56. Tag in Brighton 5.8.16

Oh bald isch es sowit und ich kumm wider zrugg 😲Ich kas garnonig glaube 😲 Hüt hanni mi letschte Schueldag ka! Dä Morge isch super gsi 👍mir sinn in Park go lüt über neui Attracktione in Brighton go befroge, isch mega amäsant gsi und in dr letschte Stund hänn mr e absolut genials Spil gmacht 😛Es hänn zwei Teams gegenand gspilt...Es het immer ei Person 1min zit zum übere Thema z rede, wo dr Lehrer eim vorgit.... Wenn me 3sec Pause macht und nümm witer weiss oder sich ständig widerholt, wird s Wort an die ander Gruppe witer gäh und die wenn die zlang Pause macht, denn wägslets wider, so lang bis 1min umme isch und es dörf immer nur 1Person rede...Mini Gruppe het 10:5 gwunne, will ich immer wenni dra gsi bi, hanni 1min gredet 😛 Nach em z'Mittag hets denn e Ceremony gäh, wo me si Zertifikat beko het(Ich bi besser im Speaking and listening als in writing and grammar)... Zobe hanni mi mit dr Monika troffe :) Mir hänn dr Sunneuntergang beobachtet und sinn denn ine mega cooli Bar gange. Drnoch sinn mr no in Starbucks ghoggt und sinn denn haim. Dehaim hanni denn no bis am 2:30 d Eröffnigsfiir vo de Olympische Spil gluegt :)もっと詳しく