43. Tag in Brighton 23.7.16

Sodeli no dä und dr nägscht Bricht und denn sinn dr wider voll uf em Laufende ;) Hüt isch ein vo de beschte Däg do gsi! D Anja und dr Tim sinn hüt uf Brighton ko mi ko bsueche 💪😍👍 Ich bi die zwei(sorry Anja und Tim, dass ich vo euch in dr 3.zahl plural oder so red... es isch eifacher) Also ebbe ich ha die zwei vom Bahnhof abgholt- ich ka das gfühl nid beschribe, wo ich si gseh ha, ich ha mi so fescht gfreut-drnoch sinn mr zämme go zmorge ässe :) es isch mega guet gsi :) Aschliessend sinn mr zu mir Haim go s Züg ablade :) Nacheme kurze kenne lerne mit dr Abby hänn mr denn beschlosse go Brighton aluege :) Das isch sehr gmietlig gsi :) Mir sinn ine Kaffi ghockt umd hänn Kueche gässe 😋😋 Nach witerer Besichtigung vo Brighton hänn mr denn beschlosse s schöne Wätter (Es isch wider d Sunne ko,nachdäms am Nommidag näblig gsi isch) am Strand go gniesse. Dodrfür sinn mr ind Nöchi vo mim Huus gange, demit mr fürs Dessert (D Laura und d Martina hänn e Tiramisu gmacht) hänn könne schnäll zrugg si 😝 Es isch e genials Tiramisu gsi 😍Durchdas d Laura d Martina, d Anja und dr Tim alli nonig dr Brighton Pier gseh hänn sinn mr denn dä go aluege :) Mir hänn e paar schöni Föteli vom Sunneuntergang könne mache 😍😍 Langsam sinn d Anja, dr Tim und ich hungrig worde, denn mir hänn jo no kai z'Nacht gässe ka :/ Mir hänn e mega feins, mexikanischs Restaurant gfunde, leider ischs bitz ungmietlig gsi, will die eint Källnerin het näbe uns afo putze und ufestuehle, währenddäm mir am ässe gsi sinn. Nach em Ässe sinn d Laura und d Martina denn haime und mir Andere sinn nomol an Strand gsässe. Es isch aber zimmlig kalt worde und so sinn mr denn gli haime. Dört hänn mr denn no irgendwie bis am 3am Morge gredet, was so guet do het, ich has so vermisst (dangge Leute) 😙 denn sinn mr go schlofe :)
Das isch dr 3. Bricht gsi und bald folgt dr 4.!! Bis grad :pLäs mer