Satellite
  • Day20

    walflosse-strand

    August 19, 2019 in Costa Rica ⋅ ⛅ 27 °C

    nach manuel antonio hei mr üsi reis fortgsetzt und si uf uvita gfahre. ungerwägs hei mr a mehrerne stränd haut gmacht und üs (dank ebbe) i de wytine vom strand kreativ in form vo "sand-lettering" usgläbt🖋.

    dr strand vo uvita isch sehr spezieu, wüu är vo obe wie e walflosse usgseht. 🐋 vo unger het me d form leider nid glych guet gseh u mir hei ou hie wieder mit de sandflöh z'kämpfe gha. di vile rote chräbsli, wo vom meer übere strand si glüffe, hei üse bsuech am uvita-strand perfekt abgrundet.

    nachem nami-ihchouf im gröschte schiff hei mr üs zum 5-minute entfernte wasserfau begäh - es het sogar lüt gäh, wo d'ihbuchtig vom wasserfau aus rutschi brucht hei (aua!) 🏄🏽

    hüt morge hei mr wägem wunderschöne wätter nomau e usflug zum wasserfau gmacht und ungerwägs spontan ds fuutier nr. 3, e frosch und e affebandi ahtroffe. itz fröie mr üs, aus nächschts corcovado ganz im süde dörfe z'entdecke! 🔎

    sara - 20.08.19
    Read more