23.Tag in Brighton 3.7.16

Sorry,ich weiss ich bi e bitz in Verzug, aber ich bi tod mied gsi gescht Zobe. Mir hänn eig welle am 7:45 ufe Bus nach London. Ich bi au am 7:00 ufgstande, aber irgendwie sinn mr denn trotzdäm erscht am 8:15 ufe Bus(was einewäg z frieh gsi isch) Wo mr denn am Bahnhof d Tickets kauft hänn und mit däne zim Gleis gange sinn, isch dr Zug vor unsere Nase abgfahre...:/ denn hänn mr gseh, dass 10min spöter wider eine kunnt... E paar Minute spöter isch dä aber cancelled worde und dr nägscht au no grad... so hänn mr denn 1h ufe nägschte Zug miesse warte. Wo mr denn in London ako sinn, sinnr zum London eye gange umd dört hännr denn wider 20min könne ahstoh. Nachere schöne Ussicht ufem London eye hänn mr denn ändlig z'Mittag gässe :) Drnoch sinnr zur Madame Tusseau.... und wär häts dänggt??? Dört hännr denn 40min dörfe astoh jippiii!! Doch wo mr denn ändlig dinne gsi sinn hänn mr nümm könne ufhöre fötele, so viel prominänti(hübschi) Figure :) Die Tour dört isch über 2h gange. Mir sinn froh gsi wos denn ändlig fertig gsi isch, denn unseri Bei hänn langsam weh gmacht... Me hätt denn no in Star Wars Teil könne, aber das hännr denn nümm möge... Näbe de Wachsfigure hänn mr ni e 'Taxifahrt' durch London gmacht. Si hänn dört inne e Förderband mit Taxis gmacht, wo de hesch könne ihstige und denn bisch durch d Gscgicht vo London gfiert worde.Und zum schluss hänn mr no ine 4D Kino könne, das isch schlimm gsi für mi, will ich ständig verschrogge bi ;) Zum zrugg fahre hätte mr wider 1h ufe Zug miesse warte, aber zum glügg het uns dört sone Securitas Typ gsait, dass mr e andere Zug könne näh, wo mr denn bim Flughafe hänn miesse umstiege... Dehaim ako hänn mr denn zu dritt z'Nacht gässe(die andere hänn scho gässe ka, will mir erscht am 18:30 haim ko sinn) mir hänn schwiegend gässe, denn mir sinn alli tod mied gsi...
So! Hüt zobe kunnt denn dä Bricht vo hüt und denn hanni wider ufgholt. See you :pLue lisää