7.Tag in Brighton 17.6.16

Jo jo ich weiss dr 17.6.16 isch gescht gsi, aber gescht binni 'very busy' gsi, wie d Engländer sage ;)
Am Morge binni ganz normal ind Schuel gange(vlt nochär mehr drzue) Nach dr Schuel sinn d Lamya, zwei Koreanerinne und ich ine italiänischs Restaurant gange 'to having lunch' mmmhh :) Obwohl mir alli voll gsi sinn het d Lamya gfunde mir mien unbedingt mol in dä Scgiggilade in Brighton. So sinn mr denn dört ane gone Kaffi/Schoggi go trinke. Dä Lade isch super, denn dört bestoht ALLES us Schoggi. Und will mir jo nid scho voll gsi sinn und fascht vorem verplatze het d Lamya no Kueche und Marshmallows bstellt(nochär bini wirgglig fascht platzt) Mit volle Büch, aber überglügglig, hänn sich unseri Wäg denn trennt, will d Koreanerinne nid mit uns in dr Royal Pavillon hänn welle go. Jä ihr händ richtig köhrt, d Florina isch ine Museum gange und si hets dr hammer gfunde :p (das heisst aber nid dass ich jetzt sehr gärn in Musee gang:p) Nei wirgglig, es isch mega idruggsvoll gsi. Dä Pavillon ischs Huus vom König IV vo England gsi und au d Queen Victoria het dört inne gwohnt. Im 1.Wältkrieg sinn vieli Zimmer zumene Hospital für die indischi Armee umbaut worde. Die ganzi Dekoration umd Wandbemolig zügt vo indischer und chinesischer Kultur und Kunscht. Die zwei Kulture verschmelze dört inenand, so hets überall Scglange und Drache. Dä Typ an dr Reception het mir verzellt, dass das für d Chinese unvorstellbar isch dass Schlange und Drache ufenander träffe, dorum sig dr Musiksaal mehrmols igstürzt(verellt me sich) Es isch wirgglig unglaublig gsi, es isch soo gigantisch gross umd alles isch in rot-gold Tön bemolt. Überwältigt vo däne Idrügg sinn hänn mr uns denn miteme kleine Abstächer in Ykaufslade ufe Haimwäg gmacht. Dört hänn d Lamya und ich e arabischs z'Nacht kocht, will ihre Brueder und däm si Kollege uf bsuech ko sinn mmmmhh :)
Das ässe isch dr hammer gsi und mir hänns mega luschtig ka :) Nach däm die Männer gange sinn und mir abgwäsche hänn sinn mir tod mied ins Bett keit und hänn tief und fescht gschlofe :)Okumaya devam et