30. Tag in Brighton 10.7.16

Hallo Zämme! Ich hoff euch gohts besser als mir...Ich bi gescht am Morge mit de Italie Ladies in dr Stadt go zmörgele :D Mir hänn s 'full english breakfast' gässe mmmhhh :) Hm ich überlegg grad, obi euch vo dr Gschicht drvor verzelle... Ok ich machs (das het mr e besseri Überleitig gäh;)) also ich bi schön brav am 10i ufgstande, damit ich d Mädels am 10:15 hätt klnne wecke im Fall, dass si no gschlofe hätte(si hänn mi am Ober vorhär drum bäte) nachdäm i denn wach gsi bi hanni gwartet umd gwartet und gwartet... eig hänn mr am 10:30 ufe Bus welle, aber si hänn widermol länger ka, irgendwenn hänn si mr denn gsait si mien no ufd Wöschmaschine warte, will si e Wösch ihne do hänn...(ich ha extra d Wösch ufe Nommidag verschobe, damit mr rächtzitig hänn könne go) ufjedefall sinn mr denn erscht am 11:30 go z'Morge ässe... Nach em z'Morge binn ich denm haim, will ich mega Kopfweh ka ha...Die Andere sinn in dr Stadt go lädele. Wonn ich denn dehaim ako bi, hanni mega heiss beko umd s Kopfweh isch schlimmer worde, worschins hanni no fieber ka... Ich bi denn dr ganz Nommidag krank im Bett gläge. Zobe binni denn frieh go schlofe und das isch au guet gsi, denn hüt Morge ischs mr besser gange :) Ich wünsch euch no e schöne Dag/Obe und bis gli :)Les mer