Atlantikstrasse Kristiansund-Molde

Hüt hets zimli Wäue gha u ds Meer unruhig. Am 16.30 heimer in Kristiansund bi Sunneschin agleit u üsi Fahrt uf d Atlantikküste „Atlanterhavsvegen“ isch los gange. Im Lutsprächer hei si ufem Schiff no düre gä, dass es bir Schiffsfahrt ab Kristiansund cha Wäue gä bis 6,5 Meter. Läck si mir froh, heimer a Landusflug 😅.
Zersch simer düre Atlantiktunnel gfahre. 6 Kilometer u 250 Meter unger em Meeresspiegel.
D Gägend isch schön gsi. Mir hei no e Stabkirche bsuecht. Dr Name seits scho. D Chirche wird mit Stäb sitlich gäge stark Wind gstützt. Später heimer imene Restaurant es typisches norwegischs Gricht serviert becho. Bacalau. Das wird us Stockfisch, Härdöpfu, Zwieble, Tomatesauce u Olivenöl zuebereitet. Das isch super fein gsi. När isch es bi stürmischen Wind uf d Atlantikstrass gange u später Richtig Molde u wieder ufs Schiff für di letschti Nacht on Bord 🛳Read more