37. Tag in Brighton 17.7.16

Sorry, dass es schowider so spot isch...Aber ich muess euch no vo däm Colourfestival verzelle ;)
Also mir sin gescht Zobe ane Colourefestival gange(Martina,Laura,Anni,Nadine umd ich) Alli Lüt gsehn dlrt glich us, dad isch mega luschtig(wisses libli und schwarzi hose)In dr Mitti hets e Tanzbühni wo die rise Masse tanzt bis zum umkeie :D Rundumme hets Bars ;) Mir hänn zerscht e Tequilla shot trunke(buähh) und drnoch e abartig grusige Sider...D Laura isch drnoch abartig guet druf gsi, die het tanzt wie wild und het e rise saich zämmegschnurrt :p Nach bitz meh als ere Stund hets denn agfange und alli sinn zur Bühni gstürmt um sich e Päckli mit farbigem Pulver z ergattere ;) Denn het de Speaker e Countdown gmacht und bi null hänn alli mit offenem Päckli afo tanze, sodass die ganz Farb umegfloge isch ;) Scho nach dr erschte Rundi sinn mr total farbig gsi denn das hets 3x all halb Stund gäh ;) drzwüsche het me denn immer wider tanzt... Es isch mega cool gsi, zwar bitz hässlig will de das Pulver au im Hals, in dr Nase und in de Ohre ka hesch, aber es isch e super Party gsi :D am öbbe halbi 3hänn mr denn ufe Bus haime welle, aber mir hänn zerscht 1h ufe Bus miesse warte, das ischega luschtig gsi, will uns alli ahgstarrt hänn, will mir überall farbig gsi sinn, d Laura het usgseh, wie e Kemifäger(Kaminfeger)Wo mr denn im Bis gsässe sinn ha ich e Asiatin näbe mir ka, wo mit de Hoor vorem Gsicht gschlofe het...Die het aber so tief gschlofe, dass si nid gmerkt het, dass si in Gang zwüsche de Sitz kippt und so hann ich se denn no im letschte Momänt könne uffange, bevor si am Bode glandet wär... Denn het si ufgluegt, gsait si sig ihgschlofe,het sich ufgrichtet umd het wider witer gschlofe ;) Mir hänn nümm klnne vor lache :p Zum Glügg isch die nägscht Haltstell unseri gsi und mir sinn us däm Bus use und hänn öbbe 100m witer,in unsere Ihfahrt uns miesse ufe Bode setzte und lache,mir hänn fascht nümm könne ufhöre ;) Doch scho bald isch fertig gsi mit lache... Mir hännnämmlig miesse go dusche....Die andere sinn zerscht gange... Drnoch bin ich dra gsi, dört isch scho allea farbig gsi... Ich ha ohni witz 3x duscht... und pro mol wonni ind Duschi gstande bi, hanni mi 3x ihgseift... Es isch immer wider Farb abe gloffe... Und ich ha überall Farb ka und das isch fascht nid abgange... Wonni hüt zobe nomol Duscht ha isch immerno Farb us mine Hoor ko...D Kleider hanni grad in Abfall gschosse, das isch unmöglig gsi die z wäsche...So binni denn am 5:30 oder so ins Bett... D Sunne isch scho ufgange und d Möve hänn au scho fröhlig kreischt! Ich ha somit nid so viel gschlofe... Nach langemwarte uf mini Italie Girls, sinn mir denn am 14:00 ändlig imene Kaffi go Brunche :) Ich pancakes ka mmmhhh :D Denn sinn mr no paar Sache go kaufe und denn binni haim... Dehaimhänn mr denn unseri neue Mitbewohnerinne kenne glernt, zwei Türkinne :) Speziell, aber ganz nätt :) Mir hänn luschtigi Unterhaltige ka am Tisch und s isch viel glache worde... Mir sinn jetzt 7Stück am Tisch... Und jetzt gangi aber go schlofe, ich bi sehr mied... Guet Nacht und schlofet guet :)Read more