb 8ti sin mir vom Basislager ufbroche und hän dr ersti Streckeabschnitt bewältig. Dä Ufstieg isch in mehreri Streckeabschnitt unterteilt gseh: 1 gmietliche Spaziergag durch e Uhrwald. 2 extrem steili Betonrampe. 3 Tritt für Tritt dr Bärg deruf. 4 S rutschige Geröll wo di zur Wyssglueht brocht het (wird als gföhrlichste Teil vom Abstieg ahgseh). 5 unseri Klätterkünst sin herusgforderet worde.
    Mir könne d Ussage vo de Reiseführer definitiv bestätige. Die über 1‘600 Höhemeter hän unseri Bei zum brenne brocht und das nid wäg dr Lava.
    Völlig erschlage sitze mir in unserem Jucy und verfolge dr Sunneuntergang mit Blick uf dr Vulkan. 🌋Dä zwar syt über 300 Johr am schlofe isch, aber d Expärte sin sich sicher, dass er jederzyt wieder usbräche könnt!

    E noho rā🌿
    Read more

Never miss updates of Stephie Bender with our app:

FindPenguins for iOS FindPenguins for Android