9. Tag in Brighton 19.6.16

Hüt Morge: Sunne und warm
Jetzt: Räge und Wind
Das Wätter isch soo unberächebar... Ich bi hüt Morge am 9i mit Sunneschiin ufgstande und bi go jogge(ich wird sus zu dick ab däm Ässe do) Es isch herrlig gsi :D Am Strand entlang mit Sunne,warm und eme fine Windli :) Es sinn scho rächt viel Lüt unterwägs gsi :) Ich bi öbbe 30min joggt und denn öbbe 45min wider zrugg gloffe, will es het nur e paar wenigi Stelle, wo me ufd Stross uffe ka, sus hets nur Felse gegeüber vom Meer :) Nachere Duschi und z'Morge hanni dr Bikini aglegt und bi mit mim eBook und de Kopfhörer an Strand(leider usch es kei pure Sandstrand) Dört hanni mi denn 2h ind Sunne glegt und gläse, bevor denn am 3i d Wolke ko sinn unds wäggem Wind kalt worde isch. Am 4i hanni mi mit dr Lamya ufe Kaffi in dr Stadt troffe. Es isch e kleons härzigs Kaffi gsi, wos e mega feine Capuccino gäh het mmmhhh :) S haim go mit em Bus isch e bitz e schwirigers Unterfange gsi, will hütte sinn e paar(ok e paar vili)Lüt mit em Velo vo London uf Brighton gfahre, somit isch überall abgspeert gsi :/ mir sinn über d Hälfti vom wäg gloffe, bis mir ändlig e Busstation gfumde hänn, wo e Bus haltet. Jetzt sinn mr dehaim und warte ufs z'Nacht. Und wär häts dänggt, dusse rägnets widermol :/ Durch das ich mini Huusufgobe scho gmacht ha und au scho mini Kleider gwäsche ha, kann ich jetzt gmietlig uf em Bett sitze(wo d Abby hüt für mi früsch bezoge het) und Läse :D Bis Morn :)Read more