10. Tag in Brighton 20.6.16

Nei nei nei!!! Ich will nid ufstoh!! Das isch hüt Morge mi erschte Gedangge gsi... Ich ha hüt z Nacht fascht nüd gschlofe, will dr Räge so fescht and Schiibe klopft het unds so gstürmt het. Und hüt Morge isch s gliche Wätter gsi, es het gschüttet in Ströme, me het nüd gseh und vergiss es es Rägeschirm z bruche, es het sooo gstürmt! D Büs sinn voll gstopfr gsi mit Schieler und Familie und es sinn alli Pfläternass in dr Schuel aa ko... Die meischte sinn tspot ko, will si ufe nägschte Bus hänn miesse warte, will si so vollgstopft gsi sinn. Wengischtens hanni mi hüt über d Schuel gfreut... ich ha dr ganz Dag Schuel ka so hann nid use miesse :D Hüt isch e sehr harte Dag gsi. In dr erschte Stund hänn mr mit dr Laura drüber gredet, öb d UK in dr EU söll blibe oder nid(das isch so schwer gsi,ich ha scho mie uf dütsch über das z rede und denn das alles uf Englisch... puh!) Die zweiti Stund isch wider so lächerlig gsi, mir mache dört nüd usser Abba lyric songs alose und Musikinstrumänt errote useme Lied und natürlig drüber diskutiere... Am Nommidag hänn mr e neue Lehrer ka, because dr ander isch ind Ferie gange :) Aber mirwänn dr ander wider, will dä hüte het e sone hochs englisch, wenn är dir e Wort erklär,brucht är Wörter wo mir au nid verstön, so kunnt är ine Tüfelskreis ihne ;) Aber au das hanni überstande, aber drnoch hanni so kopfweh ka :/ Hür isch mi Adapter für mi Laptop ako(dangge Mami fürs schigge) und ich ha grad sofort mit dr Jaey g skypet :)
Dr beschti Fründ vom Oskar (William) isch hüt zum z'Nacht ko. Jetzt binni fix und fertig vo däm Dag umd gang glaub bald mol go schlofe ;) Ich hoff ich ka die Nacht bitz besser schlofe, aber es seht schowider nach Räge us :/ Mir wärdes gse, oder besser ich ;)
Ich wünsch euch ämel e gueti und ruhigi Nacht :)Read more