Elephant Wildlife Sanctuary

Am 8.20h simer abholt worde u sehr gspannt, was üs erwartet 🤔
Und positiv u glücklech wieder zrügg... aber vo Afang a:
Wo mer si acho, si mer zersch zu de Babyelefäntli 1 jährig u 2 2jährigi - gange u me het ne chönne Milch gä, wo me zersch aber het müesse choufe. U bim ne Föteli mache mitem einte Elefant, het doch dä fräch näbe dra mitem Rüssu mi is Füdli kneift 🤣
När simer ga Zuckerrohr schniede mitem Bieli u hei de das dörfe füettere 🥰 dr Chli isch sooo fräch gsi u het mer geng mis Chübeli mitem Rüssel gno 🤣
När heimer so ne Paste gmixet usere Art Sand, Curcuma, Salz u Wasser mit Citronella u Lemongras. Di Pampe heimer de de Elefante igschtriche. Das isch Wellness für d Hut.
Nachdäm heimer se abduschet u de no im Teich/Seeli mitere Bürschte massiert. Die hei das gnosse u dr Plousch gha 🤣🥰
I has ou sehr gnosse ❤️Read more