Floinbrighton 11.6.16

Hallo Zämme
Ich wird jetzt zwei Mönet in Brighton verbringe und ha dänggt ich schrib emol bitz uf, was ich so erläb. Hüt bini in London ufem Flughafe ako. Nach rugby-artigem-durekämpfe hanni denn ändlig mi Driver für uf Brighton gfunde. Dä het mi in unterhaltsame 40min zu minere Gaschtfamilie gfahre. Ich bi härligscht vo minere Gastmuetter Abby und ihrem Sohn Oskar empfange worde. Nachere Fierig durchs Huus und e paar Infos sinn mr au scho zu dritt in dr Kuchi voreme Cup of Coffee gsässe. Denn hanni dörfe mi super härzigs Zimmer bezieh. Ich ha e super Blick ufs Meer. Und ich ha e riise Freud am ibaute Kleiderkaschte ;) Inere halbe Stund gits z`Nacht und denn wird ich au die anderi Mitbewohnere us Saudi Arabie kenne lerne, ich bi gspannt. So, das mol für hüt, bis Morn :)Read more