Reset search
dominic humbeldominic humbel
Satellite

dominic humbel

Joined September 2018
  • Europatour 2018
    Day90

    @home

     December 5, 2018 in Switzerland ⋅ ⛅ 7 °C

    Mir sind viel besser durecho als denkd! Für de Zoll hemmer ois öppe 30-60min iiplanet gha wil mer en Stämpfel hend müesse haazum d Cuni ("Zuni") denn i de Schwiiz iibürgere z lah. S isch aber e meega schnälli Sach gsii!
    Mer hend ufem Heiweg grad na bim Domi sinnere Schwöster, Göttibueb und Familie verbiiglueget und dihei hets na Pizza und Bier geh für die Spontane :)

    Mir sinds ois so nöd gwöhnt gsii zum sich imene warme, helle Ruum bewegä und Sache chönne z mache, das mer ersch am 3 am Morge gmerkt hend, dases öppe langsam ziit wer is Bett z gah :)    Read more

    See translation
    Map
    • Explore, what other travelers do in:
  • Europatour 2018
    Day89

    Parma

     December 4, 2018 in Italy ⋅ 🌫 9 °C

    En ganzä Ladä voll Bialetti Sachä... ohoooh
    Bim Metzger feine Parmaschinke poste
    Shoppe... Shopppe... shoppe, zersch mit, denn ohni Hund.
    Znacht ässe i de Osteria Virgilio.. Mmmmmh!
    S Schlafe imene so grosse, lange Bet undem Lärm vo de Stadt isch na speziell gsii - aber dank de zwei Glesli Wii im Resti hani ziemli schnäll pfuuset :)
    Am Morge im Warme is Badzimmer z laufe isch echt irgendwie schräg gsii ;)    Read more

    See translation
    Map
  • Europatour 2018
    Day88

    Am Meer

     December 3, 2018 in Italy ⋅ 🌙 9 °C

    Oisi letsti Nacht am Meer isch friedlich gsii :)
    Am Morge na en uusgibige Spaziergang am Strand und denn uf d Autostrada in Norde. Ziel isch en Camping, damit mer chönd ga Dusche bevor mer ga chleider/Schue-shoppe gönd in Parma.

    See translation
    Map
  • Europatour 2018
    Day87

    Ristorante - Piizzaa

     December 2, 2018 in Italy ⋅ ⛅ 15 °C

    Eigentli simmer da ane wil mer ines Resti innere Grotte hend welle. Das sinds aber am umboue und s isch zue. Also ab ines Anders.. debii mir simmer na anen Wiehnachtsmärt anegloffe und so wies uusgseht isch da zabig en rechte Event.
    Mer gönd aber wiiter wills schono schön isch im Hellä en Platz z finde.Read more

    See translation
    Map
  • Europatour 2018
    Day87

    Gschafft

     December 2, 2018 in Italy ⋅ ⛅ 13 °C

    Mir sind z Italie! De Zoll da isch nidesones Theater gsii - nur 3x de Uuswiis zeige und los gahts :)

    Und da wer na es Bispielföteli uf d Frag: "Wie mached ihr das i somene "chliine" Bus und na eme soo groosse Hund debii?"
    - eifach luege, das me nid uf de Hund druff staht ;)

    Uund sie isch eifach e Cooli! Gester ca 1h Umetobe und Spaziere und denn id Stadt, ufem Schiff hemmer sie im Auto parkiert, denn isch sie vom 14.00 bis ca am 23.00 det drinn gläge, bis mer am Schlaafplätzli aacho sind. Churz 2x ga Schnüpperle und denn "namal" ca 8h pfuuse. Sie isch schochli en Geduldsprofi :)Read more

    See translation
    Map
  • Europatour 2018
    Day86

    Fähre Vlora-Brindisi

     December 1, 2018 in Albania ⋅ ⛅ 14 °C

    Uf de Buechig hets gheisse : Spötistens 180min vor Abfahrt bim Check In sii. Braav hemmer das gmacht. 11.00 Check in, denn na öppis ässe und laangsam mal zum Zoll fahre.
    Mer söled links anefahre, ca 15 Poliziste und 3 Spürhünd sind fliissig jedes Auto süberlich am aaluege, abschnuppere, Flüssigkeite kontrolliere etc. So au bi ois: Nach Droge fröge, 3x d Dokument aaluege, Ineverchleidig biz abschruube und aaluege, Chistli use, Chistli ine usw. bis mer schlussendli ufem Lift gstande sind und de Bus na vo unne bespiänzlät worde isch - grad guet für ois, weniger Dräck als erwartet, de mit Chläbband iipackti Temperatursensor wo kaputt isch hemmer au gad obe abe ghollt uund gmerkt dases Benzin seicht... de Rücklauf isch nümm ganz dicht. Sanitäär - Leitig flickää! :)

    Und so simmer denn ca am 13.00 uf de Fähre gsii wo jez immerna kei aastalte macht zum sich is Meer use z begäh :) Mir sind gspanne was ois uf de andere Siite am Zoll erwartet - i planmässig ca 6h.    Read more

    See translation
    Map
  • Europatour 2018
    Day84

    Mit Tobi und Marlene

     November 29, 2018 in Albania ⋅ 🌧 10 °C

    Wo die zwei ois gschriebe gha hend, das sie im Schlamm feststecked, sind ois oisi Schneechettä in Sinn choo... Si ligged na ufem Camping...! Maaann! Das weri öppe 3h Schüttelstrass pro Wäg zum si hole...

    Am spötere Abig verzellemer Tobi und Marlene, das na zwei Schwedä mit wiissem T4 uf de Camping cho seged wo mir namal rasch verbii sind ga d Wösch hole nachem Berat erkunde. Und wies de Zuefall so wett känned sich die Vier!! Schnell het de Tobi e Schneechettälieferigsaafrag gschickt und sie hend gantwortet sie bringed si am nechste Tag! Sooo guet!

    De Hund ufem Bild het Cupierti Ohre und Schwanz... grausam...    Read more

    See translation
    Map
  • Europatour 2018
    Day84

    eimal quer durs Industriegebiet

     November 29, 2018 in Albania ⋅ 🌧 10 °C

    Oise Weg vo Berat richtig Meer füert ois direkt dur es Gebiet wos Öl zum Bode uus holed! (aso mer nehmeds aa) Es isch recht iidrücklich, s stinkt zimmli fest, het viel Lastwäge, Thanks und so Chämi/Facklä wo paar Meter höch sind und obe s Füür use chunnt.

    See translation
    Map
  • Europatour 2018
    Day84

    Berat

     November 29, 2018 in Albania ⋅ ⛅ 10 °C

    Da hemmer denn doch na die zwei Düdsche wo au ufem Camping gsii sind kenneglernt :) D Marlene und de Tobi - mer hend ois denn nachem zämme ässe dezue entschiede au zämme as gliiche Übernachtigsplätzli z gah. Si sind vor ois los und defür aber na im Schlamm stecke blibe underwegs... En Iiheimische het sie denn aber ziemli rasch wider usezoge. :)Read more

    See translation
    Map
Never miss updates of dominic humbel with our app:

FindPenguins for iOS FindPenguins for Android