3. Tag in Brighton

Sorry, dass ich erscht jetzt schrib, morn schribi wider friener.
Hüt hanni wider e mega idrucksvolle Dag erläbt :D
Ich ha hüt s erscht mol Schuel ka... It was so funny ;) Ich bi zämme mit dr Lamya mit em Bus ind Schuel gfahre, si ligt bitz usserhalb öbbe 45min vo mim Huus entfärnt. Zerscht sinn mr dört mol vom Diräkter willkomme gheisse worde und är het uns e paar Regle und some nice to know about Brighton erklärt. Denn het me miesse e Istuefogstest mache. Für das hanni miesse e Ufsatz über mini Hobbies schriebe und denn het mi dr Diräkter zu sich gholt und är hätt sötte mit mir e Interview mache, aber d Florina het dä z Grund und Bode gschnurrt bevor är irgend ei frog het könne stelle... hehe ;) Denn hänn mr unseri Stundeplän beko, ich ha jede morge und am Mäntig und Donnschtig Nommidag schuel, und denn het am 11i die erschti Stund agfange. Das isch scho eins vo de beste Erläbniss gsi vo däm Dag ;) am punkt 11i isch e Lehrerin namens Laura ine ko und mir sinn füre erschte Momänt eif mol gschoggt gsi und hänn uns komisch agluegt. Si het usgseh wie e Papagei, si het glaub alli Farbe aa ka wos git und ihri Hoor sinn s reinschte Vogelnächt gsi, die sinn in alli Richtige abgstande und hänn x verschideni Knüppel dinne ka(wohl gemerkt, die knüppel sinn bewusst gmacht worde) ;) Und denn het si afo schnure... Si isch Italiänerin, ihr könnet euch vorstelle wie das gschnuurt het, mit Händ und Fiess und in einere Lutstärki ;) Und si het ei Witz am amder brocht und het uns x Gschichtli vo ihrne Nochbere umd Schieler verzellt... ich will do nid gross ushole, aber eini muessi verzelle. Sie het ums agfleht, dass mir das nie sölle mache, die Schielerin sig eif dumm gsi, so richtig dumm!! Si heg e Schielere ka, wo e Wassermelone imene Warehuus gstohle het, si het das so verzellt 'stellet euch das mol vor! e Wassermelone! das isch e rise frucht , so uffällig! und die stilt die eif! die isch so dumm!!' Ihr könnet euch öbbe vorstelle,was in däm Klassezimmer abgange isch...Die zweit Lehrerin isch e sehr seriösi Frau gsi. Denn isch z'Mittag agseit gsi :) Wo mir dört in dr Schlange gstande sinn hänn mir gmerkt, dass mir vergässe hänn am Morge unser Menue vorzbstelle...Und wies so schön heisst 'Gott straft sofort' hets numme no ei Täller Teigware ka,ich ha dä Täller enere Mitschielere überloh und ha mi für e Sandwich entschide... Nach öbbe 5min isch mi Sandwich ko... es sinn zwei riiiise Sandwich gsi plus Salat und Chips... Ich bi fascht zerplatzt! E Franzos het sich sehr ab mim Salat gfreut ;) Denn bini mit däre Mitschielere in raucher Egge und ha mi mit dä e andere Schieler unterhalte... Plötzlig ischs eim passiert dass är usversehe imene gspröch uf schwitzerdütsch gantwortet het und denn ischs los gange,uf eimol hänn öbbe 5lüt afo schwizerdütsch rede umd denn isch d Party gstige ;) Und ich ha usegfunde, dass die Schuel vor allem us Schwizer und Italiäner bestoht...(mor hänn aber schön brav Änglisch gredet) Am Nommidag hanni denn no zwei stund Schuel ka, bimene nätte Lehrer. Nach dr Schuel hanni mi mit dr Lamya in dr Stadt troffe zum e Busticket z kaufe...
so... es isch wider e längere Text word als ich dänggt ha, aber ihr kennet mi jo ;) jetzt muessi aber wirgglig go schlofe, denn ich muess morn am 8i ufe Bus für ind Schuel... Guet nacht und schlofet guet :D
Ps: hüt het s erschtmol d Sunne gschune, ich ha no Hoffnige :)Read more