6.Tag in Brighton 16.6.16

Und scho wider isch e Dag fascht verbi :)
Die ganzi Hoffnig uf schöns Wätter vo gescht isch hüt wider zerstört worde. Es het wider praktisch nur gschifft und isch a**** kalt gsi brrr... D Schuel isch wider ganz normal gsi, ich ha aber am 13:10 scho us ka :D Nach dr Schuel bini mit dr Intis(vo Frankrich und dr Schwiz) imene all you can eat Restaurant go ässe, isch sehr guet gsi :) Mir hänn sicher öbbe e Stumd gässe und gredet ;) denn binni zur Marine gange, das isch 'Städtli' miteme kleine Hafe. Dört binni go bruune Toast und Ärdbeeri kaufe. Ich ka dä wissi Toast nümm gseh und öbbis zum z'Mittag z finde isch au mega schwer, will ändwäder gohsch ine Lade und kaufsch fertig Brötli(wohlgemerkt wissbrot) oder ich iss in dr Schuel wonni die abartig riise portione eif nid mag... Es isch bitz miesam öbbis gschids zum ässe z finde... Vor allem het do s Ässe kei Salz dinne u d so schmeckt fascht alles glich :/ Mol luege vlt findi no e gueti lösig :) Nach em Ykaufe hanni mrs denn dehaime mit mim ebook gmietlig gmacht. Zum z'Nacht hets Pizza gäh mmmhhh :) Nach em z'Nacht hanni mit em Oskar 1h über Musik diskutiert(ärstudiert Musik und är wird e Musikproduzänt, är spilt mega guet Gitarre) Das isch mega interessant gsi, aberich ha mi mega miesse konzentriere zum alles z verstoh ;)
So ich gang ins Bett guet nacht :)Read more