A short but fine adventure by Florina
  • 1footprints
  • 1countries
  • 1days
  • 6photos
  • 0videos
  • 0kilometers
  • Day 1

    14. Tag in Brighton 14.6.16

    June 25, 2016 in England ⋅ ⛅ 16 °C

    Hallö, gescht isch es bitz spot worde, dorum schrieb ich erscht jetzt... Aber mol vo vorne... Gescht isch dr aller schönscht und wärmscht Dag gsi sit ich do bi :D Vom Morge bis Zobe het d Sunne gschine und dr es het kei Wolke am Himmel ka :D So sinn mr guet gluunt ind Schuel gange am Morge. Dört isch uns zerscht usfiirlig d Situation vo dr UK erlüteret worde (d UK isch us dr EU usträtte) Mir hänn gescht leider dr letscht Dag bi dr Laura ka, aber zum glügg au bi dr Jaquie :p Nägscht Wuche wägslet alles, will Semesteränd isch. Mol luege wies wird... Am Nommidag sinn d Lamya und ich ind Bond Street, dört hets luter kleini Kaffi und Lädeli mit tolle Kleider und Schueh :p ha aber nüd kauft... In däre stross sinn mr go die Beschte Burger ässe wo ich je gässe ha 😍 drnoch sinn mr ine härzig Käffeli ghoggt in the Lanes(das isch dr härzigi Teil vo dr Stadt) Dört hänn mr denn d Sunne gnosse. Wo mr haim ko sinn hann ich mi sofort in kurze Hose vors Huus ghockt und gläse, me muess do jede Sunnestrahl gniesse :p Nacheme feine Riissalat binni denn no in Usgang... Das isch e tortur gsi!! Zerscht hanni miesse 15min ufe Bus warte und denn hanni nur ungefähr gwüsst wonni ahne muess und ha mi dure gfroggt, aber jede het mir e anderi Richtig agäh :/ Isch ha am Schluss usegfunde, dass ich die ganz Zit in de Näbeströssli gsi bi :p Es isch aber au luschtig gsi, denn ich ha e paar luschtigi Türsteher kenne glernt ;) Nach öbbe 15min hanni se denn gfunde und s isch no e cooli Bar mit live Musik gsi :D Nach de 12i binni denn zum Bus gloffe wo 29min wartezit agschribe gsi isch :/ Das isch aber nonig s schlimmscht gsi, denn nach däne 29min isch kei Bus in Sicht gsi, defür het d Azeig uf 58min Wartezit gwägslet, so binni denn 1.5Stumd an däre Bushaltstell gstande und ha ufe Bus gwartet... Isch glatt gsi, alli stock bsoffe um mi umme, jej :/ ha mi denn mit däne Türsteher hinter mir vor dr Bar unterhalte. So binni denn öbbe am 2i anstatt am 1 dehaim gsi. Ich ha defür tief und fescht gschlofe :pRead more