Fishingtrip

Am gaubi 8i simer im Hotel abghout worde. Was üs genau erwartet, heimer nur so g'ahnt 🤔 dä Usflug isch offeriert gsi vom Veranstalter.
D Fahrt het fasch 1,5 Stunde duret🚐. Acho simer imene chline Fischerdorf u hei e Schwümweste 🦺 müesse fasse u hei Wasser mit ufe Wäg becho.
Mir hei zu de chline Speedböötli müesse dür Wasser u Schlamm wate. Es het richtig gmantschet u d Flipflop si bliebe stecke im Schlamm.
Wo mer de losgfahre si, dür ne Mangrovegägend, heimer a div. Stelle Chräbsfauene usem Wasser ghout, wo si am Vortag hei häre ta. Total heimer 6 schwarzi Chräbse🦀 gha. Irgendwenn simer de uf nes grössers Boot 🚤 umgstiege u ane Strand bire Insle gfahre. Dert heimer no miteme Netz Fische gfange. Aues heisi derte grilliert u hei Ris derzue becho, Gmües u angeri feini Sache.
Nachem Lunch isches de witer gange u hei de dusse im grosse Meer mit Angelruetene gfischet. I ha 3 usezoge - 1 Sushifisch u 2 gäubi 🐠🐟😎 . Es het ou sehr viki Jellyfishs gha, z.T. e haube Meter Durchmässer 🥴
Irgendeinisch hets de rächti Wäue gäh u mir si oitschnass worde.
Isch e coole Tag gsi u mir si ämu sehr müed am 7ni am Abe zrügg choRead more