18. Tag in Brighton 28.6.16

Dr Dag het so schön agfange, Sunne und (für do) warm (17Grad) Nach dr Schuel bini mit dr Abby ins Fitnesscentre gange, wo ich als ihre Gscht dört ha könne go schwimme :) Ich bi 2.5km gschwumme ;) Es isch so ruhig gsi dört, aber leider het s Wasser nid besser gschmeggt :/ egal s isch trotzdäm ok gsi :) Aber das Fitnesscentre isch voll cool du kasch mega viel Sport mache und s coolschte isch, es het e Badkleidtrockner :p me ka dört s Badkleid ihne due und nach 10sec. isch es trocke ;) Wonni denn usem Fitnesscentre use ko bi hets in Stöme gschifft... Ich ha notürlig mini Rägejacke und dr Schirm am Mittag heime do, wills warm gsi isch... Uf em Wäg haime hanni dr Abdulla(dä Typ us Saudi Arabie, wo bi mir wohnt) troffe und ha versuecht mit im z schwäze.... :/ Dä verstoht praktisch nüd, är seit eif 'jo' oder 'nei'... S beschte isch, dass är in Saudi Arabie will afo Englisch studiere haha... Mol luege wie är sich die zwei Wuche macht...
Zu. z'Nacht hets feine Couscous und Salat gäh, isch guet gsi :) Jetzt het mi dr Abdulla gfroggt öbi mit im Färnseh lueg, ha gfunde kasch jo lieb si und lueg jetzt e Hundedokumentation jippiii :/ Ich wünsch euch e gueti Nacht :)もっと詳しく