Tag 20

De 2. letshti Reisetag isch bevorgstande und het mit usschlofe und eifach gmüetlich in Tag starte agfange😍 i has richtig brucht, aber bi immerno müed gsi🙈 weli no paar Sache usem Uniqlo mine Kolleginne versproche ha, hend sich mini Plän gänderet und i bi zumene andere Shopping Center gfahre. Zersch bini aber ine mega cools Kafi und döt acho hets zersch mol gheisse 20-30‘ für de Kafi warte. Ha denn denkt, jo weni jetz scho do bin, denn warti jetz halt. S‘warte het sich brutal glohnt, well isch eine vu de beschte Kafis gsi und dezue no de warm Mandelgipfel, en Traum☕️🤍😍 als Verdauigsspaziergang bini zu de Mall glaufe und ha schnell gmerkt da Grossstadtlebe isch nüt für mi. Lieber erreichi alles zFuess wie immer mösse e Taxi oder so neh… d‘Öv hani au nüme wölle usfindig mache für de Tag😅 endli acho hani gmerkt dass de Lade i dere Mall gschlosse isch, zum Glück isch nebeddra scho wieder die nögst Mall gsi. Endli fündig worde bini denn zersch wieder in Foodcourt und ha mi nomol bi dene feine exotische Frücht dureprobiert und no anderi Snacks kauft, wos bi üs nö git. Ha schnell gmerkt, dasi eifach brutal müed wird vu dere Hitz und dem Laufe und eifach dene viilne Mensche. Wells au langsam i de Mall echt frisch worde isch hani mi mol uf Suechi nocheme Taxi gmacht zum mi im Hotel vorem Znacht nochli erhole… und so en Taxistress wie letsht Nacht vermiede🫣🙈😅 leider isch au am spohte Nomi suechi nocheme Taxi schwierig gsi und miteme Kompromiss hani no eis gfunde. Fahrt isch ewigs gange und ebe wie gseit, Grossstadt nüt i dem Usmass nüt für mi😂😇 endli im Hotel acho hani denn direkt mir öppis Esse bstellt, weli kein Nerv meh gha ha zum nomol usegoh und eifach nume müed bin. Ha so lusht uf e frischi Smoothiebowl gha und e super Kafi wo lieferet gfunde. Leider hend au döte immer wieder d‘lieferante cancelled und schlussendli nochere Stund hani endli mol mis esse becho… ha nüme dra glaubt 😅 jetz hani gad no packt und morn stoht no öppis mega cool bevor😍 freui mi richtig aber gang jetz früeh go pfuse, demiti au fit bin und hoffentli ab dere Klimaalag i de Mall nö chrank🫣 und denn isch scho bald Abflug noch Züri. Gross gshopped hani schlussendli jetz doch nö, aber ha so de Kofferchauf gsparet und H&M und ZARA sind do sogar türer als i de Schwiiz… heftig😅 also gute Nacht und bi gspannt uf min morgige letshte Reisetag🥰✨🫶🏻Read more