35. Tag in Brighton 15.7.16

Die Sonne scheint, sie scheint nicht, sie scheint, sie scheint nicht.......Aber wenigschtens blibbt d Temperatur immer öbbe zwüsche 13 und 15Grad...
Och ha hüt Morge widermol Schuel ka ;) (kei angscht ich gang brav jede Dag ind Schuel) Aber hüt isch no cool gsi, mir hänn dörfe tolli Gschichtli erfinde, leoder isch bi Sitznochber nit so fantasievoll und dr Dritt in mimere Gruppe verstoht nüd... Tja,ich ha mi Spass ka mir luschtigi Idee z überlege au wenn si meischtens ignoriert worde sinn :/ :p Mini zweiti Gruppe isch viel besser gsi dört het unseri Superheldin wenigschtens grieni schueh, e rote jupe, e blaus shirt und e schwarzi Maske ka ;) Nach dr Schuel sinn mr zu 6. nach Lewes gfahre, das isch e mega härzigs Städtli mit kleine Lädeli und Käffeli :) Nachdäm die liebe Girls sich denn ändlig füre italiänischs Restaurant entschide hänn, hann ich mi zfride über mi Ässe här gmacht ;) Drnoch sinm mr mit gfüllte Mäge zum Lewes Castle (oder Casel, liebi griess an mi Babbi), doch leider het niemerts usser ich dört ihne welle, sodass ich elai nomol muess go...Nid so schlimm, es isch schön dört :) Denn sinn mr ins Städtli ihne gonne Kaffi trinke :) Das isch e mega härzigs Kaffi gsi :) Uf die 17:30 hännr denn dr Bus für haime gnoh...D Abby het uns 4 e z'Nacht parat gmacht, will si und dr Oskar mit ihrer Muetter(glaub us Singapur) sinn go ässe. Jetzt hanni no e Serie gluegt umd gang jetzz ins Bett umd morn word mol gschlofe :p Guet Nacht :D
Ps: Es isch nid warm gsi, dä Typ ufem Bild spinnt eifach :/ :pLæs mere