A short but fine adventure by Florina
  • 1footprints
  • 1countries
  • 1days
  • 1photos
  • 0videos
  • 0kilometers
  • Day 1

    20. Tag in Brighton 30.6.16

    June 30, 2016 in England ⋅ ⛅ 15 °C

    I'm singing in the rain, I'm singung in the rain... Langsam überlegg ich mir wirgglig, öbi söll e paar Stifel kaufe :p Mir hänn hüt eig zu de Seven Sisters welle go(das isch e Ort mitere super schöne Landschaft am Meer) doch es het dr ganz Morge gschifft... erscht nachdäm mir z'Mittag gässe ka hänn isch d Sunne ko, aber denn isch es scho z spot gsi, wille het 1h dlrt ahne und denn hätte mr gar nid richtig Zit ka dä Ort azluege... Vlt gönn mr morn diräkt nach dr Schuel, oder am Samschtig, will morn findet e Europaparty mit 'free Burgers' in dr Schuel statt :D Widermol dangg em Räge hänn mir denn beschlosse e bitz go shoppe ;) Nachdäm denn im Lauf vom Dag au no dr zweit Bändel vo dr Martina ihrem Ruggsagg(eini vo de Italie girls)grisse isch, hänn mr uns gmeinsam ufd Suechi nach eme Ruggsagg für jedi gmacht. Das isch e Tortur gsi, denn zerscht sinn mr eine fürd Martina go sueche, damit si ihr Schuelzüg het könne umbiege...Aber bis si sich het könne entscheide, welle dass si nimmt...(das isch übrigens die glich wie die mit em Nagellack) (und übrigens ich ha no keini farbige Nägel) Schlussändlig het si sich denn entschide und het eini kauft. Denn hänn d Laura und ich no in 2.Stock welle go luege... Dört het denn d Martina e schönnere Ruggsagg gfunde und somit isch s nägschte Theater losgange, will si nid gwüsst het, öb si jetzt dä Ruggsagg söll tüschle oder nid..(Si het em denn tüschlet :p am Änd vom Dag het denn jedi vo uns e neue Ruggsagg kah und das erscht no günschtiger, wills 3für 2 gsi isch ;) Drnoch hänn mr uns in Bus gsetzt und sinn lachend haim gfahre, will mir hänn agfange unseri Meinige und Idrügg vo däm Araber usztüschle :p Mir sinn brielend vor lache zur Türe ihne ko und wo denn d Abby, dr Oskar umd dr Will uns gfroggt hänn wieso.mir lache hets uns verdätscht umd mir sinn nummeno am Bode ghoggt umd hänn glache.. Mir hänn ebbe drüber gredet, dass dä Araber kei Englisch ka und immer nur lächlet und jo seit, egal wase ihn gfroggt het ;) bim z'Nacht hets uns denn erneut verdäscht, will är wider glächlet und jo gseit het, obwohl d Abby ihn öbbis gfroggt het wo me nid eif jo oder nei ka sage :p Sit ich do bi hanni glaub nur eimol so fescht glache :D Ämel hänn mr uns jetzt wider unter Kontrolle umd mache seriös umseri Huusufgobe. Und scho bald gangi au go schlofe, das Wätter macht eim so abartig mied :/ ihr söttet uns am Morge bim z'Morge gseh... hahaha :p So jetzt aber guet Nacht zämme.Read more