17. Tag in Brighton 27.6.16

Hüt het sich alles gänderet in dr Schuel. Ich bi ine neui Klass ko und ha neui Lehrer beko... Es isch jetzt ebbe Semesterwägsel. Die neue Lehrer sinn ganz ok. Dr 1. heisst Jon, dä isch genial, sone coole Lehrer. Die 2. heisst Ivana, die isch au ok, het e bitz e komische Akzänt ;) aber dä am Nommidag, dr Stephen, isch mega komisch.. Dä hoggt ame eif im Klassezimmer und studiert an öbbisem umme und vergisst mit uns z rede. Und wenn är e Ufgob erklärt tscheggts eif keine... S schlimmschte isch wenn är e Wort erklärt, denn bruch är so komplizierti Wörter, woner denn au wider miesst erkläre, so isch google wie immer mein einzig wahrer Freund und Helfer :p Ah und wenn me öbbis falsch seit, denn wird är hässig und seit:"no! definitly not! no!" Crazy typ ich sags euch... Ich ha dä jo nur am Mäntig und am Mittwuch. Die zwei Italie girls hänn sich guet igläbt und hänn au wider dr Haimwäg elai gfunde. Hüt Morge hann nämmlig ich mit ihne ind Schuel miesse, will si so lang im Bad ka hänn und d Abby het miesse pünktlig go Schaffe ;) Ich hanene jetzt mom gsait, dass dr Bus morn am 8:15 fahrt(är fahrt eig am 8:20)... Zum z'Nacht hets Teigware, Salat und Gaelicbread gäh... Ah und das hätti fascht vergässe, hüt isch e Typ us Saudi Arabie agreist, Är blibt für die zwei Wuche, wod Lamya wäg isch... Das isch e gueti Nummere ;) Dä isch ober schwuul(sorry, nüd gege Schwuli) umd är ka nidemol e Toaster bediene :p Das wird no luschtig...Dr Oskar het sichega miesse zämmerisse, dass är nid foht afo lache(ich au) Das wird sicher no luschtig... So... mi Film(Carole) isch jetzt fertig und ich gang ins Bett. Guet Nacht und schlofet guet :)Read more